រាជធានីភ្នំពេញ ៖ ការកង្វះគ្រាប់ឈាមក្រហមចំពោះអ្នកជំងឺខ្សោយតម្រងនោមរ៉ាំរ៉ៃ ត្រូវបានលោកវេជ្ជបណ្ឌិត ហ៊ៅ ចំរើន ឯកទេសជំងឺតម្រងនោម និងលាងឈាមនៃមន្ទីរពេទ្យកាល់ម៉ែត បកស្រាយឲ្យដឹងថា នៅប្រទេសកម្ពុជា ប្រេវ៉ាឡង់នៃអ្នកជំងឺខ្សោយតម្រងនោមរ៉ាំរ៉ៃ ប្រហាក់ប្រហែលទៅនឹង១,២% ចំពោះមនុស្សពេញវ័យ ។
រាជធានីភ្នំពេញ ៖ ការកង្វះគ្រាប់ឈាមក្រហមចំពោះអ្នកជំងឺខ្សោយតម្រងនោមរ៉ាំរ៉ៃ ត្រូវបានលោកវេជ្ជបណ្ឌិត ហ៊ៅ ចំរើន ឯកទេសជំងឺតម្រងនោម និងលាងឈាមនៃមន្ទីរពេទ្យកាល់ម៉ែត បកស្រាយឲ្យដឹងថា នៅប្រទេសកម្ពុជា ប្រេវ៉ាឡង់នៃអ្នកជំងឺខ្សោយតម្រងនោមរ៉ាំរ៉ៃ ប្រហាក់ប្រហែលទៅនឹង១,២% ចំពោះមនុស្សពេញវ័យ ។
មូលហេតុចំបងពីរធំៗដែលបណ្ដាលអោយកើតមានជំងឺខ្សោយតម្រងរ៉ាំរ៉ៃ ៖ ទី១- គឺជាផលលំបាកនៃជំងឺទឹកនោមផ្អែម ទី២- ជាផលលំបាកនៃជំងឺលើសឈាម ដែលកើតឡើងរ៉ាំរ៉ៃ ហើយមិនទទួលបាននូវការព្យាបាលមួយត្រឹមត្រូវ។
ជំងឺខ្សោយតម្រងរ៉ាំរ៉ៃនេះ បានផ្ដល់ផលលំបាកធ្ងន់ធ្ងរជាច្រើនដល់សរីរាង្គមនុស្ស ដែលមូលហេតុចំបងគឺដោយសារតែការកើនឡើងជាតិពុលច្រើនក្នុងឈាម (uremic toxins ) ក្នុងនោះ កង្វះគ្រាប់ឈាមក្រហមក៏ជាផលលំបាកមួយដែលតែងតែកើតឡើងជាញឹកញាប់ផងដែរ។
លោកវេជ្ជបណ្ឌិត ហ៊ៅ ចំរើន បា ឲ្យដឹងទៀតផលតថា មូលហេតុជាច្រើនចូលរួម ៖
– កង្វះអរម៉ូន EPO (erythropoietin) ដែលជាធម្មតា ត្រូវបានបញ្ចេញដោយតម្រងនោម
– ការថយចុះអាយុរបស់គ្រាប់ឈាមក្រហម ៧០-៨០ថ្ងៃ (ធម្មតា១២០ថ្ងៃ)
– ការបាត់បង់ជាតិដែក វីតាមីន B9 និងB12 – ការកើនឡើង hepcidine ។
រោគសញ្ញា ៖
– ស្លេកស្លាំងខុសពីធម្មតា
– ហេវហត់ អស់កម្លាំង ល្ហិតល្ហៃ
– ឧស្សាហ៍វិលមុខ ធីងធោង ឈឺក្បាល
– ហ៊ឹងត្រចៀក
-ស្រវាំងភ្នែក
– ញ័រដើមទ្រូង បេះដូងលោតញាប់ ចុកទ្រូង
– ដង្ហក់ ឆាប់ហត់ ខុសធម្មតា។
ជារួម ៖ កង្វះគ្រាប់ឈាមក្រហម នេះកើនឡើងស្របទៅនឹងសភាពធ្ងន់ធ្ងរនៃការខ្សោយតម្រងនោម។ កង្វះគ្រាប់ឈាមក្រហម ផ្តល់ផលប៉ះពាល់ជាច្រើនចំពោះអ្នកជំងឺដូចជា ស្លេកស្លាំង ឆាប់ហត់ ប៉ះពាល់ដល់ជីវភាព ប្រចាំថ្ងៃរបស់ពួកគាត់ ហើយជាពិសេសធ្វើអោយកើនឡើងខ្ពស់នូវ អត្រាមរណភាព និងពិការភាព។
ដោយសារការធ្វើរករោគវិនិច្ឆ័យ និងការព្យាបាលជំងឺនេះមានភាពស្មុគស្មាញ ដូចនេះដើម្បីទទួលបាននូវការព្យាបាលមួយដ៏មានប្រសិទ្ធភាព ទំនុកចិត្ត និងច្បាស់លាស់ លោកអ្នកគួរតែមកពិគ្រោះជំងឺជាមួយក្រុមគ្រូពេទ្យជំនាញឯកទេសតម្រងនោមនៅមន្ទីរពេទ្យកាល់ម៉ែត ដើម្បីកំណត់ពីមូលហេតុបង្កជំងឺពិតប្រាកដ។
លោកវេជ្ជបណ្ឌិត ហ៊ៅ ចំរើន ឯកទេសជំងឺតំរងនោម និងលាងឈាមនៃមន្ទីរពេទ្យកាល់ម៉ែតបានបញ្ជាក់ថា មានតែការធ្វើរោគវិនិច្ឆ័យត្រឹមត្រូវ និងកំណត់វិធីសាស្ត្រព្យាបាលច្បាស់លាស់ទៅតាមមគ្គុទេសព្យាបាលជាសកលនិងយោបល់ពីអ្នកជំនាញទេ ទើបអ្នកជំងឺទទួលបានមកវិញនូវសភាពធូរស្បើយ និងទទួលបាននៅគុណភាពជីវិតមួយដ៏ល្អប្រសើរ ៕
ចែករំលែកព័តមាននេះ