ADផ្ទាំងផ្សព្វផ្សាយពាណិជ្ជកម្ម

Picture

សម្រេច​បិទទ្វារ​កុដិ​ចំនួន​៣ក្នុង​វត្ត​ទេពធីតា​រាម ហៅ​វត្ត​យាយ​ទេព និង​បិទ​ខ្ទប់​ភូមិ​១​មួយទៀត

1 ខែ មុន
  • កំពង់ឆ្នាំង

កុដិ​ចំនួន​៣ នៅ​ក្នុង​វត្ត​ទេពធីតា​រាម ហៅ​វត្ត​យាយ​ទេព ស្ថិត​នៅ​ក្នុង​សង្កាត់​ផ្សារឆ្នាំង ក្រុង​កំពង់ឆ្នាំង ត្រូវ​បាន​អាជ្ញាធរ​ក្រុង សម្រេច​បិទទ្វារ​ជា​បណ្តោះអាសន្ន ព្រោះតែ​បាន​រក​ឃើញ

ខេត្តកំពង់ឆ្នាំង ៖ កុដិ​ចំនួន​៣ នៅ​ក្នុង​វត្ត​ទេពធីតា​រាម ហៅ​វត្ត​យាយ​ទេព ស្ថិត​នៅ​ក្នុង​សង្កាត់​ផ្សារឆ្នាំង ក្រុង​កំពង់ឆ្នាំង ត្រូវ​បាន​អាជ្ញាធរ​ក្រុង សម្រេច​បិទទ្វារ​ជា​បណ្តោះអាសន្ន ព្រោះតែ​បាន​រក​ឃើញ ព្រះសង្ឃ ដូនជី​តាជី ចំនួន​៦​អង្គ​/​នាក់ កើត​ជំងឺ​កូ​វី​ដ​១៩ ដែល​ជា​លទ្ធផល​តេស​រហ័ស​នៅ​ព្រឹក​ថ្ងៃ​ទី​២៧ ខែកញ្ញា ឆ្នាំ​២០២១ ។ ជាមួយ​គ្នា​នេះ រដ្ឋបាល​សាលាស្រុក​ជល​គី​រី ក៏​បាន​ស​ម្រ​ច​បិទ​ខ្ទប់​ភូមិ​ពាម​ឆ្កោក ក្នុង​ឃុំ​ពាម​ឆ្កោក ស្រុក​ជល​គី​រី ជា​បណ្ដោះអាសន្ន​ដែរ បន្ទាប់​ពី​ឃើញ​អ្នក​ឆ្លង​កូ​វី​ដ​១៩​ច្រើន​ពេក ។

Picture

លោក យិ​ន សា​វ៉េ​ន អភិបាលក្រុង​កំពង់ឆ្នាំង បាន​បញ្ជាក់​ថា បន្ទាប់​ពី​រក​ឃើញ​ព្រះសង្ឃ និង​ដូនជី​តាជី​ចំនួន​៦​អង្គ​/​នាក់ ក្នុង​វត្ត​ទេពធីតា​រាម ហៅ​វត្ត​យាយ​ទេព ស្ថិត​ក្នុងភូមិ​ផ្សារឆ្នាំង សង្កាត់​កំពង់ឆ្នាំង កើត​ជំងឺ​កូ​វី​ដ​១៩ រួច​មក អាជ្ញាធរ​ក្រុង​បាន​សម្រេច​បិទទ្វារ​កុដិ​ចំនួន​៣ ជា​បណ្ដោះអាសន្ន ដោយ​កុដិ​ទី​១ គឺ​ដាក់​តែ​លោក​គ្រូសូត្រស្តាំ​១​អង្គ ដែល​មាន​វិជ្ជមាន​កូ​វី​ដ​១៩ និង​កុដិ​ទី​២ ដាក់​ព្រះសង្ឃ​មាន​វិជ្ជមាន​កូ​វី​ដ​១៩ ហើយ​កុដិ​ទាំង​២​នេះ គឺ​សម្រាប់​ឱ្យ​ក្រុម​គ្រូពេទ្យ​ចូល​ទៅ​ព្យាបាល ។

Picture

លោក​បន្ត​ថា ចំណែក​កុដិ​១​ទៀត គឺ​កុដិ​ទី​៣ សម្រាប់​ដាក់​ព្រះសង្ឃ​ដែល​បាន​ប៉ះពាល់​ដោយ​ផ្ទាល់ និង​ប្រយោល​ធ្វើ​ច​ត្តា​ឡី​ស័ក​រយៈពេល​១៤ ថ្ងៃ ដោយឡែក​ដូនជី​តាជី​វិញ ត្រូវ​បាន​យក​ទៅ​ព្យាបាល​នៅ​មណ្ឌល​ព្យាបាល​សាលាក្រុង​កំពង់ឆ្នាំង ។ ហើយ​សម្រាប់​វត្ត​ទាំងមូល គឺ​មិន​បាន​បិទទ្វារ​នោះ​ទេ គឺ​នៅ​អនុញ្ញាតិ​ឱ្យធ្វើ​បុណ្យ​ធម្មតា តែ​ត្រូវ​អនុវត្ត​វិធានការ «៣​កុំ និង​៣​ការពារ​»​។

Picture

ដោយឡែក​រដ្ឋបាល​សាលាស្រុក​ជល​គី​រី វិញ នៅ​ថ្ងៃ​ទី​២៨ ខែកញ្ញា ឆ្នាំ​២០២១​នេះ​ដែរ ក៏​បាន​ចេញ​សេចក្តីសម្រេច ស្តី​ពី​ការ​បិទ​ខ្ទប់​ជា​បណ្តោះអាសន្ន នូវ​ទីតាំង​ភូមិសាស្ត្រ ក្នុងភូមិ​ពាម​ឆ្កោក ឃុំ​ភូមិ​ពាម​ឆ្កោក ឃុំ​ពាម​ឆ្កោក ស្រុក​ជល​គី​រី ផង​ដែរ គឺ​មិន​អនុញ្ញាតិ​ឱ្យ​ចេញចូល​ឡើយ ព្រមទាំង​ដាក់​កម្លាំង​សមត្ថកិច្ច​ការពារ​ទៀត​ផង ។

Picture

គួរ​បញ្ជាក់​ដែរ​ថា ក្នុងអំឡុងពេល​នៃ​ពិធីបុណ្យ​កាន់បិណ្ឌ​នេះ ខេត្តកំពង់ឆ្នាំង ហាក់​មាន​សន្ទុះ​នៃ​ការ​ឆ្លង កូ​វី​ដ​១៩ គឺ​មាន​ចំនួន​ច្រើន​គួរ​ព្រួយបារម្ភ ។ ជាក់ស្តែង​តាម​លទ្ធផល​ប្រកាស​របស់​រដ្ឋបាល​សាលាខេត្ត​កំពង់ឆ្នាំង រយៈពេល​៤​ថ្ងៃ​ជាប់​គ្នា​នេះ គឺ​ថ្ងៃ​ទី​២៣ បាន​រក​ឃើញ​អ្នក​ឆ្លង​ថ្មី​ចំនួន​៦៥​នាក់​, ថ្ងៃ​ទី​២៤ បាន​រក​ឃើញ​ចំនួន​៦២​នាក់​, ថ្ងៃ​ទី​២៥ បាន​រក​ឃើញ​ចំនួន​១១៤​នាក់ និង​នៅ​ថ្ងៃ​ទី​២៦ ខែកញ្ញា​នេះ គឺ​បាន​រក​ឃើញ​ចំនួន​១០៥​នាក់​។ នេះ​បើ​តាម​រដ្ឋបាល​សាលាខេត្ត​កំពង់ឆ្នាំង នៅ​មិន​ទាន់​ប្រកាស​លទ្ធផល ខណៈ​ដែល​ក្រុម​គ្រូពេទ្យ កំពុង​មមាញឹក​ក្នុង​ការ​យក​សំណាក នៅ​ថ្ងៃ​ទី​២៧ និង​ថ្ងៃ​ទី​២៨ ខែកញ្ញា​នេះ​ទៀត​ផង ។

Picture

ដូច្នេះ​លទ្ធផល​វិជ្ជមាន​កូ​វី​ដ​១៩ ចេះ​តែ​មាន​សន្ទុះ​ច្រើន​បែប​នេះ សូម​ប្រជាពលរដ្ឋ អនុវត្ត​នូវ​វិធានការ​ការពារ តាម​អាជ្ញាធរ​ខេត្ត និង​ក្រសួងសុខាភិបាល គឺ «៣​កុំ​៣​ការពារ​» ហើយ​បើ​ពុំ​ចាំបាច់ សូមកុំ​ចេញ​ក្រៅ​ផ្ទះ​៕

Picture
Picture
Picture
Picture
Picture
Picture
Picture