ខណៈនេះ! អគ្គិភ័យឆាបឆេះបន្ទប់ជួលជាន់ទី៥ ស្ថិតក្នុងសង្កាត់ផ្សារដេប៉ូទី៣
- ភ្នំពេញ
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា មានករណីអគ្គិភ័យកំពុងឆាបឆេះផ្ទះមួយល្វែងនៅជាន់ទី៥ ខណៈ
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា មានករណីអគ្គិភ័យកំពុងឆាបឆេះបន្ទប់មួយល្វែងនៅជាន់ទី៥ ខណៈពេលម្ចាស់ចាក់សោចោល ហើយត្រូវបានគេសង្ស័យថា អាចបណ្តាលមកពីផ្ទុះធុងហ្គាស ឬទុស្សេខ្សែភ្លើង ។
ហេតុការណ៍ខាងលើនេះបានបង្កការភ្ញាក់ផ្អើលកើតឡើងកាលពីវេលាវេលាម៉ោង១០និង២០នាទីព្រឹកថ្ងៃទី១២ កក្កដា ឆ្នាំ២០២១ នៅចំណុចបន្ទប់ជួលមួយល្វែង នៅជាន់ទី៥ ស្ថិតនៅតាមបណ្តោយផ្លូវ១១៨ សង្កាត់ផ្សារដេប៉ូទី៣ ខណ្ឌទួលគោក រាជធានីភ្នំពេញ ។
នៅក្នុងហេតុការណ៍ខាងលើនេះដែរ គេសង្កេតឃើញរថយន្តពន្លត់អគ្គិភ័យជាច្រើនគ្រឿងបានចុះមកដល់កន្លែងកើតហេតុដែរ ប៉ុន្តែពិបាកក្នុងការអន្តរាគមន៍បាញ់ទឹកពន្លត់ ដោយសារបន្ទប់ជួលកើតហេតុនៅជាន់លើ ហើយស្ថិតនៅផ្នែកខាងក្រោយ និងឆ្ងាយពីផ្លូវផង ។ ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព ៕
ចែករំលែកព័តមាននេះ