ពីការការពារប្រឆាំងនឹងជម្ងឺផ្តាសាយរហូតដល់ការប្រយុទ្ធប្រឆាំងនឹងជម្ងឺធ្ងន់ធ្ងរដទៃទៀត ទឹកផ្លែទទឹមគឺជាទឹកផ្លែឈើសំខាន់ ដែលមានសារប្រយោជន៍ជាច្រើនដល់សុខភាព។ វាសំបូរទៅដោយសារធាតុប្រឆាំងអុកស៊ីតកម្ម ហើយនេះជាមូលហេតុដែលវាអាចប្រយុទ្ធប្រឆាំងនឹងការឈឺចាប់និងរលាក។ តែអ្នកត្រូវប្រាកដថា ទឹកផ្លែទទឹមនោះ គឺបានមកពីផ្លែទទឹមសុទ្ធ មិនមែនជាភេសជ្ជៈកំប៉ុងដែលមានជាតិស្ករដាក់បន្ថែមនោះទេ។

១. ការពារការឆ្លងជម្ងឺផ្តាសាយ

ផ្លែទទឹមអាចការពារខ្លួនអ្នកពីធាតុបង្កជម្ងឺ។ ទឹកផ្លែទទឹម ជាពិសេសអាចការពារអ្នកពីការទាក់ទាញវីរុសពីអាហារ ដែលឆ្លងតាមរយៈប្រហោងធ្មេញ។ ដូចគ្នានេះផងដែរ វាជាប្រភពដ៏អស្ចារ្យនៃវីតាមីនសេ ហើយបានបង្ហាញពីការការពារដ៏អស្ចារ្យប្រឆាំងនឹងជម្ងឺផ្តាសាយទូទៅ។

២. បន្ថយសម្ពាធឈាម

សារធាតុប្រឆាំងអុកស៊ីតកម្មរបស់ផ្លែទទឹមត្រូវបានគេរកឃើញថា អាចកាត់បន្ថយជម្ងឺលើសឈាមនិងជម្ងឺលើសឈាមដោយជោគជ័យ។ ការសិក្សាមួយបានបង្ហាញថា អ្នកដែលទទួលរងពីរឿងទាំងនេះ ត្រូវទទួលទានយ៉ាងតិច ២៤០មីលីលីត្រក្នុងមួយថ្ងៃ ដើម្បីឃើញលទ្ធផល។

៣. ល្អសម្រាប់អ្នកមានជម្ងឺទឹកនោមផ្អែម

វាត្រូវបានគេរកឃើញថា កម្រិតជាតិស្ករខ្ពស់ដែលមានទំនាក់ទំនងជាមួយជម្ងឺទឹកនោមផ្អែម អាចត្រូវបានគ្រប់គ្រងដោយគ្រាន់តែបរិភោគផ្លែទទឹមជារៀងរាល់ថ្ងៃ។ ផ្លែឈើទាំងនេះ អាចកាត់បន្ថយស្ត្រេស និង អុកស៊ីតកម្ម ដែលជាមូលហេតុចម្បងនៃជម្ងឺទឹកនោមផ្អែម។ វាក៏កាត់បន្ថយកូលេស្តេរ៉ុលអាក្រក់ ដោយជួយរក្សាកម្រិតជាតិស្ករក្នុងឈាមទាប៕