ADផ្ទាំងផ្សព្វផ្សាយពាណិជ្ជកម្ម

Picture

ការសន្និដ្ឋានរបស់ភាគីថៃ ស្ត្រី​​នេះអាចដើរ​ស្តាប់​កាស​​ត្រចៀក​ទើបអត់ឮសំឡេងរថ​ភ្លើង​មក

2 ឆ្នាំ មុន
  • បន្ទាយមានជ័យ

ខេត្ត​បន្ទាយ​មាន​ជ័យ​៖ ស.ព​ស្ត្រី​ម្នាក់​ត្រូវ​រថភ្លើង​បុក​ស្លា.ប់ ​ហើយ​មន្ត្រី​និង​សមត្ថកិច្ច​ថៃ​ថា​ជា​ជនជាតិ​ខ្មែរ​ ប៉ុន្តែ​មិន​ទាន់​ដឹង​មូល​ហេតុ​នៅឡើយ​ និង​សូម​ប្រកា​សរកសាច់ញាតិរបស់ជនរងគ្រោះ ​។​ ករណី​នេះ កើតឡើង​កាលពី​ព្រឹក​ថ្ងៃ​ទី​២១​ ឧសភា​ ស្ថិត​ក្នុងភូមិ​ហួយ​ដឿ​…

ខេត្ត​បន្ទាយ​មាន​ជ័យ​៖ ស.ព​ស្ត្រី​ម្នាក់​ត្រូវ​រថភ្លើង​បុក​ស្លា.ប់ ​ហើយ​មន្ត្រី​និង​សមត្ថកិច្ច​ថៃ​ថា​ជា​ជនជាតិ​ខ្មែរ​ ប៉ុន្តែ​មិន​ទាន់​ដឹង​មូល​ហេតុ​នៅឡើយ​ និង​សូម​ប្រកា​សរកសាច់ញាតិរបស់ជនរងគ្រោះ ​។​ ករណី​នេះ កើតឡើង​កាលពី​ព្រឹក​ថ្ងៃ​ទី​២១​ ឧសភា​ ស្ថិត​ក្នុងភូមិ​ហួយ​ដឿ​ ឃុំ​ផាក់​ខាក់ ​ស្រុក​វ៉ា​ត់​ថា​ណា​ណា​ក់​ខន​ ខេត្ត​ស្រះ​កែវ​ ។

​ជន​រង​គ្រោះ​មានឈ្មោះ​ហ៊ិ​ម ​វាសនា​ អាយុ​ប្រហែល​ជាង​៣០​ឆ្នាំ​ ដោយ​ជើង​ខាងស្តាំ​ត្រូ​រថភ្លើង​បុក​ជិត​ដាច់​ ហើយ​មាន​របួស​ពេញ​ខ្លួន​ខណៈដើរ​ស្លា.ប់​កណ្តាល​ទ្រូងផ្លូវ​រថភ្លើង ខាងកើត​ស្ថានីយ៍​រថភ្លើង​ហួយ​ដឿ​ប្រហែល​៥០០​ម៉ែត្រ​។ ​ក្រុម​ជំនាញ​ថៃ​ថា​ គ្មាន​ន​ណា​ម្នាក់​ដឹង​ពី​មូលហេតុ​នៃ​ហេតុការណ៍​គ្រោះថ្នាក់​របស់​ជន​រង​គ្រោះ​ទេ​ ព្រោះតែ​កន្លែង​កើតហេតុ​គ្មាន​មនុស្ស​រស់នៅ​ និង​គ្មាន​ទាំង​កាមេរ៉ា​សុ​វត្ថ​ភាព​ទៀត​ផង​។

ករណី​នេះ​គេ​សង្ស័យ​ថា​ មុន​កើតហេតុ​ជន​រង​គ្រោះ​ដាក់​កាសទូរស័ព្ទ​ និង​ត្រចៀក ​ទើប​មិន​ឮ​សម្លេង​រថភ្លើង​ដែល​បើកបរ​ស្រប​ទិស​ទៅ​ពីក្រោយ​និង​បណ្តាល​ឲ្យ​បុ.ក​ស្លា.ប់​តែ​ម្តង​។​ មូលហេតុ​ដែល​ភាគី​ថៃ​សង្ស័យ​ជន​រង​គ្រោះជា​ខ្មែរ​ ព្រោះតែ​នៅ​កន្លែង​កើតហេតុ​គេ​រក​ឃើញ​កាត​មួយ​សន្លឹក​មាន​អក្សរ​ខ្មែរ​និង​ឈ្មោះ​ខាងលើ​។​ ពេល​នេះ​ មន្ត្រី​ និង​សមត្ថកិច្ច​ថៃ​បាន​យក​សាកសព​ទៅ​ធ្វើការ​ត្រួត​ពិនិត្យ​និង​កោសល្យ​វិ​ច្ច័​យ​ក្នុងស្រុក​កើតហេតុ​មុន​មាន​សាច់ញាតិ​ទៅ​ទទួល​។

ជុំវិញ​ករណី​នេះ​កោះសន្តិភាព​ មិន​អាច​ទាក់ទង​លោក​នេ​ត​សារី​អ​គ្គៈ​កុងស៊ុល​ខ្មែរ​ប្រចាំ​ខេត្ត​ស្រះ​កែវ​ប្រទេស​ថៃ​ ដើម្បី​ធ្វើ​អត្ថា​ធិ​ប្បាយ​បាន​ទេ ​ព្រោះ​មិន​ស្គាល់​លេខ​ទូរស័ព្ទ​។ ​ដោយឡែក​ មន្ត្រី​ការិយាល័យ​ទំនាក់ទំនង​ព្រំដែន​កម្ពុជា​ថៃ​ប្រចាំ​ច្រក​ទ្វារ​អន្តរជាតិ​ប៉ោយ​ប៉ែ​ត​មួយ​រូប​ប្រាប់​តាម​ទូរស័ព្ទ​ថា​ ខាង​លោក​មិន​ទាន់​ទទួល​បាន​ព័​ត៍​មាន​ខាងលើ​ពី​ខាង​ភាគី​ថៃ​ឬ​ខាង​មន្ត្រី​ស្ថាន​កុងស៊ុល​ខ្មែរ​ប្រចាំ​ខេត្ត​ស្រះ​កែវ​នៅឡើយ​ដែរ​៕​ ដោយ៖ ​មុត​សា​រុន

អត្ថបទសរសេរ ដោយ