ADផ្ទាំងផ្សព្វផ្សាយពាណិជ្ជកម្ម

Picture

អាជ្ញាធរខេត្តប៉ៃលិន សម្រុកចាក់បេតុងផ្លូវឡើង​ទៅរមណីយដ្ឋានទឹកធ្លាក់អូរតាវ៉ៅ ហៅ ភ្នំខៀវ ដើម្បីទាក់ទាញភ្ញៀវទេសចរ ពេលចប់កូវីដ

2 អាទិត្យ មុន
  • ប៉ៃលិន

ខេត្ត​ប៉ៃលិន​៖ រហូតមកដល់​ថ្ងៃទី​៨ ខែកញ្ញា ឆ្នាំ​២០២១​នេះ នៅសល់​ពេល​តែ​ជិត ១​ខែ​ទៀត​ប៉ុណ្ណោះ រដូវ​បុណ្យ​ភ្ជុំបិណ្ឌ នឹង​ឈានចូល​មកដល់ ទោះបីជា​បញ្ហា​វិបត្តិ​ជំងឺ​កូ​វីដ​១៩ ប្រភេទ​ថ្មី…

ខេត្ត​ប៉ៃលិន​៖ រហូតមកដល់​ថ្ងៃទី​៨ ខែកញ្ញា ឆ្នាំ​២០២១​នេះ នៅសល់​ពេល​តែ​ជិត ១​ខែ​ទៀត​ប៉ុណ្ណោះ រដូវ​បុណ្យ​ភ្ជុំបិណ្ឌ នឹង​ឈានចូល​មកដល់ ទោះបីជា​បញ្ហា​វិបត្តិ​ជំងឺ​កូ​វីដ​១៩ ប្រភេទ​ថ្មី ដែល​តា កំពុង​ឆ្លង​រាលដាល ក្នុងប្រទេស​កម្ពុជា​យើង​ក៏ដោយ​។ សម្រាប់​ខេត្ត​ប៉ៃលិន អាជ្ញាធរខេត្ត កំពុងតែ​សម្រុក​ធ្វើ​ផ្លូវ​បេតុង​ឡើងទៅ​រមណីយដ្ឋាន​ទឹកធ្លាក់​អូរ​តា​វ៉ៅ ហៅ ភ្នំ​ខៀវ ឱ្យ​រួចរាល់ ទាន់ពេលវេលា ដើម្បី​ទាក់ទាញ​ភ្ញៀវទេសចរ ក្នុង​ខេត្ត ជាពិសេស​ពេល​ចប់​បញ្ហា​កូ​វីដ ១៩ អាច​នឹង​ទាក់ទាញ​ភ្ញៀវ​ជាតិ និង​អន្តរជាតិ ឱ្យចូល​ទៅលេង​កំសាន្ត​យ៉ាង​សប្បាយរីករាយ នាពេល​បុណ្យទាន ឬ​ថ្ងៃ​ចុង​សប្តាហ៍​ផងដែរ​។

​ប្រភពព័ត៌មាន​បានឱ្យ​ដឹងថា រមណីយដ្ឋាន​ទឹកធ្លាក់​អូរ​តា​វ៉ៅ ហៅ ភ្នំ​ខៀវ មាន​ចំងាយ​ពី​ក្រុងប៉ៃលិន ប្រមាណ ៧ ទៅ ៨​គីឡូម៉ែត្រ ឆ្ពោះទៅ​ទិស​ខាងត្បូង ស្ថិតនៅ​ក្នុងភូមិ​ខ្លុង សង្កាត់​អូរ​តា​វ៉ៅ ក្រុងប៉ៃលិន ខេត្ត​ប៉ៃលិន ដែលជា​រមណីយដ្ឋាន​ល្អ​ជាងគេ​បំផុត នៅក្នុង​ខេត្ត អម​ទៅដោយ​ព្រៃព្រឹក្សា​ដុះ លូតលាស់​យ៉ាង​ខៀវខ្ចី នៅ​សងខាង​ផ្លូវ​។

​ប្រភព​បន្តទៀតថា មិន​ត្រឹមតែ​ប៉ុណ្ណោះ ពេល​ចូល​ទៅដល់​ក្បែរ​កន្លែង​ទឹកជ្រោះ គេ​ឮ​សំឡេង​សត្វ​រៃកណ្តឹង​យំ​ត្រសង​ប្រដេញ​គ្នា ចុះឡើងៗ ដូចជា សំឡេង​នៃ​ភ្លេង​តូរ្យតន្ត្រី​អ្វី​ម្យ៉ាង អាច​បំពេរ​អារម្មណ៍​អ្នក​ស្តាប់​ឱ្យ​នឹកឃើញ​ពី​អតីតកាល​។ លើសពីនេះ នៅពេល​ស្ងាត់​មនុស្សម្នា គេ​សង្កេតឃើញ​សត្វ​ស្វា​ញី​ឈ្មោល តែង​ចុះ​ពីលើ​ដើមឈើ មក​ប្រលែង​គ្នា នៅក្បែរ​ដងផ្លូវ ទាំង​ហ្វូង ព្រោះ​មាន​ដើមឈើ​ច្រើន​ជាទី​ជម្រក សម្រាប់​សត្វ​ស្វា និង​សត្វ​ផ្សេងៗ​។

​ម្យ៉ាងវិញទៀត ពេល​ភ្ញៀវទេសចរ​នាំគ្នា​ធ្វើដំណើរ ចូល​ទៅលេង​កម្សាន្ត នាពេល​ព្រឹក តែង​ឮ​សំឡេង​សត្វ តា​វ៉ៅ សត្វ​សេក និង​សត្វ​ចាប ស្រែកយំ​កងរំពង​ពេញ​ព្រៃ ដូច​មនុស្ស​ជួបជុំ​ក្រុមគ្រួសារ ក្នុង​សហគមន៍​។

​អ្វីដែល​គួរឱ្យ​ចាប់អារម្មណ៍​ជាងគេ​បំផុត​នោះ គឺ​ទឹកជ្រោះ​ជាន់​ទី​៧ ដែល​ហូរ​ធ្លាក់​មកពី​លើ​កំ​ពូ ល​ភ្នំ​ខៀវ ចុះមក​តាម​ដងអូរ លាន់ឮ​សូរសំឡេង​ឥត​ដាច់ ខណ​:​ពេល​ភ្ញៀវទេសចរ​ចុះ​ងូតទឹក​លេង ធ្វើឱ្យ​ត្រជាក់​កាយ​សប្បាយ​ក្នុង​ចិត្ត បំបាត់​អស់​ទុក្ខ​កង្វល់ បង្កើត​នូវ​អារម្មណ៍​ភ្លឺ​ថ្លា ជាពិសេស​បំបាត់​ស្ត្រេ​ស ខណៈពេល​បំពេញការងារ​ច្រើន​ផងដែរ​។

​ប្រភពព័ត៌មាន​ពី​មេការ​ធ្វើ​ផ្លូវ​បេតុង​ម្នាក់ បានឱ្យ​ភ្នាក់ងារ​សារព័ត៌មាន​យើង​ដឹងថា ផ្លូវ​បេតុង ចាប់ពី​ខ្លោងទ្វារ​រមណីយដ្ឋាន រហូតដល់​កន្លែង​លេង​ទឹកជ្រោះ មាន​ចំងាយ​ប្រមាណ​ជា ២​គីឡូម៉ែត្រ ត្រូវបាន​អាជ្ញាធរខេត្ត ដឹកនាំ​ដោយ​លោកជំទាវ បាន ស្រីមុំ អភិបាលខេត្ត​ប៉ៃលិន រៀបចំ​ចាក់​បេតុង មាន​ទទឹង​ប្រវែង ៦​ម៉ែត្រ ហើយ​ប្រហែលជា​ជិត ១​ខែ​ទៀត អាច​នឹង​រួចរាល់ ដែល​ញ៉ាំងឱ្យ​ភ្ញៀវទេសចរ ធ្វើដំណើរ​ទៅលេង​កំសាន្ត មិន​បារម្ភ​ខ្លាច​រអិល ឬ​បែក​កង់​ម៉ូតូ ឬ​រថយន្ត ដោយសារ​មុត​នឹង​ក្បាល​ថ្ម​នោះឡើយ​។

​ប្រភព​បន្តទៀតថា នៅពេល​ចប់​វិបត្តិ​ជំងឺ​កូ​វីដ​១៩ ទឹកធ្លាក់​អូរ​តា​វ៉ៅ ហៅ ភ្នំ​ខៀវ នឹងមាន​ភ្ញៀវ​ចូល​ទៅលេង​កំសាន្ត​ច្រើន ព្រោះ​មាន​កន្លែង​ធំ​ទូលាយ ទេសភាព​ស្រស់ស្អាត គួរឱ្យ​ចង់​គយគន់ ព្រោះ​អាជ្ញាធរខេត្ត នឹង​រៀបចំ​ដាំ​ផ្កា នៅតាម​សងខាង​ផ្លូវ តុបតែង​ធ្វើ​ខ្យុ​ស ព្រមទាំង​គ្រោង​រៀបចំ​សាងសង់​ផ្ទះ​លំហែកាយ នៅក្បែរ​រមណីយដ្ឋាន​ផងដែរ​៕ នី​យ៉ា​

Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture