រាជធានីភ្នំពេញ ៖ អគ្គនាយកមជ្ឈមណ្ឌលកំចាត់មីនកម្ពុជាហៅកាត់ស៊ីម៉ាក់បានបញ្ជាក់បានបញ្ជូនសត្វសុនខចំនួន៦ក្បាលទៅកាន់បរទេស ដែលជាសមិទ្ធិផលមួយដែលកម្ពុជាអាចធ្វើបាន បន្ទាប់ពីកន្លងមកបញ្ជាទិញ ឬសុំពីខាងក្រៅ ។
ការបញ្ជូនសត្វសុនខហិតមីននេះ ពិតជាការមោទនភាពណាស់សម្រាប់កម្ពុជា ដែលបានបង្ហាត់សត្វសុនខហើយ មានលទ្ធភាពបញ្ចូនទៅបរទេស ដើម្បីជួយដោះមីន និងយុទ្ធភណ្ឌមិនទាន់ផ្ទុះ ។
លោក ហេង រតនា អគ្គនាយកមជ្ឈមណ្ឌលកំចាត់មីន កម្ពុជាបានសរសេរលើបណ្តាញសង្គមហ្វេសប៊ុក នៅថ្ងៃទី២៨ ខែកក្កដានេះថា ស៊ូៗនៅពេលរស់នៅ និងបំពេញការងារនៅបរទេស! ពួកគេទាំង៦ក្បាលត្រូវចេញដំណើរទៅក្រៅប្រទេសហើយ ! ២ក្បាលទៅប្រទេសកេនយ៉ា និង៤ក្បាល ត្រូវទៅប្រទេសស៊ូដង់ខាងត្បូង ។
លោកបានបញ្ជាក់ថា «អង្គភាពស៊ីម៉ាក់បានកែប្រែស្ថានភាពពីទិញឬសុំសុនខពីបរទេសមកប្រតិបតិការនៅកម្ពុជា ក្លាយជាអ្នកផ្គត់ផ្គង់សុនខទៅអន្តរជាតិផង និងគាំទ្រកិច្ចប្រតិបត្តិការក្នុងព្រះរាជាណាចក្រនេះផង! ។
នេះជាសមិទ្ធិផលនៃការពង្រឹងភាពជាម្ចាស់ទាំងចំណេះដឹង និងចំណេះធ្វើ ពង្រឹងសមត្ថភាពធនធានមនុស្សនីតិវិធី និងសម្ភារ:ប ច្ចេកទេស!» ។
សូមជម្រាបថា កន្លងមកស៊ីម៉ាក់បានបង្ហាត់សត្វសុនខជាច្រើនក្បាលក្នុងការហិតស្វែងរកក្នុងសកម្មភាពដោះមីន និងយុទ្ធភណ្ឌមិនទាន់ផ្ទុះនៅក្នុងទឹកដីដែររងដោយសង្គ្រោមបានរាប់រយពាន់គ្រាប់ ។ ជាងនេះស៊ីម៉ាក់ ដើម្បីចូលរួមជាមួយរដ្ឋាភិបាលក្នុងការ ទប់ស្កាត់ការរីករាលដាលជំងឺកូវីដ១៩ នៅក្នុងប្រទេសកម្ពុជាក៏បានធ្វើការបង្ហាត់សត្វសុនខក្នុងការហិតអ្នកមានផ្ទុះជំងឺកូវីដ១៩ជាច្រើនក្បាលផងដែរ ៕
ចែករំលែកព័តមាននេះ