ADផ្ទាំងផ្សព្វផ្សាយពាណិជ្ជកម្ម

លទ្ធផល វិជ្ជមាន ០៣នាក់ ក្នុងចំណោមអ្នកយកសំណាកជិត៤០០នាក់ នៅផ្សារធំថ្មី

2 ឆ្នាំ មុន

២៦ ខែ សីហា ឆ្នាំ ២០២១ ម៉ោង ២០:៤០

រាជធានីភ្នំពេញ ៖ គណៈបញ្ជាការឯកភាពខណ្ឌដូនពេញ បានបិទខ្ទប់ផ្សារធំថ្មី ចុះបិទចរាចរណ៍ជុំវិញផ្សារ នៅវេលាម៉ោង០៣និង៣០នាទីរសៀលថ្ងៃទី២៦ ខែសីហា ឆ្នាំ២០២១នេះ ខណៈក្រុមគ្រូពេទ្យធីតា បានយកសំណាកបងប្អូនអាជីវករលក់បន្លែ និងគ្រឿងសមុទ្រ ព្រមទាំងប្រជាពលរដ្ឋពាក់ព័ន្ធទាំងអស់ សរុបជិត៤០០នាក់ នៅផ្សារធំថ្មី ជាលទ្ធផល មានអ្នកវិជ្ជមានកូវីដ-១៩ ចំនួន០៣នាក់ ។

ប្រភពពីអនុគណៈកម្មការស្រាវជ្រាវជំងឺកូវីដ១៩ បានបង្ហាញថា ករណីកូវីដ១៩បំប្លែងថ្មីដែលតានៅផ្សារធំថ្មី ដែលមានទីតាំងស្ថិតក្នុង ខណ្ឌដូនពេញនេះ កាលពីថ្ងៃ១៥ សីហា ឆ្នាំ២០២១ អ្នកជំងឺ បានទៅទីតាំងខាងលើ ប៉ះពាល់ផ្នែកខាងលិចផ្សារ ។

យ៉ាងណានេះជាលទ្ធផលតេស្តរហ័ស (Rapid Test) លើកទី១ប៉ុណ្ណោះ សម្រាប់ថ្ងៃទី២៦ សីហា ឆ្នាំ២០២១ រកឃើញអ្នកវិជ្ជមាន ០៣នាក់ ក្នុងចំណោមអ្នកយកសំណាក ៣៩៣នាក់ ។ នៅបន្តរងចាំលទ្ធផលវិភាគពីវិទ្យាស្ថានជាតិប៉ាស្ទ័រ រកមេរោគកូវីដ១៩ បំប្លែងថ្មី Delta បន្ថែមទៀត ។

ដើម្បីសុវត្ថិភាព សូមយកចិត្តទុកដាក់ តាមដានសុខភាពរបស់ខ្លួនរយៈពេល ២១ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងនេះ ។ សូមចូលរួមពាក់ម៉ាស់ រក្សាគម្លាត និង ឧស្សាហ៍លាងដៃ គ្រប់ទីកន្លែង គ្រប់ពេលវេលា ៕