ADផ្ទាំងផ្សព្វផ្សាយពាណិជ្ជកម្ម

ប្រធាននាយកប្រតិបត្តិ AirAsia Cambodia បង្ហាញពីការផ្លាស់ប្តូរយុទ្ធសាស្ត្រសម្រាប់សហគ្រិនកម្ពុជា ក្នុងការឆ្ពោះទៅរកកំណើនប្រកបដោយចីរភាព ក្នុងមហាសន្និបាកជាតិ YEAC ឆ្នាំ ២០២៦

17 ម៉ោង មុន

០៧ ខែ មេសា ឆ្នាំ ២០២៦ ម៉ោង ១៧:៣២

រាជធានីភ្នំពេញ ៖ លោក ណម វិស្សុត ប្រធាននាយកប្រតិបត្តិនៃក្រុមហ៊ុនអាកាសចរណ៍ AirAsia Cambodia បានអញ្ជើញចូលរួមជាវាគ្មិនកិត្តិយសក្នុងមហាសន្និបាតជាតិសមាគមសហគ្រិនវ័យក្មេងកម្ពុជា (YEAC National Convention 2026) ដោយមានការអញ្ជើញចូលរួមពីមន្ត្រីជាន់ខ្ពស់រាជរដ្ឋាភិបាល និងថ្នាក់ដឹកនាំធុរកិច្ចជាច្រើនរូប ។ ក្នុងមហាសន្និបាតនោះ លោក ណម វិស្សុត បានចែករំលែកនូវចក្ខុវិស័យសម្រាប់អនាគតនៃវិស័យធុរកិច្ចកម្ពុជា ដោយផ្តល់អនុសាសន៍ឱ្យសហគ្រិនផ្លាស់ប្តូរ ឥរិយាបថពីអ្នកតស៊ូត្រឹមតែដើម្បីរស់ (Survivor” ដែលផ្តោតតែលើប្រតិបត្តិការប្រចាំថ្ងៃទៅជាអ្នកស្ថាបនា (Architects) និងមានឥទ្ធិពលយ៉ាងសកម្មដែលជាអ្នករៀបចំគម្រោងក្នុងការកសាងប្រព័ន្ធអេកូឡូស៊ីសេដ្ឋកិច្ចក្នុងតំបន់ឱ្យកាន់តែទូលំទូលាយ ។

ក្នុងបទបង្ហាញក្រោមប្រធានបទ «ការកសាងអាជីវកម្មក្នុងស្ថានភាពលំបាក ៖ របៀបដែលសហគ្រិនអាចរៀបចំប្រព័ន្ធសេដ្ឋកិច្ច» ។ លោក ណម វិស្សុត បានពិភាក្សាយ៉ាងស៊ីជម្រៅអំពីបញ្ហាប្រឈមជាក់ស្ដែងនៃប្រតិបត្តិការអាជីវកម្មក្នុង ទីផ្សារកំពុងអភិវឌ្ឍ ។ លោកបានណែនាំនូវគោលការណ៍ “ការគិតជាពីរបែប (Dual Thinking) ដែលជាសមត្ថភាពដ៏សំខាន់ក្នុងការផ្ដោត លើប្រាក់ចំណេញផង ការយល់ដឹងពីប្រព័ន្ធច្បាប់ និងសេដ្ឋកិច្ចក្នុងតំបន់ផង ។ លោកបានសង្កត់ធ្ងន់ថា ដើម្បីឱ្យអាជីវកម្មកម្ពុជា រីកចម្រើនប្រកបដោយចីរភាពសហគ្រិនត្រូវផ្ដោតសំខាន់លើជំនាញឯកទេស ច្បាស់លាស់ជាមួយនឹងនិរន្តរភាពរយៈពេលវែង ជាជាងការពង្រីកខ្លួនឱ្យធំក្នុងរយៈពេលខ្លី ប៉ុន្តែខ្វះមូលដ្ឋានគ្រឹះរឹងមាំ ។

មហាសន្និបាតនេះ ក៏ជាវេទិកាដ៏សំខាន់សម្រាប់ការចុះហត្ថលេខាជាផ្លូវការលើអនុស្សរណៈនៃកិច្ចសហប្រតិបត្តិការ (MoC) រវាង AirAsia – Cambodia និងសមាគមសហគ្រិនវ័យក្មេងកម្ពុជា (YEAC) ផងដែរ ។ តាមរយៈភាពជាដៃគូនេះ នឹងបើកផ្លូវឱ្យ សហគ្រិនក្នុងស្រុកទទួលបានបណ្តាញទំនាក់ទំនង និងធនធានក្នុងតំបន់ឱ្យកាន់តែសម្បូរបែប ដែលផ្ដោតសំខាន់លើការជួយ ជ្រោមជ្រែងដល់សហគ្រាសធុនតូច និងមធ្យម (SMEs) ឱ្យមានលទ្ធភាពពេញលេញ ក្នុងការប្រកួតប្រជែង លើទីផ្សារអាស៊ាន ។

វេទិកានេះក៏បានបង្ហាញនូវសមិទ្ធផលជាតិសំខាន់ៗជាច្រើនរួមមាន ការដាក់ឱ្យដំណើរការកម្មវិធី «លទ្ធភាពទទួលបាន ហិរញ្ញប្បទានលើកទី ៥» ក្រោមអធិបតីភាពដ៏ខ្ពង់ខ្ពស់របស់លោកជំទាវបណ្ឌិត សិរី ទេសាភិបាលធនាគារជាតិនៃកម្ពុជា និងពិធីប្រគល់វិញ្ញាបនបត្រជូនសិក្ខាកាមចំនួន ២០០រូប ដែលបានបញ្ចប់វគ្គបណ្តុះបណ្តាលកម្មវិធីឌីជីថល សម្រាប់សហគ្រាស ធុនតូចបំផុត តូច និងមធ្យម (MSME Digital Program) ក្រោមអធិបតីភាពដ៏ខ្ពង់ខ្ពស់របស់ឯកឧត្តមបណ្ឌិត ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ ។ ជាកិច្ចបញ្ចប់ ពិធីផ្ទេរតំណែងប្រធានសមាគមសហគ្រិនវ័យក្មេងកម្ពុជាសម្រាប់ អាណត្តិឆ្នាំ ២០២៧-២០១៩ ត្រូវបានប្រារព្ធឡើងក្រោមអធិបតីភាពដ៏ខ្ពង់ខ្ពស់បំផុតរបស់ ឯកឧត្តម ខួបនាយករដ្ឋមន្ត្រី ហ៊ុន ម៉ានី ។

ដើម្បីឆ្លុះបញ្ចាំងពីការរក្សានិរន្តរភាពនៃការប្រកួតប្រជែង លោក ណម វិស្សុត បានគូសបញ្ជាក់ថា ភាពជោគជ័យមិនមែន កើតឡើងត្រឹមតែពីទេពកោសល្យពីកំណើត ឬមហិច្ឆតានោះទេ ។ លោកបានបង្ហាញពីការប្ដេជ្ញាចិត្តយ៉ាងមុតមាំលើគោលការណ៍គ្រឹះសំខាន់ៗទាំង ៤ រួមមាន ការហ្វឹកហាត់ដ៏ច្បាស់លាស់ដើម្បីទទួលបានសមត្ថភាពពិតប្រាកដ, សមត្ថភាពឆ្លងកាត់ឧបសគ្គប្រកបដោយភាពធន់, ការផ្លាស់ប្តូរទម្លាប់ដើម្បីទទួលបានបំណិនជីវិតដែលមានវិន័យ និងរបៀបគិកដែលបត់បែនគ្រប់កាលៈទេសៈ ។

លោក ណម វិស្សុត បានបញ្ចប់បទបង្ហាញនេះដោយលើកឡើងថា អនុស្សរណៈនៃកិច្ចសហប្រតិបត្តិការ ជាមួយសមាគមសហគ្រិនវ័យក្មេងកម្ពុជា (YEAC) គឺតំណាងឱ្យជំហានអនុវត្តដ៏សំខាន់មួយ ក្នុងការជួយលើកកម្ពស់សមត្ថភាព សហគ្រិនក្នុងស្រុកឱ្យអភិវឌ្ឍជំនាញសំខាន់ៗទាំងនេះបាន ។ ហើយលោកក៏បានរំលឹកបន្ថែមថា «អ្នកដឹកនាំដែលបោះបង់នៅពេល ប្រឈមបញ្ហាដំបូង នឹងមិនអាចរៀនពីរបៀបគ្រប់គ្រង និងឈានទៅរកជោគជ័យបានឡើយ» ។ កិច្ចសហការនេះ គឺជាការប្ដេជ្ញាចិត្តរួម ក្នុងការកសាងប្រព័ន្ធអេកូឡូស៊ីធុរកិច្ចឱ្យកាន់តែមានភាពធន់ មានសមាហរណកម្មឌីជីថល និងមានសមត្ថភាពប្រកួតប្រជែងខ្ពស់ ក្នុងតំបន់ដើម្បីអនាគតនៃប្រទេសកម្ពុជា ៕