លោក ឃួង ស្រេង ៖ ការចាក់វ៉ាក់សាំងការពារជំងឺកូវីដ-១៩ នឹងបញ្ចប់នៅថ្ងៃទី៨ កក្កដា ខាងមុខនេះ
- ភ្នំពេញ
រាជធានីភ្នំពេញ ៖ ក្នុងកិច្ចប្រជុំតាមរយៈ Video conference ជាមួយក្រសួងការងារនិងបណ្ដុះបណ្ដាលវិជ្ជាជីវៈ ក្រសួងសុខាភិបាល
រាជធានីភ្នំពេញ ៖ ក្នុងកិច្ចប្រជុំតាមរយៈ Video conference ជាមួយក្រសួងការងារនិងបណ្ដុះបណ្ដាលវិជ្ជាជីវៈ ក្រសួងសុខាភិបាល
រាជធានីភ្នំពេញ ៖ ក្នុងកិច្ចប្រជុំតាមរយៈ Video conference ជាមួយក្រសួងការងារនិងបណ្ដុះបណ្ដាលវិជ្ជាជីវៈ ក្រសួងសុខាភិបាលនិងអាជ្ញាធរខណ្ឌទាំង១៤ចំណុះឲ្យរដ្ឋបាលរាជធានីភ្នំពេញ កាលពីល្ងាចថ្ងៃទី៨ ខែមិថុនា កន្លងទៅនេះ លោកឃួង ស្រេង អភិបាលរាជធានីភ្នំពេញ បានមានប្រសាសន៍បញ្ជាក់ឱ្យដឹងថា នៅរាជធានីភ្នំពេញ នឹងបញ្ចប់ការចាក់វ៉ាក់សាំងការពារជំងឺកូវីដ-១៩ នៅថ្ងៃទី៨ ខែកក្កដាខាងមុខនេះ ខណៈដែលការចាក់ជូនប្រជាពលរដ្ឋដែលមានអាយុចាប់ពី១៨ឆ្នាំឡើង បានចំនួន១១ខណ្ឌហើយ ក្នុងចំណោមខណ្ឌទាំង១៤ ដោយខណ្ឌខ្លះបានចាក់រួចរាល់និងខណ្ឌខ្លះទៀត កំពុងដំណើរការចាក់យ៉ាងមមាញឹកពីសំណាក់ក្រុមគ្រូពេទ្យ សហការជាមួយអាជ្ញាធរដែនដី។
លោកអភិបាលរាជធានីបានបន្តថា សម្រាប់រាជធានីភ្នំពេញ នឹងបញ្ចប់ការចាក់វ៉ាក់សាំងការពារជំងឺកូវីដ-១៩ នៅត្រឹមថ្ងៃទី៨ ខែកក្កដាខាងមុខនេះហើយ បន្ទាប់ពីនេះ ក្រោមការណែនាំរបស់សម្តេចអគ្គមហាសេនាបតីតេជោហ៊ុន សែន នាយករដ្ឋកម្ពុជា និងបន្តយកវ៉ាក់សាំងនេះទៅចាក់ជូនប្រជាពលរដ្ឋនៅតាមបណ្តាខេត្តផ្សេងៗទៀត សំដៅធ្វើយ៉ាងណាដើម្បីឱ្យប្រជាពលរដ្ឋកម្ពុជាទាំងអស់គេចផុតបាននូវការឆ្លងរីករាលដាលនៃជម្ងឺកូវីដ-១៩ដ៏កាចសាហាវនេះ។
សូមបញ្ជាក់ថា គិតត្រឹមថ្ងៃទី៨ មិថុនា ឆ្នាំ២០២១នេះ ប្រជាពលរដ្ឋនៅរាជធានីភ្នំពេញបានចាក់វ៉ាក់សាំងការពារជំងឺកូវីដ.១៩បានជាង១លាន៥សែននាក់រួចហើយ៕
ចែករំលែកព័តមាននេះ