វ៉ាក់សាំងអាមេរិក Johnson & Johnson ចាក់បានជិត ១២០០០នាក់ នៅថ្ងៃដំបូងនេះ
- ភ្នំពេញ
ភ្នំពេញ៖ រាជរដ្ឋាភិបាលកម្ពុជា បានចាប់ផ្តើមប្រើប្រាស់ថ្នាវ៉ាក់សាំង ដែលជាជំនួយរបស់រដ្ឋាភិបាលអាមេរិក Johnson & Johnson នៅថ្ងៃទី២ ខែសីហា ឆ្នាំ២០២១។…
ភ្នំពេញ៖ រាជរដ្ឋាភិបាលកម្ពុជា បានចាប់ផ្តើមប្រើប្រាស់ថ្នាវ៉ាក់សាំង ដែលជាជំនួយរបស់រដ្ឋាភិបាលអាមេរិក Johnson & Johnson នៅថ្ងៃទី២ ខែសីហា ឆ្នាំ២០២១។…
ភ្នំពេញ៖ រាជរដ្ឋាភិបាលកម្ពុជា បានចាប់ផ្តើមប្រើប្រាស់ថ្នាវ៉ាក់សាំង ដែលជាជំនួយរបស់រដ្ឋាភិបាលអាមេរិក Johnson & Johnson នៅថ្ងៃទី២ ខែសីហា ឆ្នាំ២០២១។ តាមរបាយការណ៍ នៅថ្ងៃដំបូងនេះ វ៉ាក់សាំងអាមេរិក ចាក់បានចំនួន ១១៨៦៣នាក់។
សូមរម្លឹកថា វ៉ាក់សាំងអាមេរិក Johnson & Johnson សរុប ១ ០៦០ ១០០ ដូស ត្រូវបានដឹកជញ្ជូនមកដល់កម្ពុជា ចំនួន ២លើក។ ក្នុងនោះ កាលពីថ្ងៃទី៣០ ខែកក្កដា ឆ្នាំ២០២១ ចំនួន ៤៥០ ៥០០ដូស និងនៅកណ្តាលអាធ្រាត្រថ្ងៃទី១ ឈានចូលថ្ងៃទី២ ខែសីហា ឆ្នាំ២០២១ ចំនួន ៦០៩ ៦០០ដូសទៀត។
សម្តេចតេជោ ហ៊ុន សែន កាលពីថ្ងៃទី១ ខែសីហា ឆ្នាំ២០២១ ក្នុងពេលបើកយុទ្ធនាការចាក់វ៉ាក់សាំងកូវីដ ដល់កុមារ និងយុវវ័យ អាយុចាប់ពី ១២ឆ្នាំ ដល់អាយុក្រោម ១៨ឆ្នាំ សម្តេចបានប្រកាសឲ្យយកវ៉ាក់សាំងអាមេរិកទាំងនោះ ចាក់ឲ្យជនជាតិដើមភាគតិច រស់នៅកម្ពុជា។ វ៉ាក់សាំងអាមេរិកនេះ ម្នាក់ចាក់តែ ១ដូសប៉ុណ្ណោះ។
សូមរម្លឹកថា គិតចាប់ពីថ្ងៃទី១០ ខែកុម្ភៈ រហូតដល់ថ្ងៃទី២ ខែសីហា ឆ្នាំ២០២១ នៅទូទាំងប្រទេស ចាក់វ៉ាក់សាំងកូវីដ បានចំនួន ៧ ៤៩៨ ១២៩នាក់ ស្មើនឹង ៧៤,១៨% ក្នុងគម្រោងអ្នកចាក់វ៉ាក់សាំង អាយុចាប់ពី ១៨ឆ្នាំឡើង ចំនួន ១០លាននាក់។ ក្នុងនោះ កុមារ និងយុវវ័យ អាយុចាប់ពី ១២ឆ្នាំ ដល់ក្រោម ១៨ឆ្នាំ នៅថ្ងៃទី១ និងថ្ងៃទី២សីហា ចាក់វ៉ក់សាំង បានចំនួន ៧៩៦៧៦នាក់ ស្មើនឹង ៤,០៥% នៃចំនួនកុមារ និងយុវវ័យសរុបទូទាំងប្រទេស ដែលត្រូវចាក់វ៉ាក់សាំង ១ ៩៦៦ ៩៣១នាក់។
របាយការណ៍ប្រចាំថ្ងៃរបស់អនុគណៈកម្មការតាមដាន និងវាយតម្លៃ នៃគណៈកម្មការចំពោះកិច្ចចាក់វ៉ាក់សាំង កូវីដ១៩ ក្នុងក្របខណ្ឌទូទាំងប្រទេស បង្ហាញថា ក្នុងចំណោមអ្នកចាក់វ៉ាក់សាំង ៧ ៤៩៨ ១២៩នាក់ គឺចាក់វ៉ាក់សាំង Sinopharm ចំនួន ២ ៧២៥ ៧៦១នាក់។ AstraZeneca ( Covishield ឥណ្ឌា ) ១៦៥ ៦០៨នាក់។ AstraZeneca ( ជប៉ុន ) ១១៧ ៨៩៣នាក់។ Sinovac ៤ ៣៩៧ ៣២៨នាក់។ រីឯវ៉ាក់សាំងអាមេរិក Janssen ( Johnson & Johnson ) ចំនួន ១១ ៨៦៣នាក់៕
ចែករំលែកព័តមាននេះ