ថៃ ចាប់ពលករខ្មែរ ១២នាក់ មានទាំងកុមារ
- បន្ទាយមានជ័យ
បន្ទាយមានជ័យ៖ ពលករខ្មែរ ចំនួន ១២នាក់ ត្រូវបានកម្លាំងជួរមុខចម្រុះរបស់ថៃ បានឃាត់ខ្លួន នៅជិតបន្ទាត់ព្រំដែន ក្នុងភូមិទ័ពសៀម ឃុំ និងស្រុកតាប្រាយ៉ា…
បន្ទាយមានជ័យ៖ ពលករខ្មែរ ចំនួន ១២នាក់ ត្រូវបានកម្លាំងជួរមុខចម្រុះរបស់ថៃ បានឃាត់ខ្លួន នៅជិតបន្ទាត់ព្រំដែន ក្នុងភូមិទ័ពសៀម ឃុំ និងស្រុកតាប្រាយ៉ា ខេត្តស្រះកែវ កាលពីថ្ងៃទី២០ ខែឧសភា ឆ្នាំ២០២១។ ពលករទាំងនេះ មិនត្រូវបានគេស្គាល់អត្តសញ្ញាណទេ មានប្រុស ៥នាក់ និងកុមារ ២នាក់។ នេះបើយោងតាមការចុះផ្សាយរបស់គេហទំព័រ និងកាសែត ក្នុងស្រុកថៃ។
ប្រភពថា កាឃាត់ខ្លួនពលករទាំងនេះ គឺខណៈសមត្ថកិច្ចចម្រុះថៃ បានល្បាតតាមបន្ទាត់ព្រំដែន ក្នុងទឹកដីរបស់គេ ប្រទះឃើញក្រុមពលករ កំពុងដើរឆ្លងព្រំដែន ចេញពីកម្ពុជា។
ក្រោយឃាត់ខ្លួន សាកសួរ ក្រុមពលករប្រាប់ថា ពួកគេគ្រោងទៅស៊ីឈ្នួល ធ្វើចំការដំឡូងមី ឲ្យថៅកែថៃនៅខេត្តនគររាជសីមា។ ពលករទាំងនេះ ត្រូវបានគេយកទៅកាន់បន្ទាយតម្រួតជាយដែន (តឆដ3) ក្នុងស្រុកកើតហេតុ ដើម្បីត្រួតពិនិត្យសុខភាព តាមវិធានការរបស់ក្រសួងសុខាភិបាលថៃ បន្ទាប់មក ក៏បញ្ជូនប្រគល់ឲ្យភាគីកម្ពុជា តាមច្រកកិច្ចព្រមព្រៀង គឺច្រករបៀងអូរបីជាន់ ក្នុងស្រុកអូរជ្រៅ ខេត្តបន្ទាយមានជ័យ ដើម្បីចាត់ការបន្ត៕ មុត សារុន
ចែករំលែកព័តមាននេះ