តារាចម្រៀងដែលចូលចិត្តសម្ញែងភាពសិចស៊ីនាង រតនៈ ពិសី បានកាន់តែបង្ហាញនូវភាពស៊ីវិល័យរបស់ខ្លួនតាមរយៈការប្តូររថយន្តទំនើបថ្មីសន្លាងដែលមានតម្លៃប្រមាណជាង១០ម៉ឺនដុល្លារអាមេរិក។ រថយន្តដែលតារារូបនេះទើបនឹងទិញ គឺម៉ាក
រាជធានីភ្នំពេញ ៖ តារាចម្រៀងដែលចូលចិត្តសម្ញែងភាពសិចស៊ីនាង រតនៈ ពិសី បានកាន់តែបង្ហាញនូវភាពស៊ីវិល័យរបស់ខ្លួនតាមរយៈការប្តូររថយន្តទំនើបថ្មីសន្លាងដែលមានតម្លៃប្រមាណជាង១០ម៉ឺនដុល្លារអាមេរិក។ រថយន្តដែលតារារូបនេះទើបនឹងទិញ គឺម៉ាកឡង់គ្រីសឺ ស៊េរីឆ្នាំ២០២០ ដែលជារថយន្តដ៏ទើប និងពេញនិយមសម្រាប់អ្នកអភិជន។
រតនៈ ពិសី បានអះអាងប្រាប់កោះសន្តិភាពថា «រថយន្តថ្មីនេះ នាងទើបតែទិញបានប៉ុន្មានថ្ងៃនេះប៉ុណ្ណោះ ហើយវាជាប្រភេទរថយន្តដែលនាងស្រឡាញ់មកជាយូរហើយ»។ នាងបញ្ជាក់ថា «ការសម្រេចប្រើប្រាស់រថយន្តប្រភេទនេះ គឺដោយសារវាធំទូលាយ ដែលអាចធ្វើដំណើរងាយស្រួលជាលក្ខណៈគ្រួសារ»។
នាងបន្ថែមថា «ការទិញរថយន្តថ្មីដែលមានតម្លៃជាង១០ម៉ឺនដុល្លារនាពេលនេះ គឺនាងទិញដោយបង់ផ្តាច់តែម្តង ពោលគឺមិនមែនជាការបង់រំលោះជាមួយធនាគារឡើយ»។
យ៉ាងណា បើតាមរតនៈ ពិសី ឱ្យដឹងថា លុយដែលប្រើប្រាស់សម្រាប់ទិញរថយន្តថ្មីនេះ គឺជាលុយរបស់នាងសុទ្ធសាដ ដែលបានមកពីការងារសិល្បៈ និងការរកស៊ី។
នាងបញ្ជាក់ថា បច្ចុប្បន្នក្រៅពីការងារសិល្បៈ នាងមានបើកហាងរកស៊ីមួយកន្លែងឈ្មោះថា USA Express Mart ដែលនាំចូលផលិតផលបំប៉នសុខភាពពីសហរដ្ឋអាមេរិក។ នាងថា មុខរបរនេះ ក៏បានហុចឱកាសអោយនាងរកចំណូលបានច្រើនគួរសមផងដែរ ដោយសារផលិតផលដែលនាងលក់នោះ គឺត្រូវនឹងបរិបទដែលកម្ពុជា កំពុងទទួលរងការឆ្លងរីករាលដាលនៃជំងឺកូវីដ១៩។
យ៉ាងណា រតនៈ ពិសី បានទទួលស្គាល់នៅក្នុងស័យកាលកូវីដនាពេលនេះ នាងក៏ដូចអ្នកសិល្បៈជាច្រើនទៀត ក៏បានប៉ះពាល់ខ្លះៗពីការរកចំណូល។ រតនៈ ពិសី បានលើកឡើថា បច្ចុប្បន្ន នាងបានថតបទថ្មីៗមួយចំនួនដាក់បញ្ចូលក្នុងឆាណែលយូធូប ហើយបទចម្រៀងនាងមួយចំនួនក៏មានការគាំទ្រផងដែរ។ នាងថា ប្រសិនបើរូបនាងនៅតែមានការគាំទ្រពីសំណាក់ទស្សនិកជននោះ នាងនឹងនៅតែបន្តអាជីពសិល្បៈចម្រៀងនេះ ដោយមិនដើរចេញទៅឡើយ៕
ចែករំលែកព័តមាននេះ