កម្លាំងរបស់រដ្ឋបាលខណ្ឌចំការមន បានចុះអនុវត្តវិធានការរដ្ឋបាល ដោយចុះទៅធ្វើការរុះរើរបងបង្គន់អនាម័យ ទីលានវាយបាល់ទះ និងសម្ភារផ្សេងៗមួយចំនួនទៀត ដែលបាន
រាជធានីភ្នំពេញ ៖ កម្លាំងរបស់រដ្ឋបាលខណ្ឌចំការមន បានចុះអនុវត្តវិធានការរដ្ឋបាល ដោយចុះទៅធ្វើការរុះរើរបងបង្គន់អនាម័យ ទីលានវាយបាល់ទះ និងសម្ភារផ្សេងៗមួយចំនួនទៀត ដែលបានដាក់រំលោ.ភលើផ្ទៃបឹងត្របែក ក្រោយពីបានជូនដំណឹងជាច្រើនលើកច្រើនសារមកហើយ ប៉ុន្តែនៅមិនស្តាប់នោះ។ កាចុះទៅធ្វើការរុះរើនេះដែរ បានធ្វើឡើងកាលពីព្រឹកថ្ងៃទី០៥ ខែសីហា ឆ្នាំ២០២១ នៅទីលានបាល់ទះមួយកន្លែង ស្ថិតនៅមាត់អាងស្តុកទឹកបឹងបនងបែក ផ្លូវលេខ៤៩៤ ក្នុងសង្កាត់ផ្សារដើមថ្កូវ ខណ្ឌចំករមន។
តាមប្រភពពីអាជ្ញាធរមូលដ្ឋានបានប្រាប់ឱ្យដឹងថា ដោយមានការអនុញ្ញាតពីលោក ថេង សុថុល អភិបាល នៃគណៈអភិបាលខណ្ឌចំការមន ក្រោមការដឹកននាំរបស់លោកបណ្ឌិត អាំង សិរីពិសិដ្ឋ អភិបាលរងខណ្ឌ រួមជាមួយក្រុមការងាររដ្ឋបាលខណ្ឌ រដ្ឋបាលសង្កាត់ផ្សារដើមថ្កូវ និងកម្លាំងសណ្ដាប់ធ្នាប់ខណ្ឌ បានចុះអនុវត្តវិធានការរដ្ឋបាល ដោយរុះរើរបង បង្គន់អនាម័យ ទីលានវាយបាល់ទះ និងសម្ភារៈផ្សេងៗ ដែលបានដាក់រំលោ.ភលើផ្ទៃបឹងត្របែក។
អាជ្ញាធរមូលដ្ឋានបានប្រាប់ឱ្យដឹងបន្តថា ដោយសារកាលពីកន្លងមក រដ្ឋបាលខណ្ឌ និងរដ្ឋបាលសង្កាត់ផ្សារដើមថ្កូវ បានចុះណែនាំ និងចេញសេចក្ដីជូនដំណឹងជាច្រើនដងមកហើយ ប៉ុន្តែម្ចាស់នៅតែមិនបានអនុវត្តតាមការណែនាំរបស់រដ្ឋបាលខណ្ឌ និងសង្កាត់នោះទេ។
ក្រោយពីកម្លាំងរបស់អាជ្ញារធរខណ្ឌចំការមន ធ្វើការរុះរើរបង បង្គន់អនាម័យ ទីលានបាល់ទះ និងសម្ភារៈផ្សេងៗមួយចំនួនទៀតចោលរួចហើយ និងមិនអនុញ្ញាតិអោយធ្វើសារជាថ្មីម្តងទៀតបានឡើយ បើមិនដូច្នោះទេ នឹងប្រឈមទៅតាមផ្លូវច្បាប់ជាក់ជាមិនខាន។
ចែករំលែកព័តមាននេះ