អ្នករុករានដីសហគមន៍ភ្នំពោន ត្រូវបានឃាត់ខ្លួន ២នាក់ និង ១៧នាក់ ត្រូវធ្វើកិច្ចសន្យា
- កំពត
កែប៖ ពលរដ្ឋ ២នាក់ ម្នាក់ ឈ្មោះ អេង ឃុយ អាយុ ៤៩ឆ្នាំ និងពលរដ្ឋម្នាក់ទៀត…
កែប៖ ពលរដ្ឋ ២នាក់ ម្នាក់ ឈ្មោះ អេង ឃុយ អាយុ ៤៩ឆ្នាំ និងពលរដ្ឋម្នាក់ទៀត…
កែប៖ ពលរដ្ឋ ២នាក់ ម្នាក់ ឈ្មោះ អេង ឃុយ អាយុ ៤៩ឆ្នាំ និងពលរដ្ឋម្នាក់ទៀត ឈ្មោះ សូរ ផល អាយុ ៤៨ឆ្នាំ នៅភូមិភ្នំលាវ ឃុំពងទឹក ស្រុកដំណាក់ចង្អើរ ខេត្តកែប ត្រូវបាននគរបាលនៃស្នងការដ្ឋានខេត្តកែប បានបញ្ជូនទៅតុលាការខេត្តកំពត កាលពីវេលាម៉ោង ១០ព្រឹក ថ្ងៃទី៦ ខែមិថុនា ឆ្នាំ២០២១។
លោកវរសេនីត្រីយ៍ ង៉ែត ទូច ស្នងការរង ទទួលផែនការិយាល័យនគរបាលសេដ្ឋកិច្ច ខេត្តកែប បានប្រាប់អោយដឹង កាលពីព្រឹកថ្ងៃទី៦មិថុនាថា ពលរដ្ឋចំនួន ១៩នាក់ ត្រូវបានឃាត់ កាលពីព្រឹកថ្ងៃទី៤មិថុនា ក្នុងនោះ មានត្រាក់ទ័រមួយគ្រឿងផង ពាក់ព័ន្ធឈូសឆាយ និងកាប់ឆ្ការដីព្រៃសហគមន៍ភ្នំពោន ក្នុងស្រុកដំណាក់ចង្អើរ។
លោក ង៉ែត ទូច បានបន្តថា ការឃាត់ខ្លួនមនុស្សជាច្រើននាក់ ដែលបានកាប់ព្រៃលើភ្នំពោននេះ ក៏មានរដ្ឋបាលព្រៃឈើខេត្តកែប ចូលរួមផងដែរ។ បន្ទាប់ពីឃាត់ខ្លួន នគរបាល ក៏បានសួរនាំអ្នកពាក់ព័ន្ធ ឃើញថា មនុស្សចំនួន ១៧នាក់ ជាអ្នកស៊ីឈ្នួលកាប់ឆ្ការព្រៃ ត្រូវបានធ្វើកិច្ចសន្យា និងអោយត្រឡប់ទៅផ្ទះវិញ។ ចំណែកឯមនុស្ស ២នាក់ទៀត ត្រូវនគរបាលសហការជាមួយរដ្ឋបាលព្រៃឈើ កសាងសុំណុំរឿង បញ្ជូនទៅកាន់តុលាការ ខេត្តកំពត កាលពីព្រឹកថ្ងៃអាទិត្យ ទី៦ ខែមិថុនានេះ។
លោក វង្ស សុផល នាយខណ្ឌរដ្ឋបាលព្រៃឈើខេត្តកែប បានអោយដឹងកាលពីព្រឹកថ្ងៃទី៦ ខែមិថុនាថា មុននឹងឈានទៅដល់ការឃាត់អ្នករុករានដីសហគមន៍ នៅភ្នំពោននេះ អាជ្ញាធរជំនាញរដ្ឋបាលព្រៃឈើ បានជួនដំណឹងជាផ្លូវការរបស់មន្ទីរកសិកម្ម រុក្ខាប្រមាញ់ និងនេសាទ ខេត្តកែប ជាច្រើនដង អោយអ្នកកាប់រុករានទន្ទ្រានយកដីព្រៃនោះ ផ្អាកធ្វើសកម្មភាព។ ប៉ុន្តែការជូនដំណឹងរបស់អាជ្ញាធរខេត្ត ហាក់ដូចមិនមានប្រសិទ្ធភាព ទើបមានការឃាត់ខ្លួនបែបនេះ៕ កែវ ឆាត
ចែករំលែកព័តមាននេះ