វៀតណាម៥នាក់ឆ្លងដែនខុសច្បាប់ ត្រូវចាប់បញ្ជូនទៅវិញ
- ស្វាយរៀង
ខេត្តស្វាយរៀង ៖ មានករណីជនជាតិវៀតណាមប្រុសស្រីចំនួន៥នាក់ (ស្រី្ត៣នាក់) បានលួចឆ្លងដែនដោយខុសច្បាប់ចូលមក
ខេត្តស្វាយរៀង ៖ មានករណីជនជាតិវៀតណាមប្រុសស្រីចំនួន៥នាក់ (ស្រី្ត៣នាក់) បានលួចឆ្លងដែនដោយខុសច្បាប់ចូលមក
ខេត្តស្វាយរៀង ៖ មានករណីជនជាតិវៀតណាមប្រុសស្រីចំនួន៥នាក់ (ស្រី្ត៣នាក់) បានលួចឆ្លងដែនដោយខុសច្បាប់ចូលមកកម្ពុជា តាមភូមិសាស្ត្រ ឃុំសំយ៉ោងស្រុកកំពង់រោទិ៍ខេត្តស្វាយរៀង ដែលជាហេតុមានការព្រួយបារម្ភអំពីការឆ្លងនៃជម្ងឺកូវីដ១៩ ត្រូវបានរដ្ឋបាលខេត្តចាប់បញ្ជូនឱ្យវិលត្រឡប់ទៅប្រទេសដើមវិញខណៈដែលរដ្ឋបាលខេត្តបាននិងកំពុងអនុវត្តវិធានការបិទព្រំដែនកម្ពុជា-វៀតណាមរយៈពេល០១ខែដើម្បីបង្ការការឆ្លងជំងឺ covid ១៩ ។
លោកវរសេនីយ៍ឯងខៀវ វិចិត្រ មេបញ្ជាការនគរបាលវរះការពារព្រំដែនគោកលេខ៦០៩ បានឲ្យដឹងកាលពីថ្ងៃទី២៨ កក្កដា ឆ្នាំ ២០២១នេះថា អនុវត្តបទបញ្ជារបស់គណៈបញ្ជាការឯកភាពខេត្ត លោកម៉ែន វិបុល អភិបាលខេត្តស្តីពីការទប់ស្កាត់ការឆ្លងដែនរបស់ពលរដ្ឋនៃប្រទេសទាំងពីរកម្ពុជា វៀតណាម ដើម្បីបញ្ចៀសជំងឺកូវីដ១៩ឆ្លងដែន រយះពេល១ខែ ដោយចាប់គិត ពីថ្ងៃទី១៨ ខែកក្កដា២០២១ ដល់ជិតពាក់កណ្តាលខែសីហា ឆ្នាំ២០២១ ។
លោកបានបន្តថា វរៈការពារព្រំដែនប្រចាំក្នុងស្រុកកំពង់រោទិ៍បានធ្វើការចាប់ឃាត់ប្រជាពលរដ្ឋវៀតណាមឆ្លងដែនចូលមកកម្ពុជា ដោយខុសច្បាប់ តាមភូមិភូមិសាស្ត្រឃុំសំយ៉ោ ងស្រុកកំពង់រោទិ៍ មកដល់ចំណុចភូមិប្រចន្ទ្រា ឃុំបន្ទាយក្រាំង ស្រុកកំពង់រោទ៌ បានចំនួន៥នាក់ ក្នុងនោះស្ត្រីមានចំនួន៣នាក់។
លោកបានបន្ថែមទៀតថា ពលរដ្ឋវៀតណាមដែលឆ្លងដែនខុសច្បាប់ចូលមកកម្ពុជាតាមភូមិសាស្ត្រឃុំសំយ៉ោងរហូតដល់ភូមិប្រចន្ទ្រា ឃុំបន្ទាយក្រាំង នេះកើតឡើងកាលពីវេលាម៉ោង៨យប់ថ្ងៃទី២០ ខែកក្កដា ឆ្នាំ២០២១កន្លងទៅនេះ ហើយត្រូវបានរដ្ឋបាលខេត្តចាប់បញ្ជូនទៅឱ្យភាគីវៀតណាមវិញហើយ បន្ទាប់ពីមន្ត្រីប្រចាំការតាមខ្សែបន្ទាត់ព្រំដែនបានចាប់ឃាត់ខ្លួននៅក្នុងរយៈពេលខ្លី។
សូមបញ្ជាក់ថា ស្វាយរៀងជាខេត្តជាប់ព្រំដែនគោកនិងព្រំដែនទឹកជាមួយនឹងវៀតណាម ដោយអនុវត្តវិធានការរបស់រដ្ឋបាលខេត្ត ស្ដីពីការទប់ស្កាត់ការលួចឆ្លងដែនរវាងពលរដ្ឋនៃប្រទេសទាំងពីរកម្ពុជា-វៀតណាមក្នុងភូមិសាស្ត្រខេត្តស្វាយរៀង ស្នងការនគរបាលខេត្តបានបង្កើតប៉ុស្តិត្រួតពិនិត្យចំនួន៦៦ទីតាំង សំរាប់អោយកងកម្លាំងចម្រុះចំនួនជាង ២០០នាក់ ដើម្បីឈរជើងល្បាត នៅតាមខ្សែបន្ទាត់ព្រំដែន ។
រហូតមកដល់នេះ ក្រៅពីការចាប់ឃាត់ពលរដ្ឋវៀតណាមឆ្លងដែនចំនួន៥នាក់ខាងលើ បញ្ជូនទៅអោយភាគីវៀតណាមវិញ បច្ចុប្បន្នព្រំដែនធានានិងធ្វើការទប់ស្កាត់បានយ៉ាងល្អទៅតាមការណែនាំបន្ថែមរបស់លោកឧត្តមសេនីយ៍ទោ កឹង ឃន ស្នងការនគរបាលខេត្តស្វាយរៀង។ គឺអនុវត្តតាមបទបញ្ជាដ៏ម៉ឺងម៉ាត់របស់រាជរដ្ឋាភិបាល ក្នុងការងារទប់ស្កាត់ការឆ្លងរាលដាលនៃជំងឺកូវីដ-១៩ នៅតាមព្រំដែន ។ ជាក់ស្តែងកាលពីយប់ថ្ងៃទី២០ កក្កដា២០២១ កម្លាំងប៉ុស្តិ៍នគរបាលការពារព្រំដែនសំយ៉ោង វរ៦០៩ ប៉ុស្តិ៍នគរបាលរដ្ឋបាលបន្ទាយក្រាំង សហការជាមួយសមត្ថកិច្ចពាក់ព័ន្ធ បានល្បាតចល័ត បានឃាត់ខ្លួនជនជាតិវៀតណាមប្រុសស្រីចំនួន៥នាក់ (ស្រី៣នាក់) លួចឆ្លងដែនខុសច្បាប់ចូលមកកម្ពុជា នៅចំណុច ខ្សែបន្ទាត់ព្រំដែន ( កម្ពុជា) ស្ថិតនៅភូមិប្រចន្ទ្រា ឃុំបន្ទាយក្រាំង ស្រុកកំពង់រោទ៍ ខេត្តស្វាយរៀង -(វៀតណាម)ស្ថិតនៅភូមិទ្រុងចិន ឃុំថាយប៊ុនទ្រុង ស្រុកវិញហ៊ឹង ខេត្តឡុងអាន ។
គួររំលឹកផងដែរថា កម្លាំងនគរបាលការពារព្រំដែនសហការជាមួយកម្លាំងពាក់ព័ន្ធ បានទប់ស្កាត់ជនបរទេសឆ្លងដែនខុសច្បាប់ចូលមកកម្ពុជា និងឃាត់ខ្លួនមេខ្យល់ កសាងសំនុំរឿងចាត់ការតាមច្បាប់ជាបន្តបន្ទាប់ផងដែរ៕
ចែករំលែកព័តមាននេះ