មានមនុស្សជាច្រើនបានដឹងថា មានម៉ូតូខ្លះតម្លៃរាប់ម៉ឺនដុល្លារអាមេរិក ប៉ុន្តែមិនអ៊ីចឹងនោះទេ ! នៅមានម៉ូតូដែលមានតម្លៃលើសនេះទៅទៀត គឺខ្ទង់លានដុល្លារអាមេរិកឯណោះ ។ មកដឹងពីម៉ូតូថ្លៃជាងគេលើលោក ថាតើវាមានសម្រស់ស្រស់ស្អាតប៉ុនណា ប្រសិនអ្នកមានចិត្តលើវាសូមបន្តក្តីស្រមៃ…
មានមនុស្សជាច្រើនបានដឹងថា មានម៉ូតូខ្លះតម្លៃរាប់ម៉ឺនដុល្លារអាមេរិក ប៉ុន្តែមិនអ៊ីចឹងនោះទេ ! នៅមានម៉ូតូដែលមានតម្លៃលើសនេះទៅទៀត គឺខ្ទង់លានដុល្លារអាមេរិកឯណោះ ។ មកដឹងពីម៉ូតូថ្លៃជាងគេលើលោក ថាតើវាមានសម្រស់ស្រស់ស្អាតប៉ុនណា ប្រសិនអ្នកមានចិត្តលើវាសូមបន្តក្តីស្រមៃ ៖
ម៉ូតូថ្លៃបំផុតលើកលោក លំដាប់ទី ៥ ៖ Harley Davidson Cosmic Starship មានតម្លៃ ១.៥ លានដុល្លារអាមេរិក ។ ម៉ូតូនេះត្រូវបានគូរដោយវិចិត្រករល្បីឈ្មោះលំដាប់ពិភពលោក គឺលោក Jack Armstrong ដែលមូលហេតុធ្វើឱ្យម៉ូតូនេះមានតម្លៃថ្លៃ ព្រោះថា គំនូររបស់លោកខ្លះលក់ក្នុងតម្លៃជាង ៣ លានដុល្លារឯណោះ ដូច្នេះប្រសិនបើអ្នកមានលុយសល់ ១,៥ លានដុល្លារ ហើយចង់ធ្វើជាម្ចាស់ម៉ូតូថ្លៃបំផុតមួយនៅលើពិភពលោកនោះ នេះប្រហែលជាតម្លៃដែលអ្នកកំពុងស្វែងរកហើយ ។
ម៉ូតូថ្លៃបំផុតលើកលោក លំដាប់ទី ៤ ៖ The Yamaha BMS Chopper មានតម្លៃ ៣ លានដុល្លារអាមេរិក ។ មើលទៅដូចជាបំណែកមេកានិចសិល្បៈដ៏អស្ចារ្យមួយ ។ វាដូចជាសត្វចម្លែកមួយដែលកំពុងបើកបរនៅលើផ្លូវ ប៉ុន្តែផ្ទុយទៅវិញវាជាការប្រមូលគំនិតនៃសិល្បៈ ដែលគួរឱ្យកោតសរសើរលើការរចនា និងសោភ័ណភាពរបស់វា ។ ម៉ាស៊ីនរបស់វាកម្លាំង 1,700 cc ហើយវាមានស្រោបដោយមាស ២៤ ការ៉ាត់ និងកន្លែងអង្គុយរបស់អ្នកបើកបរ ធ្វើឡើងពីកប្បាសពណ៌ក្រហមដែលថ្លៃ ។
ម៉ូតូថ្លៃបំផុតលើកលោក លំដាប់ទី ៣ ៖ Ecosse ES1 Spirit មានតម្លៃ ៣.៦ លានដុល្លារអាមេរិក ។ Ecosse Spirit គឺជាម៉ូតូធ្វើពីទីតានីញ៉ូម(titanium) ជាម៉ូតូផលិតមានចំនួនកំណត់ផងដែរ (Limited Edition) និងជាម៉ូតូថ្លៃបំផុតទីបីនៅលើពិភពលោក ។ កុំទុកឱ្យរូបរាងរបស់វាបញ្ឆោតអ្នកបាន ព្រោះកង់នេះមានកម្លាំងខ្លាំង និងដើម្បីតម្រូវអ្នកដែលមានបទពិសោធន៍បើកបរលឿនបំផុត ប្រសិនបើអ្នកចេះបើកត្រឹមកម្លាំងធម្មតាទេ អ្នកប្រាកដជាមិនអាចបញ្ជារម៉ូតូនេះបានទេ ។ វាមានល្បឿនរហូតដល់ ៣៧០ គីឡូម៉ែត្រក្នុងមួយម៉ោង ដូច្នេះប្រសិនបើអ្នកសម្រេចចិត្តថា ចង់ទិញវា ដំបូងអ្នកត្រូវរៀនយ៉ាងហោចណាស់ពីរសប្តាហ៍ នៅទីស្នាក់ការកណ្តាលអេកូស (the Ecosse) សិន មុនពេលពួកគេអនុញ្ញាតឱ្យអ្នកយកវាមកជិះ ។
ម៉ូតូថ្លៃបំផុតលើកលោក លំដាប់ទី ២ ៖ 1949 E90 AJS Porcupine មានតម្លៃ ៧ លានដុល្លារអាមេរិក ។ មិនជាបញ្ហានោះទេ ប្រសិនអ្នកសប្បាយចិត្ត នឹងការចំណាយអស់ ៧ លានដុល្លារ ទៅលើម៉ូតូនេះ ប៉ុន្តែសូមបញ្ជាក់ថា ម៉ូតូនេះផលិតនៅ ឆ្នាំ ១៩៤៩ ហើយវាមានតែ ៤ គ្រឿងប៉ុណ្ណោះ ។ មួយក្នុងចំណោម ៤ គ្រឿងបានឈ្នះ ជើងឯកពិភពលោក ថែមទៀតផង ដូចនេះមិនពិបាកនឹងដឹងពីតម្លៃរបស់វានោះទេ ។
ម៉ូតូថ្លៃបំផុតលើកលោក លំដាប់ទី ១ ៖ Neiman Marcus Limited Edition Fighter មានតម្លៃ ១១ លានដុល្លារអាមេរិក ជាម៉ូតូផលិតមានចំនួនកំណត់ (Limited Edition) ។ Neiman Marcus គឺជាហាងលក់ទំនិញដ៏ប្រណីតរបស់អាមេរិក ក្រោយពេលអ្នកផលិតសម្រេចចិត្តដាក់ឱ្យដេញថ្លៃ វាទទួលបានតម្លៃកប់ពពកតែម្តង និងក្លាយជាម៉ូតូថ្លៃជាគេលើលោក ។ កាលដាក់ឱ្យដេញថ្លៃដំបូង មានតម្លៃត្រឹមតែ ១១ ម៉ឺនដុល្លារអាមេរិកប៉ុណ្ណោះ ប៉ុន្តែនៅទីបំផុតវាលក់បានក្នុងតម្លៃ ១១ លានដុល្លារអាមេរិក ៕ ប្រភព ៖ wealthygorilla
ចែករំលែកព័តមាននេះ