រាជធានីភ្នំពេញ ៖ អ្នកនាងប៉ែន សុផានី បានបាត់មុខពីកញ្ចក់ទូរទស្សន៍ និងនៅរាងឆ្ងាយពីសិល្បៈច្រើនឆ្នាំ។ អ្នកខ្លះដឹងថា អ្នកនាងបានងាកទៅចំណាយពេលមើលថែគ្រួសារថ្មី ក្រោយសម្រេចចិត្តបើកបេះដូងជាថ្មី។ អ្វីដែលគេកោតសរសើរពេលនេះ…
រាជធានីភ្នំពេញ ៖ អ្នកនាងប៉ែន សុផានី បានបាត់មុខពីកញ្ចក់ទូរទស្សន៍ និងនៅរាងឆ្ងាយពីសិល្បៈច្រើនឆ្នាំ។ អ្នកខ្លះដឹងថា អ្នកនាងបានងាកទៅចំណាយពេលមើលថែគ្រួសារថ្មី ក្រោយសម្រេចចិត្តបើកបេះដូងជាថ្មី។ អ្វីដែលគេកោតសរសើរពេលនេះ អ្នកនាងបានក្លាយជាជំទាវម្នាក់ក្នុងចង្កោមសិល្បៈដែលចាត់ថា ក្នុងវ័យចាស់ទុំ អ្នកនាងសំណាងដូចធ្វើបុណ្យដល់។
អ្នកនាងប៉ែន សុផានី បានចំណាយពេលស្ទើរតែ១០០% ងាកមកពង្រឹងចំណងគ្រួសារ ។ តាំងពីបានរៀបការមកឃើញថា អ្នកនាងមិនសូវលេចមុខមាត់ជាមួយសង្គមសិល្បៈដូចមុន។ ប្រការនេះ ដោយលេចឭថា អ្នកនាងបានងារជាជំទាវ អាចរស់នៅស្រួលលែងពឹងអាស្រ័យលើវិថីសិល្បៈទៀត។ ក្រោយឆ្ងាយៗពីវិថីចាស់ ទស្សនិកជន និងតារាសិល្បៈរលកក្រោយ ផលិតករនៅតែនឹកនាហើយចង់បានវត្តមាន អ្នកនាងវិលមករកឆ្នាំងចាស់វិញថត សម្តែង ព្រោះអ្នកនាងចាស់មែន តែទីផ្សារសម្តែងនៅតែល្អរីកលូតលាស់មិនខុសកាលពីនៅក្មេងៗ។
ឆ្លើយតបនឹងបញ្ហានេះ អ្នកនាង ប៉ែន សុផានី បកស្រាយតាមរយៈសាអេឡិចត្រូនិចថា «ពិតណាស់ អ្នកនាងនៅតែទទួលការស្វាគមន៍ពីផលិតករនានាចង់អោយសម្តែង។ អ្នកនាងពិបាកក្នុងការញែក រវាងការងារសិល្បៈ និងគ្រួសារ ព្រោះសុទ្ឋតែជម្រើសពេញចិត្តតាំងពីយូរយារហើយ។ អ្នកនាងថា អំឡុងពេលនេះយកពេលវេលា មើលថែរបរក្នុងផ្ទះ និងស្វាមី ហើយមួយទៀតគឺមើលចៅ។ អ្វីដែលសំខាន់ចិត្តក៏នៅតែចង់សម្តែងដដែល មិនដែលគិតចង់បោះបង់ឡើយ។
អ្វីដែលសំខាន់ពេលនេះ ស្នាដៃក្នុងការសម្តែង នៅតែបន្តមានលើកញ្ចក់ទូរទស្សន៍ ដែលអាចនិយាយថា មហាជននៅតែបន្ត មើលការសម្តែងអ្នកនាងបន្តទៀត។ អ្នកនាងនៅតែ ដាក់ចិត្តបែបសាមញ្ញមិនមែនងារ ជាជំទាវលេងអត្តចរិកឬធ្វើ អ្វីភ្លេចរឿងពីមុនឡើយ ពោលធម្មតាដដែល» ៕
ចែករំលែកព័តមាននេះ