ខេត្តព្រៃវែង ៖ ផ្ទះបែរត្រីជនជាតិវៀតណាមដែលបានបម្លាស់ទីចេញពីរាជធានីភ្នំពេញ មកសំចតនៅចំណុចព្រំដែន ក្អមសំណរខេត្តកណ្ដាល និងច្រកព្រំដែនកោះរកា ខេត្តព្រៃវែង បច្ចុប្បន្ននេះ នៅមិនទាន់មានអ្វីប្រែប្រួល គួរអោយកត់សម្គាល់នោះទេ។…
ខេត្តព្រៃវែង ៖ ផ្ទះបែរត្រីជនជាតិវៀតណាមដែលបានបម្លាស់ទីចេញពីរាជធានីភ្នំពេញ មកសំចតនៅចំណុចព្រំដែន ក្អមសំណរខេត្តកណ្ដាល និងច្រកព្រំដែនកោះរកា ខេត្តព្រៃវែង បច្ចុប្បន្ននេះ នៅមិនទាន់មានអ្វីប្រែប្រួល គួរអោយកត់សម្គាល់នោះទេ។
យោងតាមការបញ្ជាក់ពីមន្ត្រីប្រចាំការនៅច្រកទ្វារព្រំដែនអន្តរជាតិទាំងពីរ គឺក្អមសំណរ និងកោះរកាបានអោយដឹងថា មកដល់ពេលនេះ ចំនួនផ្ទះបែរត្រីជនជាតិវៀតណាមទាំងនោះ នៅរក្សាតួលេខដដែល គឺផ្ទះបែរត្រីសរុបចំនួន108 បែត្រី ដែលក្នុងនោះគឺនៅខេត្តកណ្ដាលក្នុងច្រកក្អមសំណមានចំនួន78បែរ នឹងនៅខេត្តព្រៃវែង ក្បែរច្រកកោះរកាមានចំនួនប្រមាណជា30បែរត្រី នឹងមានមនុស្សសរុបប្រមាណជា500នាក់ ទាំងក្មេងទាំងចាស់។
ដោយឡែក ជីវភាពរស់នៅរបស់ជនជាតិវៀតណាមទាំងអស់នោះ គឺពួកគេបានប្រើប្រាស់ឧបករណ៍នេសាទ ធ្វើការនេសាទត្រីនៅក្នុងទឹកទន្លេធ្វើជាម្ហូបអាហារ និងទិញបន្លែផ្សេងៗពីប្រជាពលរដ្ឋអ្នកភូមិដែលរស់នៅក្បែរព្រំដែននៃច្រកទាំងពីរនេះពួកគេមិនត្រូវបានអនុញ្ញាតឲ្យឡើងច្រាំងទេ គឺអ្នកភូមិយកបន្លែត្រីសាច់លក់ឲ្យពួកគេ ដល់លើទូកតែម្ដង ហើយខាងភាគីវៀតណាម ក៏នៅតែរក្សាជំហរដដែល គឺមិនអនុញ្ញាតឲ្យជនជាតិរបស់ខ្លួន ចូលទៅក្នុងទឹកដីរបស់ខ្លួនវិញនោះទេ។
ព័ត៌មានបន្ថែមកោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ