ខេត្តតាកែវ ៖ លោក ស៊ុក ជា ដែលជាពលរដ្ឋម្នាក់រស់នៅក្បែរជើងភ្នំដាបានឲ្យដឹងថា ពេលនេះ កូនប្រុសរបស់លោកអាយុ១០ឆ្នាំ បានស្លា.ប់ ព្រោះតែលោកមិនអាចបញ្ជូនកូនទៅមន្ទីរពេទ្យបានទាន់ពេលវេលា…
ខេត្តតាកែវ ៖ លោក ស៊ុក ជា ដែលជាពលរដ្ឋម្នាក់រស់នៅក្បែរជើងភ្នំដាបានឲ្យដឹងថា ពេលនេះ កូនប្រុសរបស់លោកអាយុ១០ឆ្នាំ បានស្លា.ប់ ព្រោះតែលោកមិនអាចបញ្ជូនកូនទៅមន្ទីរពេទ្យបានទាន់ពេលវេលា ដោយសារតែរវល់ការពារផ្ទះសម្បែង ខណៈដែលអាជ្ញាធររាប់សិបនាក់បានចុះមករុះរើរបងផ្ទះ និងសំយ៉ាបផ្ទះរបស់គាត់ ។
លោកថា មុនពេលក្រុមអាជ្ញាធរចុះមកធ្វើសកម្មភាពរុះរើរបងផ្ទះរបស់គាត់ចំនួន២ថ្ងៃ កូនប្រុសរបស់លោកបានធ្លាក់ពីលើអង្រឹងក្រោមផ្ទះ តែមិនមានប៉ះពាល់សុខភាពអ្វីទេ ហើយនៅថ្ងៃដែលក្រុមអាជ្ញាធរចុះធ្វើសកម្មភាពទាំងកំរោល កូនប្រុសរបស់គាត់បានកាន់ទូរសព្ទ័ថតផ្តិតរូបភាពរបស់ក្រុមមន្ត្រី ហើយក៏ត្រូវកម្លាំងប៉េអឹម និងកំលាំងនគរបាលដេញចាប់កូនគាត់ទៀត ។
ក្រោយកើតរឿងសកម្មភាពនេះហើយ នៅយប់នោះកូនគាត់ចាប់ផ្ដើមក្តៅខ្លួន តែលោកគិតថា មិនអីទេ គ្រាន់តែក្តៅធម្មតា ហើយលោករវល់តែរត់ទៅជួបក្រុមអាជ្ញាធរសុំសម្ភារដែលគេបានដកហូត និងសុំប្រក់ដំបូលសំយ៉ាបឲ្យហើយ ក្រែងភ្លៀងគ្មានកន្លែងជ្រក តែក្រុមអាជ្ញាធរមិនព្រមអោយសម្ភារដែរដកហូតទេ។ ក្រោយមក កូនប្រុសរបស់គាត់ស្រាប់តែមានអាការៈក្តៅខ្លាំង ហើយលោក បានយកទៅគ្រប់ពេទ្យ រួចយកទៅដល់មន្ទីពេទ្យគន្ធបុប្ផាហួសពេល និងបានស្លា.ប់ ហើយក៏យកមកធ្វើបុណ្យតាមប្រពៃណី។
ពាក់ព័ន្ធករណីនេះ ពលរដ្ឋបាននាំគ្នាសោកស្ដាយដល់ក្មេងប្រុសនោះយ៉ាងខ្លាំង បើមិនមានរឿងរុះរើផ្ទះសម្បែងទេ ម្ល៉េះឪពុកម្តាយអាចមានពេលយកកូនទៅពេទ្យទាន់ពេលវេលា ។
យ៉ាងណាក៏ដោយ ពលរដ្ឋស្នើដល់ថ្នាក់លើ សូមជួយពិនិត្យមើល អាជ្ញាធរស្រុកអង្គរបូរីផង កុំឲ្យចេះតែធ្វើបាបរាស្ត្រក្រីក្រទន់ខ្សោយ ដោយដាក់កម្លាំងរាប់សិបនាក់ មករុះរើ ហើយ ឃ្លាំមើលថែមទៀត តែសំណង់លោក នាង សុខុម មេគយ ច្រកបាក់ដៃ ដែលជា បក្ខពួករបស់ខ្លួន ស្ថិត នៅ ជើង ភ្នំបូរី ក្បែរ នោះ អាជ្ញាធរ មិនអើពើឡើយ ទុក ឲ្យ សំណង់ សង់ យ៉ាង រំភើយទៅវិញ ដែលទង្វើនេះ បានបង្ហាញអំពីការអនុវត្ត ស្តង់ដារពីរ រវាងពលរដ្ឋ ក្រីក្រ និងអ្នកមានលុយរបស់អាជ្ញាធរ ស្រុកអង្គរបូរី ។
គួរបញ្ជាក់ថា កាលពីពេលថ្មីៗនេះ លោក ឌឹម គឹមសាន្ត ចៅហ្វាយស្រុកអង្គរបុរីបានដឹកនាំកំលាំងចម្រុះចុះទៅវាយរបងខ្ទមតូចតាច និងលួចយកទ្រព្យសម្បត្តិពលរដ្ឋរស់នៅជាប់ជើងភ្នំដា ស្ថិតនៅក្នុងភូមិព្រែកតាផឃុំព្រែកផ្ទោល ស្រុកអង្គរបុរី ខេត្តតាកែវ ដោយថា សំណង់ទាំងនោះ បានរំលោភទៅលើដីរបស់រដ្ឋ។
តាមសម្តីពលរដ្ឋថា ពួកគាត់រស់នៅលើដីនេះជាង៥០ឆ្នាំមកហើយ មិនដែលមានបញ្ហាអ្វីនោះទេ ទើបតែលោកឌឹម គឹមសាន្តចូលមកកាន់តំណែងជាអភិបាលស្រុកអង្គរបុរី ស្រាប់តែមានគំនិតចង់ព្យាបាទពួកគាត់ដោយសំអាងថា ពួកគាត់រស់លើដីរដ្ឋ។
ពលរដ្ឋបានលើកឡើងទៀតថា អ្នករស់នៅជុំវិញប្រាសាទភ្នំដាសុទ្ធតែរស់លើដីរដ្ឋទាំងអស់ បើរដ្ឋត្រូវការពួកគាត់ប្រគល់អោយតែសុំអោយស្មើភាពគ្នា កុំមកដេញគ្រួសារក្រីក្រ ហើយប្រមូលទុកតែគ្រួសាអ្នកមានលុយនោះ។
ពលរដ្ឋរស់នៅស្រុកអង្គរបុរី សម្ដែងការសោកស្ដាយចំពោះទង្វើរបស់លោកឌឹម គឹមសាន្តចៅហ្វាយស្រុកអង្គរបុរីខ្លាំងណាស់ ដោយពួកគាត់លើកឡើងថា ធ្វើបាបបានតែរាស្ត្រស្លូតត្រង់ក្រីក្ររកអង្ករច្រក់ឆ្នាំងគ្មាន ចំណែកបក្ខពួករបស់ខ្លូនសង់សំណង់យកដីរបស់រដ្ឋស្រស់ៗ បែរជាគ្មានចំណាត់ការ ដូចជា លោក នាង សុខុម ប្រធានការិយាល័យគយ និងរដ្ឋករច្រក់ទ្វេភាគីបាក់ដៃបានទៅសង់សំណង់ផ្ទះលម្ហែលើដីភ្នំបុរី យកតាំងពីជើងភ្នំដល់កំពូលភ្នំ ហេតុអីមិនទៅដេញលោកនាង សុខុមផង ៕ ដោយ ៖ វង់ សុផា
ចែករំលែកព័តមាននេះ