ត្រឹម១០ថ្ងៃស្លា.ប់ដោយកូវីដជាង៩០នាក់ ច្រើនជាងគ្រោះថ្នាក់ចរាចរណ៍ប្រមាណជា៣៤%
- ភ្នំពេញ
រាជធានីភ្នំពេញ ៖ រយៈពេល ១០ ថ្ងៃដើមខែ មិថុនា ឆ្នាំ២០២១ កម្ពុជាមានអ្នកជំងឺស្លាប់ដោយកូវីដ-១៩ ជារៀងរាល់ថ្ងៃសរុប ៩១…
រាជធានីភ្នំពេញ ៖ រយៈពេល ១០ ថ្ងៃដើមខែ មិថុនា ឆ្នាំ២០២១ កម្ពុជាមានអ្នកជំងឺស្លាប់ដោយកូវីដ-១៩ ជារៀងរាល់ថ្ងៃសរុប ៩១…
រាជធានីភ្នំពេញ ៖ រយៈពេល ១០ ថ្ងៃដើមខែ មិថុនា ឆ្នាំ២០២១ កម្ពុជាមានអ្នកជំងឺស្លាប់ដោយកូវីដ-១៩ ជារៀងរាល់ថ្ងៃសរុប ៩១ នាក់ដែលជាចំនួនខ្ពស់គួរឱ្យកត់សម្គាល់ និងច្រើនជាងចំនួនអ្នកស្លាប់ដោយគ្រោះថ្នាក់ចរាចរណ៍ប្រមាណ ៣៤% ។
ខណៈតួលេខនៃការឆ្លងកូវីដ-១៩ ជារៀងរាល់ថ្ងៃមិនទាន់មានសញ្ញាថមថយក្តី នៅក្នុងកំរិត ៤០០ ទៅជាង ៦០០ នាក់ក្នុងមួយថ្ងៃ និងចំនួនអ្នកជំងឺបានបាត់បង់ជីវិតកើតមានជារៀងរាល់ថ្ងៃក្តី ហើយមានខេត្ត-ក្រុងមួយចំនួនកូវីដ កំពុងរាលដាលខ្លាំង ដូចជានៅខេត្តសៀមរាប ដែលឈានដល់ការកំណត់តំបន់ខ្លះជាតំបន់ក្រហមក្តី គេសង្កេតឃើញពលរដ្ឋមួយចំនួនហាក់ភ្លេចខ្លួន ដោយខ្លះលួចបន្តជួបជុំគ្នាផឹកស៊ី ដែលត្រូវបានអាជ្ញាធរបង្ក្រាបបានជាបន្តបន្ទាប់ និងបងប្អូនខ្លះហាក់ចាត់ទុកជំងឺកូវីដ ជារឿងធម្មតាទៅវិញ ។
យោងតាមរបាយការណ៍របស់ក្រសួងសុខាភិបាលចេញផ្សាយជាប្រចាំថ្ងៃបានបង្ហាញថា ចាប់ពីថ្ងៃទី ១ រហូតដល់ថ្ងៃទី ១០ ខែមិថុនា មានអ្នកជំងឺស្លា.ប់ដោយកូវីដ-១៩ ទាបបំផុត ៣នាក់ ក្នុងមួយថ្ងៃ (០៦ មិថុនា) និងខ្ពស់បំផុត ១២ នាក់ក្នុងមួយថ្ងៃ (០៧ មិថុនា) ។ ដូច្នេះរយៈពេល ១០ ថ្ងៃដើមខែមិថុនា មានអ្នកជំងឺទទួលមរណភាពដោយកូវីដ-១៩ សរុប ៩១ នាក់ ខណៈតួលេខនៃគ្រោះថ្នាក់ចរាចរណ៍ចេញផ្សាយជាប្រចាំថ្ងៃរបស់នាយកដ្ឋាននគរបាលចរាចរណ៍និងសណ្តាប់ធ្នាប់សាធារណៈ គឺ ១០ ថ្ងៃដើមខែមិថុនា មានអ្នកស្លា.ប់ដោយគ្រោះថ្នាក់ចរាចរណ៍ ៣១នាក់ (ជាធម្យមមានអ្នកស្លា.ប់ ដោយគ្រោះថ្នាក់ចរាចរណ៍ ៣នាក់ក្នុងមួយថ្ងៃ) ។
សម្រាប់ស្ថានភាពកូវីដ-១៩ នៅកម្ពុជាក្នុងរយៈពេល ១០ ថ្ងៃដើមខែនេះ គឺមានអ្នកឆ្លងសរុប ៦,៦១១ នាក់ (ក្នុងនោះករណីនាំចូលមានចំនួន ៣៦៣ នាក់) ។ យ៉ាងណាមិញ បើយើងក្រឡេកមើលតួលេខអ្នកជំងឺកូវីដ-១៩ ទទួលបានការព្យាបាលជាសះស្បើយក៏មានចំនួនច្រើនគួរឱ្យកត់សម្គាល់ផងដែរ គឺរយៈពេល ១០ ថ្ងៃ អ្នកជំងឺសរុបដល់ទៅ ៧,២២៨ នាក់ត្រូវបានព្យាបាលជាសះស្បើយពីជំងឺកូវីដ-១៩ ។
នាយកដ្ឋានប្រយុទ្ធនឹងជំងឺឆ្លងនៃក្រសួងសុខាភិបាល ហៅកាត់ថា CDC បានបន្តដាស់តឿនពលរដ្ឋជារៀងរាល់ថ្ងៃថា ហៅកាត់ថា CDC «ជំងឺកូវីដ-១៩ នៅតែបន្តគម្រាមកំហែងយើងជាប់ជានិច្ច សូមបងប្អូនបន្តប្រយ័ត្នជាប់ជានិច្ច ដោយអនុវត្តអនាម័យ នៅឃ្លាតឆ្ងាយពីគ្នា មិនចេញក្រៅផ្ទះបើមិនចាំបាច់ ប្រទេសយើងកំពុងរាត្បាតក្នុងសហគមន៍ហើយ និងប្រទេសជិតខាងយើងនិងពិភពលោកកំពុងបន្តរាតត្បាតជំងឺកូវីដ១៩ ដ៏ខ្លាំងក្លានៅឡើយដែរ » ។
CDC បានបន្តថា «ដូច្នេះយើងត្រូវបន្តគម្លាតបុគ្គលបន្តទៀត ដូចជាអង្គុយគម្លាតពីគ្នា ឈររងចាំគម្លាតពីគ្នា ឈរជជែកគ្នាគម្លាតពីគ្នា ។ ល។ យើងត្រូវបន្តពាក់ម៉ាស់ជាប់ជានិច្ច និងឧស្សាហ៍លាងដៃជាមួយសាប៊ូ អាល់កុល ឬជែល ។
សូមបញ្ជាក់ថា ប្រទេសកម្ពុជាបានរកឃើញករណីជំងឺកូវីដ១៩ដំបូងបំផុតនៅថ្ងៃទី ២៧ មករា ២០២០ និងមកដលពេលនេះកម្ពុជាមានចំនួនអ្នកឆ្លងសរុបបានហក់ឡើងដល់ ៣៧, ៣២១នាក់ និងអ្នកជំងឺទទួលមរណភាពសរុប ៣១១នាក់ ខណៈតួលេខនៃអ្នកជំងឺជាសះស្បើយមានចំនួនសរុបដល់ ៣០, ៦១៧នាក់ ។
CDC បានឱ្យដឹងបន្តថា កម្ពុជាមកដល់ថ្ងៃនេះ គឺបានធ្វើតេស្តចំនួន 1222011 ស្មើនឹង 72738 ក្នុង១លាន នាក់ ។ ពត៌មានបន្ថែមសូមទាក់ទងលេខ 115 ៕
ចែករំលែកព័តមាននេះ