ខេត្តសៀមរាប ៖ នារីមានជំងឺប្រចាំកាយម្នាក់បានព្យាយាមរកការផ្តាច់ជីវិតរហូតទាល់បានសម្រេច ដោយលើកនេះប្រើថ្នាំសម្លា.ប់សត្វក្តាម. ខ្យងលេបដែលហេតុការនេះ កើតឡើងកាលពីម៉ោង៦និង៣០នាទីព្រឹកថ្ងៃទី១៧ ខែមិថុនា ឆ្នាំ ២០២១ ស្ថិត…
ខេត្តសៀមរាប ៖ នារីមានជំងឺប្រចាំកាយម្នាក់បានព្យាយាមរកការផ្តាច់ជីវិតរហូតទាល់បានសម្រេច ដោយលើកនេះប្រើថ្នាំសម្លា.ប់សត្វក្តាម. ខ្យងលេបដែលហេតុការនេះ កើតឡើងកាលពីម៉ោង៦និង៣០នាទីព្រឹកថ្ងៃទី១៧ ខែមិថុនា ឆ្នាំ ២០២១ ស្ថិត នៅភូមិមុខប៉ែន ឃុំមុខប៉ែន ស្រុកពួក ខេត្តសៀមរាប ។ បន្ទាប់ពិនិត្យរួចដឹងថា មិនមានជាប់ពាក់ព័ន្ធជំងឺរាតត្បាតដ៏កាចសាហាវកូវីដ១៩នោះ ទើបសមត្ថកិច្ចបានប្រគល់សពជូនទៅក្រុមគ្រួសារ ដើម្បីធ្វើបុណ្យតាមប្រពៃណី ។
នារីនោះឈ្មោះ ជេត តឿ អាយុ៣៣ឆ្នាំ រស់នៅភូមិមុខប៉ែន ឃុំមុខប៉ែន ស្រុកពួក ខេត្តសៀមរាប ។ បើតាមសាចញាតិជនរងគ្រោះបានឲ្យដឹងថា ប្រវត្តិនាង តឿ មានជំងឺដុំគីសដៃស្បូន និងធ្លាប់វះកាត់នៅក្នុងខែមេសាឆ្នាំ២០២១ បន្ទាប់ពីវះកាត់រួចជនរងគ្រោះ(សព) មានអាការៈឆេវឆាវខឹងច្រើន និងតែងតែរាំច្រៀងលេងម្នាក់ឯងជាប្រចាំ ។ មិនតែប៉ុណ្ណោះ នាងមានជំនឿមួយបែបផ្លូវងងឹត គឺបានរៀបចំអាសនៈនៅក្នុងផ្ទះ ហើយតែងតែគោរពតាមបែបជំនឿនោះជាប្រចាំ ។
ប៉ុន្តែជនរងគ្រោះនៅតែមានអារម្មណ៍ និងព្យាយាមចង់សម្លា.ប់ខ្លួន ព្រោះជំងឺប្រចាំកាយរបស់នាងមិនស្រាកស្រាន្ត ដោយប្រើប្រាស់ថ្នាំរបេងជាប់ជារៀងរាល់ថ្ងៃ ។ សាច់ញាតិបន្តថា ជាក់ស្ដែងនៅថ្ងៃទី១៦ ខែមិថុនា ជនរងគ្រោះបានផឹកថ្នាំសម្លា.ប់សត្វក្តាម. ខ្យងប៉ងសម្លា.ប់ខ្លួនតែមិនស្លាប់ ដោយបានបងប្អូនជួយសង្គ្រោះទាន់ពេលវេលា ខណៈពេលនោះ ក្អួតចេញថ្នាំមកវិញទាំងអស់ លុះបានធូរស្រាលហើយ ក្រុមគ្រួសារក៏មិនយកនាងទៅពេទ្យដែរ ។
នៅថ្ងៃទី១៧ ខែមិថុនា វេលាម៉ោង៦ និង៣០នាទីព្រឹក ជនរងគ្រោះបានលេបថ្នាំប្រចាំកាយ (ថ្នាំរបេង) ក៏មានអាការៈមិនស្រួលខ្លួន ហើយក៏ប្រកាច់ស្តូកស្តឹងម្តងទៀត ឃើញដូច្នោះបងប្អូននិងសាច់ញាតិ បានយកនាងទៅសង្គ្រោះនៅមន្ទីពេទ្យបង្អែកពួក ប៉ុន្តែដោយសារជនរងគ្រោះមានសភាពធ្ងន់ពេក ទើបត្រូវបញ្ជូនបន្តទៅពេទ្យបង្អែកខេត្តសៀមរាប លុះពេលទៅដល់មន្ទីរពេទ្យ ជនរងគ្រោះក៏ដាច់ខ្យល់ស្លាប់បាត់បង់ជីវិតតែម្តងទៅ ។
ក្រោយពីទទួលបានព័ត៌មាននេះ សមត្ថកិច្ច ក៏បានហាមឃាត់បងប្អូនមិនឲ្យចូលទៅប៉ះពាល់សាកសពទេ ដោយរង់ចាំក្រុមគ្រូពេទ្យប្រឆាំងកូវីដ.១៩ ចុះទៅយកសំណាកពិនិត្យជាមុនសិន ហើយក្រុមគ្រូពេទ្យប្រឆាំងជម្ងឺកូវី.១៩ ក៏បានទៅដល់ និងបានយកសំណាកសាកសពពិនិត្យឃើញថា (អវិជ្ជមាន) ។
ចែករំលែកព័តមាននេះ