AFP ផ្សាយថា លោកឡូរ៉ង់ ហ្វាប៊ីយូស រដ្ឋមន្ត្រីក្រសួងការបរទេសបារាំងឱ្យដឹង កាលពីថ្ងៃទី១១ មករា ២០១៦ ស្តីពីផែនការបង្រួញពេលនៃការសុំទិដ្ឋាការសម្រាប់អ្នកទេសចរចិន ដែលពីមុនមាន៤៨ម៉ោងមកនៅត្រឹម២៤ម៉ោងដើម្បីទាក់ទាញអ្នកទេសចរ ។
កាលពីខែមករា ២០១៥ រដ្ឋាភិបាលធ្លាប់ប្រើបទដ្ឋាននេះរួចមកហើយ ដោយបន្ថយពីរយៈពេល១០ថ្ងៃនៅសល់ត្រឹម៤៨ម៉ោង ខណៈពេលរបាយការណ៍តួលេខអ្នកទេសចរជនជាតិចិនក្នុងឆ្នាំនោះមានប្រហែល១,៥លាននាក់ធ្វើឱ្យបារាំងនាំមុខអីុតាលី ក្លាយជាទិសដៅទេសចរណ៍ចម្បងដែលមានចម្ងាយផ្លូវឆ្ងាយសម្រាប់ជនជាតិចិន ។
ក្រៅពីអ្នកទេសចរជនជាតិចិន ក៏មានការពង្រួញពេលធ្វើដំណើររបស់ភ្ញៀវទេសចរពីឥណ្ឌូណេស៊ី តួកគី ហ្សកហ្សុី វៀតណាម និងអាមេនី ឱ្យនៅសល់៤៨ម៉ោង ដូចប្រទេសឥណ្ឌា និងអាហ្វ្រិកខាងត្បូង រួមទាំងមានយុទ្ធសាស្ត្រកែសម្រួលប្រព័ន្ធអនឡាញផ្នែកកុងស៊ុលដល់ពលរដ្ឋបារាំងអាចប្រើបានពេញ២៤ម៉ោងនៅក្នុងឆ្នាំ២០២០៕
ចែករំលែកព័តមាននេះ