សណ្តែកដីត្រូវបានក្រុមអ្នកវិទ្យាសាស្ត្រសកលលោកចាត់ចូលក្នុងជំពូកអាហារដែលផ្តល់អត្ថប្រយោជន៍ច្រើនដល់សុខភាពអ្នកនិយមទទួលទាន និងមានការសិក្សាពិសោធជាច្រើន បានរកឃើញអត្ថប្រយោជន៍
សណ្តែកដីត្រូវបានក្រុមអ្នកវិទ្យាសាស្ត្រសកលលោកចាត់ចូលក្នុងជំពូកអាហារដែលផ្តល់អត្ថប្រយោជន៍ច្រើនដល់សុខភាពអ្នកនិយមទទួលទាន និងមានការសិក្សាពិសោធជាច្រើន បានរកឃើញអត្ថប្រយោជន៍ដល់សុខភាពរបស់សណ្តែកដី ក្នុងនោះ ៖
១-ជំរុញដល់សុខភាពបេះដូង ៖ វត្តមានដ៏ច្រើនលើសលប់នៃសារធាតុប្រេងដែលគេចាត់ទុកជាខ្លាញ់សុខភាព និងសមាសធាតុប្រឆាំងអុកស៊ីដកម្មផ្សេងៗ បានជួយឱ្យសណ្តែកដីក្លាយជាភ្នាក់ងារជំរុញដល់សុខភាពបេះដូងយា៉ងមានប្រសិទ្ធភាព ។
តាមការសិក្សាស្រាវជ្រាវឈ្មោះ Iowa Women’s Health Study ដែលបានចេញផ្សាយក្នុងព្រឹត្តិបត្រ British Journal of Nutrition បានរកឃើញថា អ្នកទទួលទានសណ្តែកដី-ប៊័រសណ្តែកដីពី១ដងទៅ៤ដង ក្នុងមួយសប្តាហ៍ អត្រានៃការស្លាប់ពីជំងឺបេះដូងថយចុះពី១១ភាគរយទៅ១៩ភាគរយ ។ ឯការសិក្សា៣ផ្សេងទៀតរកឃើញថា ការទទួលទានសណ្តែកដីយ៉ាងហោចណាស់៤ដងក្នុងមួយសប្តាហ៍ កាត់បន្ថយហានិភ័យពីជំងឺបេះដូងបានដល់ទៅ៣៧ភាគរយ ។ រាល់ការទទួលទានម្តងគឺអាចកាត់បន្ថយហានិភ័យ៨,៣ភាគរយ ។
-កម្រិតទទួលទាន ៖ ដើម្បីទទួលបានប្រសិទ្ធ ភាពដូចក្នុងការសិក្សាខាងលើ ចូរទទួលទានពេញមួយក្តាប់ដៃឬមួយស្លាបព្រាកាហ្វេ(ក្នុងរូបភាពជាប៊័រ)៤ដងក្នុងមួយសប្តាហ៍ ។
២-កាត់បន្ថយហានិភ័យមហារីកពោះវៀន ៖ ការសិក្សាមួយចំនួនបានបង្ហាញថា បណ្តាសារធាតុចិញ្ចឹមក្នុងសណ្តែកដី ក្នុងនោះរួមមាន អាស៊ីតហ្វូលិច phytosterols អាស៊ីតហ្វ៊ីទិច (inositol hexaphosphate)និងresveratrolមានប្រសិទ្ធភាពប្រឆាំងនឹងជំងឺមហារីក ។
ការសិក្សាពិសោធរបស់អ្នកវិទ្យាសាស្ត្រតៃវ៉ាន់លើបុរស-ស្ត្រី២ម៉ឺននាក់ប្លាយបានបង្ហាញថា ការទទួលទានសណ្តែកដីត្រឹម២-៣ដងក្នុងមួយសប្តាហ៍ អាចជួយកាត់បន្ថយហានិភ័យមហារីកពោះវៀន៥៨ភាគរយ (ស្ត្រី) និង២៧ភាគរយ(បុរស) ។
៣-ប្រឆាំងនឹងជំងឺភ្លេចភ្លាំង ៖ លទ្ធផលនៃការស្រាវជ្រាវដែលបានចេញផ្សាយក្នុងព្រឹត្តិបត្រ Journal of Neurology, Neurosurgery and Psychiatry បង្ហាញថា ទទួលទានទៀងទាត់បណ្តាអាហារសម្បូរដោយសមាសធាតុ Niacin តួយ៉ាងដូចជា សណ្តែកដីនឹងជួយបង្ការការធ្លាក់ចុះសមត្ថភាពខួរក្បាល ព្រមទាំងជំងឺភ្លេចភ្លាំង ។
ការពិសោធរយៈពេល៦ឆ្នាំរបស់ក្រុមអ្នកស្រាវជ្រាវអាមេរិកលើអ្នករស់នៅក្នុងទីក្រុងស៊ីកាហ្គោចំនួន៣ពាន់នាក់បង្ហាញថា បុគ្គលដែលទទួលបានសមាសធាតុ Niacin តាមរយៈចំណីអាហារច្រើនបំផុត(២២មីល្លីក្រាម) ៧០ភាគរយប្រឈមនឹងជំងឺភ្លេចភ្លាំងតិចជាងបុគ្គលដែលទទួលទានប្រហែល១៣មីល្លីក្រាមក្នុងមួយថ្ងៃ ។ វិធីដ៏ងាយក្នុងការបង្កើន Niacin គឺទទួលទានសណ្តែកដីមួយក្តាប់ដៃ ។
៤-ជួយទប់ស្កាត់ការឡើងទម្ងន់ខ្លួន ៖ លទ្ធផលនៃការសិក្សារបស់អេស្ប៉ាញ ចុះផ្សាយក្នុងព្រឹត្តបត្រ Obesity បង្ហាញថា មួយចំនួនក្នុងចំណោមបុរស-ស្ត្រីស្ម័គ្រពិសោធ៨ពាន់នាក់ប្លាយដែលទទួលទានសណ្តែកដីយ៉ាងតិច២ដងក្នុងមួយសប្តាហ៍ អាចកាត់បន្ថយហានិភ័យឡើងទម្ងន់បាន៣១ភាគរយ ។
ខាងក្រោមនេះជាសារធាតុចិញ្ចឹមមួយចំនួនទៀតក្នុងសណ្តែកដី ៖
-biotin ឬវីតាមីន H ប្រមាណជា ៨៨%
-ទង់ដែង ៤៧%
-ម៉ង់កាណែស ៣៦%
-វីតាមីន B3 ២៨% … ៕
ចែករំលែកព័តមាននេះ