យោងតាមឯកសារព្រះពុទ្ធសាសនាបានបញ្ជាក់ថា ក្រោយត្រាស់ដឹងធម៌ យល់ច្បាស់នូវអរិយសច្ចៈទាំង៤ ព្រះពុទ្ធទ្រង់និមន្តទៅកាន់ក្រុងពារាណសីចូលទៅព្រៃឫស្សី ជាទីស្នាក់អាស្រ័យនៃពួកតាបសមានគ្នា៥រូប តាបសទាំងឡាយនោះគ្រាន់តែបានឃើញព្រះពុទ្ធទ្រង់យាងមកពីចម្ងាយក៏ជំនុំប្រាប់គ្នាថា យើងទាំងឡាយចូរកុំធ្វើគារវៈបង្គំព្រះសិទ្ធត្ថ ដែលអស់សេចក្តីព្យាយាមរលីងហើយនោះឱ្យសោះ ។ តែដោយអំណាចនៃបុណ្យបារមីរបស់ព្រះអង្គ…
យោងតាមឯកសារព្រះពុទ្ធសាសនាបានបញ្ជាក់ថា ក្រោយត្រាស់ដឹងធម៌ យល់ច្បាស់នូវអរិយសច្ចៈទាំង៤ ព្រះពុទ្ធទ្រង់និមន្តទៅកាន់ក្រុងពារាណសីចូលទៅព្រៃឫស្សី ជាទីស្នាក់អាស្រ័យនៃពួកតាបសមានគ្នា៥រូប តាបសទាំងឡាយនោះគ្រាន់តែបានឃើញព្រះពុទ្ធទ្រង់យាងមកពីចម្ងាយក៏ជំនុំប្រាប់គ្នាថា យើងទាំងឡាយចូរកុំធ្វើគារវៈបង្គំព្រះសិទ្ធត្ថ ដែលអស់សេចក្តីព្យាយាមរលីងហើយនោះឱ្យសោះ ។
តែដោយអំណាចនៃបុណ្យបារមីរបស់ព្រះអង្គ នៅពេលដែលព្រះពុទ្ធទ្រង់យាងមកដល់ស្រាប់តែពួកតាបសទាំងប្រាំរូបនោះបែរជាក្រាបបង្គំនិមន្តព្រះតថាគតដោយជ្រះថ្លាក្រៃលែងទៅវិញ។ ព្រះអង្គទ្រង់សន្តោសប្រោសទេសនាព្រះធម៌ ដែលហៅថាបឋមទេសនាប្រោសដល់តាបសទាំងនោះឱ្យបានសម្រេចអរហត្តផលក្នុងគ្រានោះឯង ហើយបានក្លាយជាឯហិភិក្ខុដោយស្វ័យប្រវត្តិ។
តាំងពីពេលនោះមកមានកុលបុត្រជាច្រើនបានចូលមកបួសរៀនក្នុងសំណាក់ព្រះអង្គជាបន្តបន្ទាប់ និងបានសម្រេចមគ្គផលទៅតាមឧបនិស្ស័យរៀងៗខ្លួន ហើយព្រះពុទ្ធសាសនាក៏បានរីកចម្រើនពីមួយជំនាន់ទៅមួយជំនាន់រហូតដល់បច្ចុប្បន្ន ៕ សាន សារិន
ចែករំលែកព័តមាននេះ