ព្រះសង្ឃជាច្រើនអង្គ និមន្តធ្វើបាតុកម្មប្រឆាំងរបបយោធានៅមីយ៉ាន់ម៉ា
ព្រះសង្ឃស្និទ្ធប្រជាធិបតេយ្យមីយ៉ាន់ម៉ាជាច្រើនសិបអង្គ្ កាលពីថ្ងៃទី២៥ ខែកញ្ញា ឆ្នាំ២០២១ បាននិមន្តធ្វើបាតុកម្មហែក្បួនតាមដងវិថីនានា នៃទីក្រុង
ប្រទេសមីយ៉ាន់ម៉ា ៖ ព្រះសង្ឃស្និទ្ធប្រជាធិបតេយ្យមីយ៉ាន់ម៉ាជាច្រើនសិបអង្គ្ កាលពីថ្ងៃទី២៥ ខែកញ្ញា ឆ្នាំ២០២១ បាននិមន្តធ្វើបាតុកម្មហែក្បួនតាមដងវិថីនានា នៃទីក្រុងម៉ាន់ដាឡៃ ជាទីក្រុងធំទី២ របស់ប្រទេស ដើម្បីតវ៉ាប្រឆាំងរដ្ឋប្រហារយោធា នាឱកាសខួបលើកទី១៤ នៃបដិវត្តន៍ SAFRAN។
មីយ៉ាន់ម៉ា ស្ថិតក្នុងភាពច្របូកច្របល់ ចាប់តាំងពីកងយោធា ធ្វើរដ្ឋប្រហារផ្ដួលរំលំរដ្ឋាភិបាលស៊ីវិលរបស់លោកស្រី អ៊ួង សាន់ស៊ូជី តាំងពីខែកុម្ភៈមក ដែលបញ្ចប់លិទ្ធប្រជាធិបតេយ្យបានត្រឹម១០ឆ្នាំ។ កងយោធាបានធ្វើការបង្ក្រាបបង្ហូរឈា.មលើពួកប្រឆាំង។ ជនស៊ីវិលជាង១.១០០នាក់ហើយបានត្រូវសម្លា.ប់ និង៨.៤០០នាក់ទៀតកំពុងជាប់ឃុំឃាំង។
ជាប្រវត្តិសាស្ត្រព្រះសង្ឃក្នុងប្រទេសមីយ៉ាន់ម៉ា ដែលប្រជាជនភាគច្រើនជាអ្នកកាន់ព្រះពុទ្ធសាសនា ត្រូវបានចាត់ទុកជាអាជ្ញាធរខាងសីលធម៌ជាន់ខ្ពស់ ដែលរៀបចំសហគមន៍ ហើយជារឿយៗបានប្រឆាំងរបបយោធារៀងៗមក។ ប៉ុន្តែចំពោះរដ្ឋប្រហារនាឆ្នាំនេះ មានការខ្វែងគំនិតគ្នា កើតមានក្នុងផ្ទៃសហគមន៍សង្ឃ ដោយមន្ត្រីសង្ឃមួយចំនួនគាំទ្ររបបយោធា ចំណែកមន្ត្រីសង្ឃមួយចំនួនទៀតគាំទ្រពួកបាតុករ។
កាលពីថ្ងៃទី២៥ ខែកញ្ញា ព្រះសង្ឃជាច្រើនសិបអង្គ បានហែក្បួនបាតុកម្មនៅក្រុងម៉ាន់ដាឡៃ ដែលចាត់ទុកជារដ្ឋធានីសាសនា របស់ប្រទេស ដោយលើកទង់ជាតិ និងបដានានា។ អ្នកទទួលខុសត្រូវម្នាក់នៃការរៀបចំបាតុកម្មនោះថ្លែងថា ព្រះសង្ឃដែលប្រកាន់សច្ចះធម៌ឈរនៅខាងប្រជាជន។ សង្ឃចូលរួមក្នុងបាតុកម្មអំពាវនាវឲ្យដោះលែងបណ្ដាអ្នកទោសនយោបាយ ក្នុងនោះមានបណ្ដាសមាជិកគណបក្សលោកស្រីស៊ូជីផងដែរ។
កាលពីឆ្នាំ២០០៧ ព្រះសង្ឃបាននាំមុខក្បួនបាតុកម្មធំៗ ក្នុងប្រទេសប្រឆាំងរបបយោធាមុន ក្នុងនោះអ្វីដែលគេហៅថាបដិវត្តន៍SAFRAN ។ មានការបង្ក្រាបយ៉ាងសា.ហាវបំផុត ប្រឆាំងព្រះសង្ឃជាបាតុករ ដោយសង្ឃច្រើនអង្គត្រូវសុគត ឬបាត់ខ្លួន ឬក៏ត្រូវចាប់ឃុំឃាំង៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ