ក្នុងការសន្សំប្រាក់ វាពិតជាមានវិធីសាស្ត្រជាច្រើន សម្រាប់ជួយឱ្យយើងម្នាក់ៗសន្សំប្រាក់យ៉ាងមានប្រសិទ្ធភាព ស្របពេលជាមួយគ្នាដែរ គ្រាន់តែមានចំណេះដឹងផ្នែកសន្សំប្រាក់មិនគ្រប់គ្រាន់នោះទេ វាពឹងលើការប្តេជ្ញាចិត្តរបស់មនុស្សម្នាក់ៗថែមទៀតផង ព្រោះការប្តេជ្ញាចិត្តគឺជាជំហានដំបូងដែលអ្នកអាចឈានទៅរកការសន្សំប្រាក់ដោយប្រសិទ្ធភាព ។ ជារឿយៗយើងតែងតែលើក យកវិធីសាស្ត្រក៏ដូចជាគន្លឹះផ្សេងៗមកចែករំលែកដល់អ្នកអាន ដែលកំពុងស្វែងរកគន្លឹះដើម្បីសន្សំប្រាក់ឱ្យមានប្រសិទ្ធភាព ដូចនេះអត្ថបទខាងក្រោមនេះ គឺជាការចែករំលែកពីការគណនាប្រាក់សន្សំតាមប្រព័ន្ធអនឡាញវិញម្តង ។
តោះ ! មកស្វែងយល់ទាំងអស់គ្នា ៖
តើអ្នកដឹងទេថា ហេតុអ្វីយើងត្រូវប្រើវិធីសាស្ត្រគណនាប្រាក់សន្សំតាមអនឡាញ ឬអុីនធើណេត ? ពីព្រោះវាអាចជួយអ្នក បង្កើតផែនការសន្សំ ដើម្បីធ្វើឱ្យគោលដៅរបស់អ្នកក្លាយជាការពិត ។ នៅពេលអ្នកធ្វើការគណនាប្រាក់សន្សំតាមអុីនធើណេត វាមិនត្រឹមតែជួយ និងតាមដានហិរញ្ញវត្ថុរបស់អ្នកនោះទេ តែវាក៏ជួយអ្នកឱ្យដឹងអំពីការកើនឡើងនៃការប្រាក់ ដែលបានមកពីប្រាក់ដើមផងដែរ ។ ដូចនេះ វិធីសាស្ត្រនេះពិតជាប្លែកសម្រាប់លោកអ្នកបន្តិច ប៉ុន្តែយើងក៏គួររៀនខ្លះដែរ ពីព្រោះបច្ចុប្បន្នមានតែបច្ចេកវិទ្យាទើបអាចជួយយើងបាន ឱ្យដឹងនូវអ្វីៗសឹងតែគ្រប់យ៉ាងបានដោយមិនចាំបាច់ទៅជួបនរណាម្នាក់ ដើម្បីសួរនាំនោះទេ។
ទី ១- ការគណនាប្រាក់តាមអនឡាញ ជួយអ្នកបង្កើតផែនការសន្សំប្រចាំខែ ៖
អ្នកគណនាប្រាក់សន្សំតាមអុីនធឺរណែត នឹងអាចជួយអ្នកឱ្យកំណត់ចំនួនប្រាក់សន្សំប៉ុន្មានជារៀងរាល់ខែ និងត្រូវប្រើរយៈពេលប៉ុន្មាន ដើម្បីឈានដល់គោលដៅសន្សំដែលអ្នកចង់បាន ។ ដើម្បីប្រើម៉ាស៊ីនគិតលេខតាមអនឡាញនេះ នៃប្រាក់សន្សំប្រកប ដោយប្រសិទ្ធភាព អ្នកត្រូវដឹងតិចនិកទាំងនេះ ៖ ការសន្សំដំបូងរបស់អ្នក (ប្រសិនបើអ្នកជាមនុស្ស ទើបចង់ចាប់ផ្តើមសន្សំប្រាក់ដំបូងនោះនៅក្នុងការគណនា អ្នកនឹងដឹងថាអ្នកគួរចាប់ផ្តើមសន្សំប៉ុន្មានឱ្យស្របតាមលទ្ធភាពរបស់អ្នក) ។ ប្រសិនបើអ្នកដាក់ប្រាក់ចូលគណនី ដែលអ្នកមានស្រាប់(មានលុយខ្លះ) តើប្រាក់នោះបច្ចុប្បន្ន មានប៉ុន្មាន ? ដូចនេះជំហានបន្ត អាចឱ្យលោកអ្នកដឹង នូវបរិមាណលុយ ដែលអ្នកគ្រោងសន្សំរៀងរាល់ខែ និងគោលដៅបន្ទាប់សម្រាប់បន្តសន្សំនេះឯង ។ ឧទាហរណ៍ថា ប្រសិនបើអ្នកដាក់ប្រាក់សន្សំ ១០០ ដុល្លារ ក្នុងមួយខែ (ជាប្រចាំ) នោះអ្នកប្រើការគណនាលេខតាមអនឡាញ អ្នកនឹងមើលឃើញថា តើអ្នកនឹងទៅដល់គោលដៅលឿនប៉ុណ្ណា ។ ម្យ៉ាងទៀតសូមបន្ថែមគោលដៅរបស់អ្នកទ្វេដង ហើយមើលថាតើវានឹងចំណាយពេលយូរប៉ុណ្ណា ដើម្បីទៅដល់ទីនោះ ។
ទី ២- ការគណនាប្រាក់សន្សំតាមអនឡាញ នឹងបង្ហាញពីផលចំណេញនៃការប្រាក់ ៖
ប្រសិនបើប្រាក់របស់អ្នក ដាក់សន្សំនៅក្នុងគណនេយ្យសន្សំ នោះវានឹងអាចទទួលបានការប្រាក់ ។ ការគណនាប្រាក់សន្សំតាមអនឡាញ នឹងបង្ហាញថា ការប្រាក់ដែលអ្នកទទួលបានប៉ុន្មានលុយ នៃប្រាក់ដើមរបស់អ្នក ដូចនេះវាពិតជាមានឥទ្ធិពលយ៉ាងខ្លាំង ទៅលើចំណាប់អារម្មណ៍របស់អ្នក ឱ្យកាន់តែចូលចិត្តសន្សំច្រើនឡើងៗ ។ ឧទាហរណ៍ថាអ្នកដាក់ប្រាក់សន្សំក្នុងខែ ១០០ ដុល្លារ ក្នុងគណនីយសន្សំ ឬក្នុងគណនីយមានកាលកំណត់ ហើយអ្នកទទួលបានការប្រាក់ក្នុងមួយខែ ១០ ភាគរយ (ទៅតាមធនាគារដែលគេផ្តល់ឱ្យ) ចឹងការគណនាការប្រាក់សម្រាប់អ្នកវានឹងបង្ហាញ ។ ហើយសូមជម្រាបជូនផងដែរថា អត្រាការប្រាក់កាន់តែខ្ពស់ គឺត្រូវទុកប្រាក់សន្សំកាន់តែយូរ ប៉ុន្តែវាគឺជួយជំរុញទឹកចិត្តដល់ការសន្សំដើម្បីគោលដៅណាមួយរបស់អ្នក ។
ទី ៣- គណនាប្រាក់សន្សំតាមអនឡាញ វាជួយឱ្យអ្នកសម្រេចបាននូវគោលដៅធំៗ ៖
ការគណនាតាមអនឡាញ គឺនឹងបង្ហាញឱ្យអ្នកដឹងទំហំទឹកប្រាក់ រយៈពេល ប្រសិនជាអ្នកត្រូវការប្រាក់ទាំងនោះ ដើម្បីទិញរបស់ របរដែលមានតម្លៃ ដូចជាផ្ទះ ឡាន បង់ថ្លៃសាលា ឬធ្វើដំណើរកំសាន្តក្រៅប្រទេសជាដើម ។ ដូចនេះវានឹងបង្ហាញថា ក្តីសុបិន្តរបស់អ្នកនឹងអាចសម្រេចនៅពេលណា វានឹងបង្ហាញអ្នកអំពីយុទ្ធសាស្ត្រថា ត្រូវសន្សំប៉ុន្មានក្នុងមួយខែៗ ។ ឧទាហរណ៍ អ្នកសង្ឃឹមថា នឹងទិញផ្ទះក្នុងរយៈពេលប្រាំឆ្នាំខាងមុខ អ្នកអាចប្រើការគណនាប្រាក់សន្សំតាមអនឡាញនេះ ដើម្បីរកចំនួនទឹកប្រាក់ ដែលអ្នកគួរទុកមួយខែៗ ដើម្បីសន្សំប្រាក់ទិញផ្ទះនោះបានក្នុងរយៈពេល ៥ ឆ្នាំនឹង ៕ ប្រភព ៖ Discover
ចែករំលែកព័តមាននេះ