ដំណាំកសិកម្មប្រជាពលរដ្ឋនៅក្រុងប៉ៃលិន រងគ្រោះដោយសារសត្វពីងពាងក្រហមស៊ីបំផ្លាញ
- ប៉ៃលិន
ខេត្តប៉ៃលិន ៖ នៅព្រឹកថ្ងៃទី៦ ខែកក្កដា ឆ្នាំ២០២១នេះ ឯកឧត្តម សៅ សារ៉ាត់ អ្នកតំណាងរាស្ត្រមណ្ឌលប៉ៃលិន ដឹកនាំមន្ត្រីជំនាញ…
ខេត្តប៉ៃលិន ៖ នៅព្រឹកថ្ងៃទី៦ ខែកក្កដា ឆ្នាំ២០២១នេះ ឯកឧត្តម សៅ សារ៉ាត់ អ្នកតំណាងរាស្ត្រមណ្ឌលប៉ៃលិន ដឹកនាំមន្ត្រីជំនាញ…
ខេត្តប៉ៃលិន ៖ នៅព្រឹកថ្ងៃទី៦ ខែកក្កដា ឆ្នាំ២០២១នេះ ឯកឧត្តម សៅ សារ៉ាត់ អ្នកតំណាងរាស្ត្រមណ្ឌលប៉ៃលិន ដឹកនាំមន្ត្រីជំនាញ នៃមន្ទីរកសិកម្ម រុក្ខាប្រមាញ់ និងនេសាទខេត្តប៉ៃលិន ដោយមានការចូលរួមពីក្រុមការងារ និងតំណាងក្រុមហ៊ុនចែកចាយថ្នាំកសិកម្ម បានអញ្ជើញចុះពិនិត្យទីតាំងចម្ការដំឡូងមីប្រជាពលរដ្ឋ ដោយមានការចែកជូននូវថ្នាំកសិកម្មដល់ពួកគាត់ ស្ថិតនៅក្នុងភូមិអូរខ្ទីង និងភូមិអូរប្រឹស ក្នុងសង្កាត់អូរតាវ៉ៅ ក្រុងប៉ៃលិន ខេត្តប៉ៃលិន ដែលបានទទួលរងគ្រោះដោយសារការបំផ្លាញពីសត្វល្អិតពីងពាងក្រហម។
ឯកឧត្តម សៅ សារ៉ាត់ អ្នកតំណាងរាស្ត្រមណ្ឌលប៉ៃលិន ក៏បានលើកទឹកចិត្តដល់ប្រជាពលរដ្ឋឱ្យបន្តខិតខំប្រឹងប្រែងដាំដុះដំណាំតាមលក្ខណៈបច្ចេកទេស ដែលខាងមន្ទីរធ្លាប់ចុះអប់រំណែនាំ ដើម្បីទទួលបានផលខ្ពស់ និងចៀសវាងទទួលរងការបំផ្លិចបំផ្លាញពីសត្វល្អិតផងដែរ។ ឯកឧត្តមក៏បានជំរុញឱ្យកសិករទាំងអស់ក្នុងភូមិដាំបន្លែប្រចាំគ្រួសារ ដូចជាសណ្តែក ត្រសក់ ត្រកួន និងបន្លែ ដែលមានរយៈពេលខ្លី សម្រាប់បេះលក់នៅទីផ្សារ បានថវិកាសម្រាប់ផ្គត់ផ្គង់ជីវភាពប្រចាំថ្ងៃ។ ជាពិសេសឯកឧត្តមក៏បាន អប់រំឱ្យប្រជាពលរដ្ឋទាំងអស់ ចេះថែរក្សាអនាម័យ ដើម្បីចូលរួមការពារ ទប់ស្កាត់ការឆ្លងរាលដាលនៃជំងឺកូវីដ-១៩ ចូលក្នុងសហគមន៍។
លើសពីនេះ ពេលចេញដើរទៅក្រៅ ត្រូវពាក់ម៉ាសការពារ និងត្រូវលាងដៃជាមួយអាល់កុល ឬជែល ដើម្បីកំចាត់មេរោគ កុំឱ្យឆ្លងចូលក្នុងគ្រួសារ។ ចំណែកប្រជាពលរដ្ឋ ដែលបានទទួលថ្នាំកសិកម្មពីអ្នកតំណាងរាស្ត្រមណ្ឌលប៉ៃលិន មានការត្រេកអរយ៉ាងខ្លាំង ហើយក៏ថ្លែងអំណរគុណដល់ថ្នាក់ដឹកនាំខេត្ត ដែលបានយកចិត្តទុកដាក់ក្នុងការចុះពិនិត្យមើលដំណាំដាំដុះរបស់ខ្លួន ហើយតែងតែបញ្ជូនឱ្យខាងមន្ទីរកសិកម្មខេត្តចុះទៅណែនាំពីរបៀបដាំដុះ ដែលត្រូវតាមលក្ខណៈបច្ចេកទេស ដើម្បីឱ្យទទួលបានផលច្រើន។ ពួកគាត់ក៏សូមជូនពរដល់ថ្នាក់ដឹកនាំខេត្ត ជាពិសេសឯកឧត្តមអ្នកតំណាងរាស្ត្រមណ្ឌលប៉ៃលិន ឱ្យទទួលបាននូវសុខភាពល្អ កម្លាំងមាំមួន ប្រាជ្ញាឈ្លាវៃ បន្តដឹកនាំប្រជាពលរដ្ឋក្នុងខេត្តឱ្យមានការរីកចម្រើន ក៏សូមឱ្យទទួលបានជោគជ័យគ្រប់ភារកិច្ច។ សូមបញ្ជាក់ផងដែរថា៖ នៅក្នុងភូមិទាំងពីរខាងលើនេះ មានផ្ទៃដីដាំដំណាំដំឡូងមីសរុបចំនួន 400ហិកតា ក្នុងនោះរងការបំផ្លាញពីពាងក្រហមចំនួន180ហិកតា៕ ដោយ ៖ នីយ៉ា
ចែករំលែកព័តមាននេះ