ជំងឺបេះដូងដំណាក់កាលដំបូងអាចបង្កឱ្យងាប់លិង្គ
ការសិក្សាថ្មីមួយបានអះអាងថា បុរសកើតជំងឺសរសៃឈាមបេះដូងដំណាក់កាលដំបូងអាចនាំទៅរកការងាប់លិង្គប្រើការលែងកើត ។
លោក David Feldman ជំនួយការស្រាវជ្រាវមជ្ឈមណ្ឌលបង្ការជំងឺបេះដូង
ការសិក្សាថ្មីមួយបានអះអាងថា បុរសកើតជំងឺសរសៃឈាមបេះដូងដំណាក់កាលដំបូងអាចនាំទៅរកការងាប់លិង្គប្រើការលែងកើត ។
លោក David Feldman ជំនួយការស្រាវជ្រាវមជ្ឈមណ្ឌលបង្ការជំងឺបេះដូងនៃសាកលវិទ្យាល័យចនហប់ឃីនថ្លែងថា មុខងារងើបរឹងរបស់លិង្គអាចជាប្រហោងបង្អួចដែលនាំឱ្យប៉ះពាល់ដល់សរសៃឈាមបេះដូងក៏ដូចជា សុខភាពទូទៅរបស់បុរស ។ បញ្ហាលិង្គមិនងើបរឹង និងជំងឺសរសៃឈាមបេះដូង ជាទូទៅតែងកើតមានក្នុងពេលជាមួយគ្នា។
ការសិក្សាដែលទើបចុះផ្សាយក្នុងព្រឹត្តិបត្រសមាគមជំងឺបេះដូងអាមេរិកនេះបានពិសោធលើបុរសចំនួន១៨០០នាក់ ដោយប្រើពេលជាង៩ឆ្នាំ ។
លោកសាស្ត្រាចារ្យ Feldman បានបន្ថែមថា យើងបានសម្លឹងមើល តើរង្វាស់មួយណានៃជំងឺសរសៃឈាមបេះដូងដែលចង្អុលបង្ហាញសុក្រឹតជាងគេចំពោះបញ្ហាងាប់លិង្គ ។ យើងក៏បានពិនិត្យមើលផងដែរថាតើបុរសដែលមានភាពមិនប្រក្រតីមួយចំនួនតួយ៉ាងដូចជា កំណកដុំខ្លាញ់ សរសៃឈាមឡើងរឹងជាដើម ប្រឈមបំផុតនឹងបញ្ហាងាប់លិង្គ ។
បណ្តាបុរសដែលមានកំណកដុំខ្លាញ់រឹងបរិមាណខ្ពស់ក្នុងសរសៃឈាមបេះដូងគឺប្រឈមខ្លាំងនឹងបញ្ហាងាប់លិង្គនៅពេលក្រោយក្នុងជីវិតធៀបនឹងអ្នកដែលមិនមានកំណកដុំខ្លាញ់បែបនេះក្នុងសរសៃឈាម ។
សាស្ត្រាចារ្យ Feldman បានផ្តល់ជាដំបូន្មានថា បណ្តាបុរសដែលងាយរងគ្រោះពីជំងឺបេះដូងនិងងាប់លិង្គគួរទទួលទានរបបអាហារទាំងឡាយណាដែលផ្តល់អត្ថប្រយោជន៍ចំពោះសុខភាព ហាត់ប្រាណឱ្យបានទៀងទាត់ និងបោះបង់ចោលការជក់បារីជាដើម ៕
ចែករំលែកព័តមាននេះ