កាលព្រះសម្មាសម្ពុទ្ធគង់នៅនិគ្រោធារាម ព្រះអង្គទ្រង់បានសម្តែងធម៌ប្រារព្ធព្រះបិតា គឺព្រះបាទសិរីសុទ្ធោទនមហារាជឱ្យបានសម្រេចមគ្គផលខណៈពេលដែលព្រះអង្គកំពុងយាងបិណ្ឌបាតនៅតាមដងផ្លូវ ។ នៅពេលដែលព្រះពុទ្ធដំណើរយាងទៅកាន់ក្រុងកបិលពស្ដុជាដំបូង ព្រះអង្គពិចារណានូវព្រះពុទ្ធទាំងឡាយអំពីអតីតកាល ទ្រង់យាងបិណ្ឌបាតតាមលំដាប់ ព្រមដោយព្រះសង្ឃជាបរិស័ទ២ម៉ឺនអង្គសុទ្ធតែជាព្រះខីណាស្រព ។ គ្រានោះព្រះពុទ្ធបិតាត្រាស់ថា…
កាលព្រះសម្មាសម្ពុទ្ធគង់នៅនិគ្រោធារាម ព្រះអង្គទ្រង់បានសម្តែងធម៌ប្រារព្ធព្រះបិតា គឺព្រះបាទសិរីសុទ្ធោទនមហារាជឱ្យបានសម្រេចមគ្គផលខណៈពេលដែលព្រះអង្គកំពុងយាងបិណ្ឌបាតនៅតាមដងផ្លូវ ។
នៅពេលដែលព្រះពុទ្ធដំណើរយាងទៅកាន់ក្រុងកបិលពស្ដុជាដំបូង ព្រះអង្គ
ពិចារណានូវព្រះពុទ្ធទាំងឡាយអំពីអតីតកាល ទ្រង់យាងបិណ្ឌបាតតាមលំដាប់ ព្រមដោយព្រះសង្ឃជាបរិស័ទ២ម៉ឺនអង្គសុទ្ធតែជាព្រះខីណាស្រព ។ គ្រានោះព្រះពុទ្ធបិតាត្រាស់ថា នែបុត្រ ! បិតាខ្មាសគេណាស់ត្រង់ដែលព្រះអង្គត្រាច់ទៅដើម្បីភិក្ខា សុំអាហារអំពីអ្នកស្រុកយ៉ាងដូច្នេះ ។
ព្រះបរមសាស្ដាត្រាស់ថា មហាបពិត្រ នេះជាវង្សរបស់ព្រះពុទ្ធទាំងឡាយពីអតីតមក រួចហើយព្រះអង្គត្រាស់សម្ដែងព្រះធម៌ទេសនាញ៉ាំងព្រះពុទ្ធបិតាឱ្យសម្រេចមគ្គផលនៅនឹងផ្លូវក្នុងក្រុងនោះឯង ៕ សាន សារិន
ចែករំលែកព័តមាននេះ