រាជធានីភ្នំពេញ ៖ សាលាដំបូងរាជធានីភ្នំពេញ កាលព្រឹកថ្ងៃទី២៦ កុម្ភៈ ២០១៦ បានបើកសវនាការជំនុំជម្រះលើសំណុំរឿងយុវជនក្លាហានម្នាក់ ជាអតីតនិស្សិតសាកលវិទ្យាល័យខេមរៈ ដែលអំពាវនាវចង់ធ្វើបដិវត្តន៍ពណ៌ប្រឆាំងរាជរដ្ឋាភិបាល នៅលើបណ្តាញទំនាក់ទំនងសង្គមហ្វេសប៊ុក ។
រាជធានីភ្នំពេញ ៖ សាលាដំបូងរាជធានីភ្នំពេញ កាលព្រឹកថ្ងៃទី២៦ កុម្ភៈ ២០១៦ បានបើកសវនាការជំនុំជម្រះលើសំណុំរឿងយុវជនក្លាហានម្នាក់ ជាអតីតនិស្សិតសាកលវិទ្យាល័យខេមរៈ ដែលអំពាវនាវចង់ធ្វើបដិវត្តន៍ពណ៌ប្រឆាំងរាជរដ្ឋាភិបាល នៅលើបណ្តាញទំនាក់ទំនងសង្គមហ្វេសប៊ុក ។
យុវជនក្លាហានជាប់សង្ស័យក្នុងសំណុំរឿងខាងលើនេះ ឈ្មោះគង់ រ៉ៃយ៉ា អាយុ២៦ឆ្នាំ រហស្សនាមនៅក្នុងហ្វេសប៊ុក soriya koko ត្រូវបានតុលាការឃុំខ្លួនដាក់ពន្ធនាគារ កាលពីល្ងាចថ្ងៃទី២២ សីហា ២០១៥ កន្លងទៅ ក្រោមការចោទប្រកាន់ពីបទញុះញង់ឲ្យប្រព្រឹត្តបទឧក្រិដ្ឋជាអាទិ៍ តាមមាត្រា៤៩៤ និង៤៩៥ នៃក្រមព្រហ្មទណ្ឌ ។
បទល្មើសនេះ កំណត់ការផ្តន្ទាទោសពី៦ខែ ទៅ២ឆ្នាំ និងពិន័យជាប្រាក់ពី១លានរៀលទៅ៤លានរៀល ។ ជនត្រូវចោទបានសរសេរលើបណ្ដាញទំនាក់ទំនងសង្គមហ្វេសប៊ុកថា (តើមានអ្នកណាហ៊ានធ្វើបដិវត្តន៍ពណ៌ជាមួយខ្ញុំទេ? ថ្ងៃណាមួយ នៅពេលខាងមុខនេះ ខ្ញុំនឹងធ្វើបដិវត្តពណ៌ ដើម្បីផ្លាស់ប្តូររបបមួយនេះចេញពីសង្គមខ្មែរ ទោះបីជាត្រូវជាប់គុក ឬស្លាប់ក៏ដោយ ក៏ខ្ញុំត្រូវតែធ្វើដែរ) តែទីបំផុតខ្លួនឯងជាប់គុកមែន ។
អង្គសវនាការបានសាកសួរដេញដោលចប់សព្វគ្រប់ហើយ តែប្រធានក្រុមប្រិក្សាជំនុំជម្រះ បានលើកពេលប្រកាសសាលក្រម ទៅថ្ងៃទី១៣ មីនា ២០១៦ ខាងមុខនេះ ។
ចែករំលែកព័តមាននេះ