វីដេអូ TikTok មួយបានបង្ហាញថា នំសូកូឡាដែលមានយីហោ Snickers ត្រូវបានផលិតនៅក្នុងប្រទេសចិន កំពុងធ្វើអោយប្រជាជនអូស្ត្រាលី នាំគ្នាប្តេជ្ញាថានឹងឈប់ទិញចំពោះនំយីហោមួយប្រភេទនេះហើយ នេះបើយោងតាម dailymail…
វីដេអូ TikTok មួយបានបង្ហាញថា នំសូកូឡាដែលមានយីហោ Snickers ត្រូវបានផលិតនៅក្នុងប្រទេសចិន កំពុងធ្វើអោយប្រជាជនអូស្ត្រាលី នាំគ្នាប្តេជ្ញាថានឹងឈប់ទិញចំពោះនំយីហោមួយប្រភេទនេះហើយ នេះបើយោងតាម dailymail ចេញផ្សាយនៅថ្ងៃទី៣១ ឧសភា ២០២១ ។
វីដេអូឃ្លីបនេះ ត្រូវបានបញ្ចូលទៅក្នុងបណ្តាញទំនាក់ទំនងសង្គម TikTok ដោយគណនីមួយឈ្មោះ Jeremy Toh បន្ទាប់ពីគាត់បានរកឃើញនៅពេលកំពុងដើរទិញឥវ៉ាន់នៅ Woolworths កាលពីថ្ងៃអាទិត្យ ទី៣០ ឧសភា ។
រូបភាពបង្ហាញពីសូកូឡា ជាច្រើនប្រភេទ ដែលដាក់លើធ្នើនៅផ្សារទំនើប ដែលកាមេរ៉ាថត ចាប់យករូបភាពពី Snickers មួយប្រអប់ ។
សំឡេងពោលឡើង តើអ្នកដឹងទេថា Snickers របស់អ្នកលែងត្រូវបានគេផលិតនៅក្នុងប្រទេសអូស្ត្រាលីទៀតហើយ ?
គាត់បានចាប់យកសូកូឡា មុនពេលបើកវា ហើយតម្រង់កាមេរ៉ានៅកន្លែងវេចខ្ចប់ ដែលវាត្រូវបានបង្ហាញថា Snickers ត្រូវបានផលិតនៅក្នុងប្រទេសចិន ។
អ្នកនាំពាក្យរបស់ក្រុមហ៊ុន Mars Wrigley ដែលផលិតនំជាច្រើនប្រភេទ ក្នុងនោះមានម៉ាក Snickers បាននិយាយថា ក្រុមហ៊ុនត្រូវតែរកប្រភពផលិតផលនេះពីប្រទេសចិនជាបណ្តោះអាសន្ន ពោលគឺការផ្លាស់ប្តូរនេះ មិនមានជាអចិន្ត្រៃយ៍ទេ ខណៈដែលទីតាំងរបស់ផលិតនៅឯ Ballarat ក្នុងរដ្ឋ Victoria ក្នុងអូស្ត្រាលី កំពុងតំឡើង ដែលមានទឹកប្រាក់រាប់លានដុល្លារ ។
អ្នកនាំពាក្យក៏បាននិយាយបន្តថា រោងចក្រអូស្ត្រាលី នឹងចាប់ផ្តើមផលិតនំ នៅឆ្នាំក្រោយ ហើយផលិតផលដែលផលិតនៅក្នុងស្រុកនឹងឈានដល់ទីផ្សារទំនើប នៅឆ្នាំក្រោយ ផងដែរ ។
វីដេអូ TikTok បានធ្វើឲ្យផ្ទុះកំហឹងរួចទៅហើយ ដោយប្រជាជនអូស្ត្រាលីជាច្រើន បានប្រកាសថា ពួកគេធ្វើពហិការនឹងលែងទិញនំសូកូឡាមួយនេះទៀតហើយ ។ មនុស្សម្នាក់បាននិយាយថា “មិនមាន Snickers សម្រាប់ខ្ញុំទៀតទេ” ៕
ចែករំលែកព័តមាននេះ