ប្រទេសចិន ៖ ទីក្រុងមួយ ក្នុងខេត្ត Sichuan ក្លាយជាទីក្រុងដំបូងគេក្នុងប្រទេសចិន បានស្នើឱ្យមានការលើកទឹកចិត្ត ដើម្បីជួយគ្រួសារឱ្យមានកូនបន្តច្រើន ខណៈដែលប្រទេសមួយនេះកំពុងមានការជំរុញឱ្យមានអត្រាកំណើត ។…
ប្រទេសចិន ៖ ទីក្រុងមួយ ក្នុងខេត្ត Sichuan ក្លាយជាទីក្រុងដំបូងគេក្នុងប្រទេសចិន បានស្នើឱ្យមានការលើកទឹកចិត្ត ដើម្បីជួយគ្រួសារឱ្យមានកូនបន្តច្រើន ខណៈដែលប្រទេសមួយនេះកំពុងមានការជំរុញឱ្យមានអត្រាកំណើត ។ កាលពីខែឧសភា កន្លងទៅ ប្រទេសចិន បានប្រកាសនូវច្បាប់គោលនយោបាយដែលច្បាប់នោះត្រូវបានអនុញ្ញាត្តិឱ្យប្តីប្រពន្ធអាចមានកូនបានដល់ ៣ នាក់ ដែលច្បាប់មុនប្រទេសចិនកំណត់ឱ្យមានកូនត្រឹមតែ ២ នាកប៉ុណ្ណោះ ។
អាជ្ញាធរក្នុងទីក្រុង Panzhihua ដែលជាទីក្រុងមួយនៅក្នុងខេត្តនាភាគនិរតី នៃប្រទេសចិន កាលពីថ្ងៃពុធ បាននិយាយថា ឱពុកម្តាយ គឺអាចទាមទារប្រាក់ឧបត្ថម្ភប្រចាំខែចំនួន ៥០០ យ័ន (៧៧ ដុល្លារ) សម្រាប់កូនទី ២ ឬទី ៣ រហូតដល់ពួកគេមានអាយុ ៣ ឆ្នាំ ។ ពួកគេនឹងទទួលបានសេវាកម្មព្យាបាលដោយឥតគិតថ្លៃពីរដ្ឋាភិបាល ម្យ៉ាងវិញទៀតម្ចាស់ក្រុមហ៊ុនជាច្រើននៅក្នុងទីក្រុងនេះ ក៏បានលើកទឹកចិត្តផងដែរក្នុងការផ្តល់ឱ្យសេវាកម្មថែទាំកុមារ សម្រាប់និយោជិតរបស់ពួកគេ ។
ចលនានៃការបំផុសនេះកើនឡើង បន្ទាប់ពីលោកនាយករដ្ឋមន្ត្រី Li Keqiang បានសន្យាកាលពីថ្ងៃអង្គារិ៍ ថា នឹងបន្ធូរបន្ថយលើសេវាថែទាំកុមារកាន់តែមានភាពប្រសើរឡើង ដើម្បីលើកទឹកចិត្តឱ្យឪពុកម្តាយអាចមានកូនច្រើនជាងមុន ។ លោក Li Keqiang បាននិយាយថា ៖ «ប្រទេសចិនគួរតែមានការអភិវឌ្ឍន៍គុណភាពទៅលើសេវាថែទាំកុមារ នឹងត្រូវដាក់បញ្ចូលប្រព័ន្ធនេះទៅក្នុងសេដ្ឋកិច្ច នយោបាយសង្គម និងការប្រកាន់ខ្ជាប់នូវគោលនយោបាយផែនការគ្រួសារ» ។
គូរបញ្ជាក់ផងដែរ ការបន្ធូរបន្ថយចុងក្រោយនៃគោលនយោបាយ ផែនការគ្រួសាររបស់ទីក្រុងប៉េកាំង គឺជាកិច្ចខិតខំប្រឹងប្រែង ដើម្បីកាត់បន្ថយអត្រាកំណើត ប៉ុន្តែតម្លៃ និងសម្ពាធនៃការចិញ្ចឹមកូនអាចរារាំងជនជាតិចិនមិនឱ្យមានគ្រួសារធំបាន ។
ឧបនាយករដ្ឋមន្ត្រី ស៊ុន ឈុនឡាន បាននិយាយថា គោលនយោបាយកំពុងត្រូវបានពិចារណាលើ គ្រួសារដែលនឹងត្រូវបានផ្តល់ការគាំទ្របន្ថែមទៀត ជាមួយនឹងការកាត់បន្ថយពន្ធ សម្រាប់ថ្លៃថែទាំកុមារ ដែលមានអាយុក្រោម ៣ ឆ្នាំ និងសេវាកម្មមត្តេយ្យបន្ថែមទៀត ។ លោកស្រីមានប្រសាសន៍ថា ៖ «យើងគួរតែឃ្លាតឆ្ងាយពីគំនិតគោលនយោបាយ និងយន្តការនានាដែលជះឥទ្ធិពលដល់ការអភិវឌ្ឍចំនួនប្រជាជនដែលមានតុល្យភាព ក្នុងរយៈពេលវែង ។ យើងនឹងគាំទ្រដល់ឪពុកម្តាយជាមួយនឹងប្រព័ន្ធដែលបានកសាងយ៉ាងល្អ សម្រាប់សេវាកម្មសម្រាលកូន ហើយនឹងកាត់បន្ថយថ្លៃដើមសម្រាប់អាពាហ៍ពិពាហ៍ ការសម្រាលកូន ការចិញ្ចឹមអប់រំកូន ។ល។» ។
សូមជម្រាបជូនថា ទិន្នន័យជំរឿនចុងក្រោយរបស់ប្រទេសចិន បានបង្ហាញថា ចំនួនកំណើតថ្មីបានធ្លាក់ចុះនៅឆ្នាំ ២០២០ ក្នុងរយៈពេល ៤ ឆ្នាំជាប់ៗគ្នា ។ ចំនួនទារកដែលបានផ្តល់កំណើតប្រហែល ១២ លាននាក់ដែលបានកើតមកធ្លាក់ចុះ ១៨ ភាគរយ ពី ១៤.៦៥ លាននាក់ក្នុងឆ្នាំ ២០១៩ ដែលជាកម្រិតទាបជិត ៦ ទសវត្សរ៍មកនោះ ហើយប្រជាជនជាច្រើនក៏មានវ័យចំណាស់ ក្នុងអត្រាមួយដែលមិនធ្លាប់មានពីមុនមក ដែលមួយផ្នែក គឺដោយសារតែគោលនយោបាយ តម្រូវឱ្យមានកូនតែមួយ ដែលគោលនយោបាយនេះបានប្រើប្រាស់អស់រយៈពេលជាច្រើនទសវត្សរ៍មកហើយ និងបានបញ្ចប់នៅឆ្នាំ២០១៦ ។ ហើយអ្នកដែលបំពានគោលនយោបាយនេះ នឹងត្រូវប្រឈមនឹងការផាកពិន័យ ឬក៏អាចត្រូវបង្ខំឱ្យរំលូតកូនផងដែរ ៕ ប្រភព ៖ South China Morning Post
ចែករំលែកព័តមាននេះ