នារីម្នាក់បើកឡានគេចមិត្តភក្ដិរ៉េចង្កូតបុកបង្គោលភ្លើង និងទម្លុះរបងការរដ្ឋាន
- ភ្នំពេញ
រាជធានីភ្នំពេញ ៖ នារីរូបស្រស់ម្នាក់បើករថយន្តលឿនប្រដេញគ្នាពីក្រោយរថយន្តមិត្តភ័ក្ដិ២គ្រឿងផ្សេងទៀត សង្ស័យងាកចង្កូត
រាជធានីភ្នំពេញ ៖ នារីរូបស្រស់ម្នាក់បើករថយន្តលឿនប្រដេញគ្នាពីក្រោយរថយន្តមិត្តភ័ក្ដិ២គ្រឿងផ្សេងទៀត សង្ស័យងាកចង្កូត
រាជធានីភ្នំពេញ ៖ នារីរូបស្រស់ម្នាក់បើករថយន្តលឿនប្រដេញគ្នាពីក្រោយរថយន្តមិត្តភ័ក្ដិ២គ្រឿងផ្សេងទៀត សង្ស័យងាកចង្កូតគេចពីរថយន្តមិត្តភក្តិនៅខាងមុខ បណ្តាលឲ្យជ្រុលទៅបុកបង្គោលភ្លើងបំភ្លឺផ្លូវមួយដើមបាក់រៀបដល់ដី ហើយបន្តទៅបុកទម្លុះរបងការដ្ឋានសំណង់កំពុងសាងសង់ រួចទៅបុកផ្ទប់និងជញ្ជាំងបេតុងនៅខាងក្នុងការរដ្ឋានទៀត ទើបរថយន្ដអស់ល្បឿនទៅមុខលែងរួច និងបណ្តាលឱ្យនារីជាម្ចាស់រថយន្តរងរបួសស្រាល ។
ហេតុការណ៍ខាងលើនេះបានបង្កការភ្ញាក់ផ្អើលកើតឡើងកាលពីវេលាម៉ោង១និង១៥នាទីរំលងអាធ្រាត្រឈានចូលថ្ងៃទី៣ ខែសីហា ឆ្នាំ១០២១ នៅចំណុចការរដ្ឋានកំពុងសាងសង់មួយកន្លែង តាមបណ្ដោយផ្លូវ២៧១ ខាងត្បូងផ្សារហេងលី សង្កាត់ទឹកល្អក់២ ខណ្ឌទួលគោក រាជធានីភ្នំពេញ ។
រថយន្តមួយគ្រឿងខាងលើម៉ាកព្រូស ពណ៌ទឹកប្រាក់ ពាក់ស្លាកលេខ ភ្នំពេញ 2BG_4152 បើកបរដោយនារីស្រស់ស្អាតម្នាក់ មិនស្គាល់អត្តសញ្ញាណ ។
តាមប្រភពពីនារីជាម្ចាស់រថយន្តបង្កបានប្រាប់សមត្ថកិច្ចឱ្យដឹងថា មុនពេលកើតហេតុ គាត់បើករថយន្តតែម្នាក់ឯង គឺបើកពីក្រោយរថយន្តមិត្តភក្ដិរបស់គាត់ចំនួន២គ្រឿងផ្សេងទៀតដែលធ្វើដំណើរនៅពីមុខរថយន្តរបស់គាត់ក្នុងល្បឿនលឿនគួរសម លុះមកដល់កន្លែងកើតហេតុ ស្រាប់តែរថយន្ដមិត្តភក្ដិបានឈ្លោះប្រកែកគ្នាជាមួយសង្សារនៅក្នុងរថយន្តនោះ និងមានការប្រទាញចង្កូតរថយន្ត ហើយរថយន្តនោះរ៉េពេញផ្លូវ ធ្វើឲ្យគាត់ភ្ញាក់ព្យាយាមងាកចង្កូតគេច ក៏ជ្រុលបុកបង្គោលភ្លើង រួចបន្តបុកទម្លុះរបងការដ្ឋានសំណង់កំពុងសាងសង់រហូតធ្លាយរបងសង្ក័សីចូលទៅក្នុងការរដ្ឋាន បណ្តាលឲ្យដែករបងបុកធ្លុះទ្វាររថយន្តខាងឆ្វេងចាក់ត្រូវដៃរបស់គាត់ បណ្តាលឱ្យរងរបួសស្រាល ហើយរថយន្តមិនទាន់អស់ល្បឿនក៏បន្តទៅបុកផ្ទប់នឹងជញ្ជាំងបេតុងបន្ថែមទៀត ទើបរថយន្ដអស់ល្បឿនទៅមុខលែងរួច។
បន្ទាប់ពីកើតហេតុ ភ្លាមៗនោះរថយន្តមិត្តភក្ដិរបស់នារីខាងលើបានបើកគេចចេញទៅបាត់អស់ នៅសល់តែនារីរងគ្រោះជាម្ចាស់រថយន្តបង្កត្រូវបានកម្លាំងល្បាតខណ្ឌទួលគោក ជួយសង្គ្រោះទាញចេញពីរថយន្ត និងបានទាក់ទងហៅរថយន្ដសង្គ្រោះគ្លីនិកឯកជនមកដឹកនាងយកទៅសង្គ្រោះភ្លាមៗផងដែរ ។ ចំណែករថយន្តបង្ក ត្រូវបានសមត្ថកិច្ចជំនាញវាស់វែង និងស្ទូចយកទៅរក្សាទុកបណ្តោះអាសន្ននៅការិយាល័យនគរបាលចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ រង់ចាំនារីរងគ្រោះចូលខ្លួនដោះស្រាយសងការខូចខាតបង្គោលភ្លើង និងរបងការដ្ឋានសំណង់នៅពេលក្រោយទៀត ៕
ចែករំលែកព័តមាននេះ