ដល់.ក! សុទ្ធតែកម្ទេចមីខូចគុណភាពដែលឈ្នួញនាំចូលពីថៃជាង២តោន
- បន្ទាយមានជ័យ
មន្ត្រីជំនាញ បានរឹបអូសកម្ទេចមីខូចគុណភាពដែលឈ្មួញបាននាំចូលពីថៃមកកម្ពុជា ចំនួន៨៩ការ៉ុង ដែលមានទម្ងន់ជាង២តោន កាលពីថ្ងៃទី
ខេត្តបន្ទាយមានជ័យ ៖ មន្ត្រីជំនាញ បានរឹបអូសកម្ទេចមីខូចគុណភាពដែលឈ្មួញបាននាំចូលពីថៃមកកម្ពុជា ចំនួន៨៩ការ៉ុង ដែលមានទម្ងន់ជាង២តោន កាលពីថ្ងៃទី១៧ ខែកក្កដា ឆ្នាំ២០២១ ស្ថិតភូមិ-ឃុំគោករមៀត ស្រុកថ្មពួក ខេត្តបន្ទាយមានជ័យ។
លោក សាន វិជ្ជាសារ៉ាវុធ ប្រធានការពារអ្នកប្រើប្រាស់កិច្ចការប្រកួតប្រជែង និងបង្ក្រាបការក្លែងបន្លំសាខាខេត្តបន្ទាយមានជ័យ បានប្រាប់ថា ជាការណែនាំពីអគ្គនាយកដ្ឋានការពារអ្នកប្រើប្រាស់កិច្ចការប្រកួតប្រជែង និងបង្ក្រាបការក្លែងបន្លំ ហើយមន្ត្រីជំនាញក៏បានធ្វើការស្រាវជ្រាវរហូតមានការសង្ស័យទៅលើរថយន្តដឹកទំនិញចូលពីប្រទេសថៃ តាមច្រកបឹងត្រកួន រួចដាក់ផ្ទេរនៅចម្ងាយពីច្រកទ្វារតំបន់ព្រំដែនបឹងត្រកួន ប្រមាណជិត១គីឡូម៉ែត្រ។
លោកបានបញ្ជាក់ថា នៅពេលដែល មន្ត្រី ក.ប.ប សាខាខេត្តបន្ទាយមានជ័យ បានធ្វើការពិនិត្យ ក៏ស្រាប់តែរកឃើញមានទំនិញជាប្រភេទកម្ទេចមី ដែលជាកាកសំណល់មីកញ្ចប់ខូចគុណភាព ត្រូវបានឈ្មួញនាំចូលពីប្រទេសថៃ ហើយត្រូវបានរឹបអូសមានចំនួន៨៩ការ៉ុង ស្មើនឹង១៤២.៤០០កញ្ចប់តូច ដែលមានទម្ងន់ស្មើនឹង២.២២៥គីឡូក្រាម។
លោក សាន វិជ្ជាសារ៉ាវុធ បានបញ្ជាក់ថា ក្រោយពេលដកហូតកម្ទេចមីទម្ងន់ជាង២តោនដែលឈ្មួញដឹកតាមរថយន្តនាំចូលពីប្រទេសថៃ តាមច្រកបឹងត្រកួនហើយ មន្ត្រីជំនាញក៏បានធ្វើកិច្ចសន្យាជាមួយម្ចាស់ទំនិញ ដើម្បីអោយបញ្ឈប់សកម្មភាពដឹកទំនិញខូចគុណភាពបន្តទៀត ដែលធ្វើឱ្យប៉ះពាល់សុខភាពអ្នកទិញយកទៅបរិភោគ៕
ចែករំលែកព័តមាននេះ