គួរឲ្យអនិច្ចា! បិទខ្ទប់ហើយ ទុកសំរាមអោយហិតទៀត!
- ភ្នំពេញ
រាជធានីភ្នំពេញ៖ ប្រជាពលរដ្ឋ នៅជុំវិញផ្សារ ហ្គ្រេន ជម្ពូវ័ន បានទទួចសុំអោយអាជ្ញាធរមូលដ្ឋាន ក៏ដូច ក្រុមហ៊ុន ស៊ីនទ្រី ដែលមានភារកិច្ចប្រមូលសំរាម…
រាជធានីភ្នំពេញ៖ ប្រជាពលរដ្ឋ នៅជុំវិញផ្សារ ហ្គ្រេន ជម្ពូវ័ន បានទទួចសុំអោយអាជ្ញាធរមូលដ្ឋាន ក៏ដូច ក្រុមហ៊ុន ស៊ីនទ្រី ដែលមានភារកិច្ចប្រមូលសំរាម មេត្តាទៅប្រមូលសំរាមផង ព្រោះសំរាមបានគរ នៅមុខផ្ទះពួកគាត់ ស្ទើរតែលិចផ្ទះបាត់ទៅហើយ។
ប្រជាពលរដ្ឋ បានអោយដឹងថា នៅក្នុងភូមិជម្ពូវ័ន២ សង្កាត់ចោមចៅទី៣ ខណ្ឌ ពោធិ៍សែនជ័យ ជាតំបន់បិទខ្ទប់ ដែលស្ថិតនៅខាងលិចរោងចក្រ QMI រយៈពេលប្រមាណជាងកន្លះខែមកហើយ គេពុំដែលឃើញរថយន្តស៊ីនទ្រី ចុះទៅប្រមូលសំរាមនោះទេ ដោយទុកឡើងគរដូចកូនភ្នំ នៅកណ្តាលទីក្រុងទៅហើយ។
បើយើងធ្វើដំណើរ ឆ្លងកាត់រនាំងដែកបិទខ្ទប់ខាងលិច ផ្សារហ្គ្រនជម្ពូវ័ន គេឃើញថា នៅលើដងផ្លូវទាំងសងខាង គឺសុទ្ធតែគំនរសំរាម នៅគ្រប់មុខផ្ទះទាំងអស់ ដែលគំនរសំរាមទាំងនោះ បានគរហៀរពេញផ្លូវ ស្ទើរជិតមុខផ្ទះប្រជាពលរដ្ឋ នៅតំបន់នោះ ហើយកន្លែងខ្លះ សឹងតែធ្វើចរាចរណ៍លែងកើត។
ប្រជាពលរដ្ឋ ក៏បានអោយដឹងថា កន្លងមក ពួកគាត់ក៏បានសំណូមពរទៅអាជ្ញាធរ និងខ្លះទៀត ក៏បានថតបង្ហោះ តាមបណ្តាញសង្គមដែរ តែគ្មានអាជ្ញាធរណាអើពើ និងគិតគូរពីបរិស្ថានឡើយ។
ប្រជាពលរដ្ឋ ក៏បានអោយដឹងទៀតថា ចាប់តាំងពីថ្ងៃទី០៨ ខែមិថុនា ឆ្នាំ២០២១ ភូមិរបស់គាត់ ត្រូវបានរដ្ឋបាលរាជធានីភ្នំពេញ បានកំណត់ជាតំបន់«លឿងទុំ» ហើយបិទខ្ទប់។ តាំងពីមុនពេលបិទខ្ទប់ គេពុំឃើញរថយន្តស៊ីនទ្រី ទៅយកសំរាមនោះទេ គឺទុកគរ ក្លិនស្អុយអាសោច។
គួរបញ្ជាក់ថា តំបន់បិទខ្ទប់ជុំវិញរោងចក្រ QMI នៅខាងភូមិត្រពាំងពោធិ៍ ត្រូវបានរថយន្តក្រុមហ៊ុន ស៊ីនទ្រី បានចូលទៅប្រមូលសំរាមអស់ៗ។ ដោយឡែក នៅផ្នែកខាងលិច ក្នុងភូមិជម្ពូវ័ន២ ជុំវិញ ផ្សារហ្គ្រនជម្ពូវ័ន ពុំត្រូវរថយន្តស៊ីនទ្រី ទៅប្រមូលសំរាមឡើយ ដោយទុកគរពេញដងផ្លូវ ហាក់ដូចជាសម្រាប់តាំងពិព័រណ៌ បង្អូតគេឯង នៅក្នុងតំបន់បិទខ្ទប់៕ ម៉េង ធា
ចែករំលែកព័តមាននេះ