រណ្តាប់ទទួលទេវតាឆ្នាំថ្មី ៖ គ្រឿងសក្ការបូជា និងកិច្ចពិធីដែលត្រូវធ្វើ ដើម្បីសេចក្ដីសុខក្សេមក្សាន្តពេញមួយឆ្នាំ
- ភ្នំពេញ
រាជធានីភ្នំពេញ ៖ សង្ក្រាន្តឆ្នាំមមី នឹងចូលនៅថ្ងៃអង្គារ ១២រោច ខែចេត្រ ត្រូវនឹងថ្ងៃទី ១៤ ខែមេសា គ្រឹស្តសករាជ…
រាជធានីភ្នំពេញ ៖ សង្ក្រាន្តឆ្នាំមមី នឹងចូលនៅថ្ងៃអង្គារ ១២រោច ខែចេត្រ ត្រូវនឹងថ្ងៃទី ១៤ ខែមេសា គ្រឹស្តសករាជ ២០២៦ វេលាម៉ោង ១០ និង ៤៨នាទីព្រឹក ។ ខាងក្រោមនេះ គឺជាគ្រឿងរណ្តាប់ និងកិច្ចពិធីថ្វាយបង្គំទទួលទេវតាដែលយើងគ្រប់គ្នាគួរដឹង ៖
រណ្តាប់ទទួលទេវតាតាមទំនៀមពីបុរាណរៀងរហូតមក ត្រូវរៀបរានទទួលទេវតានៅខាងមុខផ្ទះមួយ សម្រាប់តាំងគ្រឿងពលិការផ្សេងៗ ត្រូវរៀបក្រាលសំពត់ពណ៌ស ឬសំពត់តាមអម្ពរទេវធីតាក៏បាន ហើយរៀបចំនូវគ្រឿងសក្ការបូជា ទេវតាមានជាអាទិ៍បាយសី ៩ថ្នាក់មួយគូ បាយសី ៧ថ្នាក់មួយគូ បាយសី ៥ថ្នាក់មួយគូ បាយសី ៣ថ្នាក់មួយគូ បាយសីប៉ាឆាមមួយគូ ស្លាធម៌មួយគូ ទឹកអប់មួយគូ ទៀន ៥ ធូប ៥ លាច ៥ ផ្កា ៥ ដាក់លើជើងពាន ១គូ ចេកនួន ចេកណាំវ៉ា ដាក់លើជើងពាន ១គូ ផ្លែឈើ ១១មុខ រៀបដាក់ជើងពាន ១១គូ ដូងឡៅ ១គូ ទឹកស្អាត ២កែវ ។
ស្រេចហើយនៅវេលាម៉ោងដែលទេវតាចុះមក ត្រូវជួបជុំក្រុមគ្រួសារដើម្បីថ្វាយបង្គំព្រះ នមស្សការព្រះរតនត្រ័យ សមាទានសីល ហើយតាំងចិត្តឱ្យបានស្អាតបរិសុទ្ធជ្រះស្រឡះនូវមន្ទិលទាំងពួង តម្កល់ចិត្ត រំពឹងគិតទៅលើព្រះពុទ្ធ ព្រះធម៌ ព្រះសង្ឃជាទីពឹង ទីរលឹក លុះចប់ពិធីទទួលទេវតា ។ នៅខាងដើមរានគួរមានក្លោះមួយបាំងផង ។ នៅគ្រប់ដង្វាយទាំងអស់ត្រូវដាក់ផ្កាម្លិះភួងពីលើគ្រប់ដង្វាយនៅលើជើងពាន និងលើបាយសី ត្រូវដោតទៀនហើយដុតបំភ្លឺ ៕ ប្រភព ៖ សៀវភៅមហាសង្ក្រាន្ត
ចែករំលែកព័តមាននេះ