នៅលើពិភពលោកយើងនេះរឿងអ្វីក៏អាចកើតមានបានដែរ ! របស់របរជាច្រើនដែលយើងមើលទៅមិនគួឱ្យថ្លៃ តែវាមានតម្លៃមហាសាល វាមិនត្រឹមតែជារបស់របរប្រើប្រាស់នោះទេ តែនៅមានសត្វ ឆ្កែ ឆ្មា សេះ គោ ។ល។ ក៏មិននឹកស្មានថា មានតម្លៃរាប់លានដុល្លារអាមេរិកដែរ ។ ខាងក្រោមនេះជាប្រភេទសត្វចិញ្ចឹម ដែលថ្លៃជាងគេលើកលោក ៖
លំដាប់ទី ១ Green Monkey ៖ វាមានតម្លៃ ១៦ លានដុល្លារអាមេរិក នៅក្នុងឆ្នាំ ២០១៩ ឈ្មោះនេះតិចច្រឡំសត្វស្វា មិនមែនទេ ! វាជាឈ្មោះសត្វសេះប្រណាំងម្យ៉ាង មានសញ្ញាតិអាមេរិកកាំង ។ ហើយអ្វីដែលធ្វើឱ្យសត្វសេះមួយក្បាលនេះថ្លៃជាងគេបំផុតនោះគឺ ការរត់របស់វានឹងហើយ វាអាចរត់បាន ១៦០៨ ម៉ែត្រក្នុងរយៈពេលត្រឹមតែ ៩,៨ វិនាទីប៉ុណ្ណោះក្នុងការប្រណាំងដំបូងរបស់វា ។ សេះនេះមានពូជពង្សពីបាដែលជាសេះប្រណាំងអាមេរិកផងដែរ ជាមួយនឹងគុណសម្បត្តិទាំងនេះ និងភាពល្អឥតខ្ចោះរបស់វាបានធ្វើឱ្យសត្វសេះប្រណាំងនេះក្លាយជាសត្វកំពូលថ្លៃលើពិភពលោក ។
លំដាប់ទី ២ Sir Lancelot Encore ៖ Labrador មានតម្លៃ ១៦ លានដុល្លារអាមេរិក ។ នៅពេលដែលឮអំពី Labrador អ្នកប្រហែលជាគិតថា គ្រាន់តែសត្វឆ្កែមួយក្បាលសោះ ហេតុអ្វីមានតម្លៃមិនធម្មតាអ៊ីចឹង ? អ្នកគិតពិតជាត្រឹមត្រូវហើយ តាមការពិតវាមានអភូតហេតុ ដែលធ្វើឱ្យឆ្កែមួយក្បាលមានតម្លៃខ្លាំងយ៉ាងនេះ ។ វាត្រូវបានគេបង្កើតឡើងតាមគំរូឆ្កែមួយទៀត ដែលជាវាសត្វឆ្កែដំបូងគេបង្អស់នៅលើពិភពលោក ដែលទទួលបានជោគជ័យនៃការបង្កើតរូបរាងរបស់វាតាមគំរូដូចបេះបិតតែម្តង ។
លំដាប់ទី ៣ Miss Missy ៖ គោមួយក្បលនេះមានតម្លៃ ១.២ លានដុល្លារអាមេរិក ។ លំដាប់ទី ៣ សត្វថ្លៃជាងគេលើលោកនេះ ប្រហែលមិនមែនជាសត្វចិញ្ចឹមនោះទេ ។ Miss Missy គឺជាសត្វ Holstein Cow ដ៏ល្បីលើពិភពលោក ដែលបានលក់ក្នុងតម្លៃ ១,២ លានដុល្លារក្នុងឆ្នាំ ២០០៩ ។ វាមានតម្លៃក៏ព្រោះថា វាមានប្រជាប្រិយភាព និងភាពជោគជ័យរបស់វា (គោញី) ព្រោះវាបានឈ្នះពានរង្វាន់ធំៗ ជាច្រើនលើក និងជាសត្វគោដែលផលិតទឹកដោះបានច្រើនជាងគោធម្មតាដល់ទៅ ៥០ ភាគរយ ៕ ប្រភព ៖ wealthygorilla
ចែករំលែកព័តមាននេះ