រហូតមកទល់ពេលនេះ ស្ថានភាពជំងឺរបស់អ្នកម្តាយពិធីការិនី ឌួង ហ្សូរីដា ដែលឆ្លងកាត់ការព្យាបាលជាច្រើនឆ្នាំហាក់ប្រសើរទៅមុខល្អ សមតាមការលះបង់របស់កូនៗដែលគិតគូលើម្តាយ។ អ្នកស្រីជាស្ត្រីមេម៉ាយ ដែលមិនទទួលយក
រាជធានីភ្នំពេញ ៖ រហូតមកទល់ពេលនេះ ស្ថានភាពជំងឺរបស់អ្នកម្តាយពិធីការិនី ឌួង ហ្សូរីដា ដែលឆ្លងកាត់ការព្យាបាលជាច្រើនឆ្នាំហាក់ប្រសើរទៅមុខល្អ សមតាមការលះបង់របស់កូនៗដែលគិតគូលើម្តាយ។ អ្នកស្រីជាស្ត្រីមេម៉ាយ ដែលមិនទទួលយកបុរសណាជាគូឡើយ ហើយសុខចិត្តចំណាយពេលពេញមួយជីវិតចិញ្ចឹមកូនស្រី៣នាក់តែឯង រហូតមានចំណេះចេះដឹង។ បែបនេះហើយ កូនស្រីទាំង៣ គោរពអ្នកម្តាយណាស់ ហើយបារម្ភពេលឈឺម្តងៗ។
សិល្បករជាច្រើនដែលជិតដិតជាមួយ ឌួង ហ្សូរីដា បានលើកសរសើរអំពីទឹកចិត្តកូនច្បងរូបនេះ ដែលដាក់ពេលវេលាច្រើនទ្រទ្រង់គ្រួសារ ជាពិសេសតាំងពីម្តាយឈឺនាវិនាទីដំបូងៗមក ហ្សូរីដា មិនបានទោរទន់បាក់ទឹកចិត្តឡើយ គឺត្រូវបន្ថែមល្បឿន បង្កើតមុខរបរថ្មីៗរកប្រាក់មើលថែម្តាយ។ ជាពិសេសកូនៗទាំង៣នាក់ ចែកកម្លាំងគ្នាខ្លះនៅលក់ខ្លះ តាមថែទាំម្តាយដល់ពេទ្យថៃជាប្រចាំ។ ប្រការនេះហើយ ទើបធ្វើអោយអ្នកម្តាយរបស់ ហ្សូរីដា មានកម្លាំងចិត្តបំផុតអាចប្រឹងតស៊ូយកឈ្នះជំងឺបន្តបន្ទាប់បាន។
យោងតាមការបង្ហោះសារពីម្តាយ ឌួង ហ្សូរីដា បានសរសេរថា «ព្រឹកថ្ងៃទី20,7,2021 នាងខ្ញុំបានទៅជួបវេជ្ជបណ្ឌិត លោកប្រាប់ថា អ្វី អ្វីប្រសើរច្រើនចាស អរគុណបងប្អូនទាំងអស់ដែលតែងតែផ្ញើសារជូនពរដល់នាងខ្ញុំដ៏ច្រើនលើសលប់ ការជូនពររបស់អ្នកទាំងអស់នឹងហើយដែលធ្វើអោយនាងខ្ញុំទទួលបានជោគជ័យក្នុងការជិតជាបានទៅស្រុកយើងវិញហើយចាស អរគុណអ្នកទាំងអស់គ្នាណាស់ចាស។ សូមជូនពរអ្នកទាំងអស់គ្នា បងប្អូនហ្វ្រេនហ្វេសប៊ុកទាំងអស់ជួបតែសេចក្តីសុខណាចាស។ ហើយក៏ចង់ប្រាប់ ទមុទិតា ស្រីនីត អ្នកនឹកចាស ។ ដំណឹងល្អមួយទៀតថ្ងៃ 24 នាងបានចាកវ៉ាក់សាំងហើយ នាងខ្ញុំសប្បាយចិត្តណាស់បានចាក់វ៉ាក់សាំខូវីត ហើយចាស»។
អ្នកស្រីបន្តបង្ហោះសារថា «សប្បាយចិត្តណាស់ ថ្ងៃទី24,7,2021 ដែលនាងខ្ញុំទទួលបានការចាក់វ៉ាក់សាំង ដូសទី១ នៅមន្ទីរពេទ្យបំរុងរ៉ាត់ចាស ។ តើអ្នកទាំអស់គ្នានៅស្រុកខ្មែរចាក់គ្រប់គ្នាហើយឬនៅចាស? ព្យាយាមចាក់វ៉ាក់សាំងនៅខ្មែរយើងអត់អស់លុយទេ ណាអ្នកទាំងអស់គ្នាណាចាស ។ ជូនពរអ្នកទាំងអស់គ្នាជៀសផុតពីជំងឺកូវីដ នឹងសូមរកស៊ីមានបានគ្រប់ក្រុមគ្រួសារណាចាស»។
ចំណែក ឌួង ហ្សូរីដា ក៏បានតបសារថា « រួចរាល់ដុសទី១ ហើយចាស៎ អរគុណខ្លួនឯង ប្អូនៗ និងបុគ្គលិកទាំងអស់ដែលប្រឹង Live ទាំងយប់ និងថ្ងៃ ដើម្បីរកលុយទប់នឹងសភាពការណ៍ដ៏តានតឹងនៃ កូវីដ ហើយមានលទ្ធភាព អាចអោយម្តាយបង់លុយថ្លៃចាក់វាក់សាំងនៅប្រទេសគេបាន ម្តាយប្រាប់ហើយថា នៅកម្ពុជាយើងចាក់វាក់សាំង Free Free ហើយចាក់បានស្ទើរគ្រប់គ្នាណាកូន តែនៅស្រុកគេក៏នឹងបាន Free ដែរ តែទាល់តែចាំយូរតិច មិនដឹងកាលទេ ព្រោះរកវាក់សាំងពិបាក តែទោះយ៉ាងណា កូនត្រូវបន្តការប្រុងប្រយ័ត្ន កុំដើរហើរឆ្វេចឆ្វាច វាក់សាំងក៏ជួយមិនបានដែរ មានតែ «៣កុំ ៣ការពារ» ទេ។
ចែករំលែកព័តមាននេះ