មានទិន្នន័យជាច្រើនបានបង្ហាញថា អាជីវកម្មដែលគ្រប់គ្រងដោយស្ត្រី នៅតែបន្តជាកម្លាំងក្នុងការជំរុញសេដ្ឋកិច្ចជាតិ ។ តើលោកអ្នកដឹងទេ នៅសហរដ្ឋអាមេរិក អាជីវកម្មខ្នាតតូច គឺជាផ្នែកសំខាន់មួយនៃប្រទេសនេះ ហើយស្ត្រីហាក់ដូចជាគ្រប់គ្រងអាជីវកម្មរបស់ពួកគេបានយ៉ាងល្អប្រសើរជាងជាងបុរស ។…
មានទិន្នន័យជាច្រើនបានបង្ហាញថា អាជីវកម្មដែលគ្រប់គ្រងដោយស្ត្រី នៅតែបន្តជាកម្លាំងក្នុងការជំរុញសេដ្ឋកិច្ចជាតិ ។ តើលោកអ្នកដឹងទេ នៅសហរដ្ឋអាមេរិក អាជីវកម្មខ្នាតតូច គឺជាផ្នែកសំខាន់មួយនៃប្រទេសនេះ ហើយស្ត្រីហាក់ដូចជាគ្រប់គ្រងអាជីវកម្មរបស់ពួកគេបានយ៉ាងល្អប្រសើរជាងជាងបុរស ។ អាជីវកម្មខ្នាតតូចជំរុញកំណើនការងារ បង្កើតពន្ធ និងបង្កើតអាជីវកម្មខ្នាតតូចមានភាគរយច្រើនជាងអាជីវកម្មផ្សេងៗ បើប្រៀបអាជីវកម្មអាមេរិកទាំងមូល ខណៈពេលដែលជនអន្តោប្រវេសន៍ និងក្រុមមនុស្សផ្សេងទៀតបានបង្កើតជាផ្នែកធំមួយនៃសេដ្ឋកិច្ច ។ វាជាការស្ទង់មតិថ្មីមួយដែលបានបង្ហាញតាមរយៈប្រជាសាស្ត្រ ទៅនឹងទិដ្ឋភាពអាជីវកម្មខ្នាតតូចមានអត្រាខ្ពស់ ឬច្រើន ហើយភាគច្រើននៃអាជីវកម្មខ្នាតតូចទាំងនោះ គឺស្ត្រីជាគ្រប់គ្រង ។
បើតាមការថ្លែងរបស់ លោក Courtney Kelso អនុប្រធានជាន់ខ្ពស់នៅ American Express បានមានប្រសាសន៍ថា ៖ «ដោយផ្អែកលើប្រជាសាស្ត្រ មុខមាត់នៃភាពជាសហគ្រិនកំពុងវិវត្តដោយមានស្ត្រីបានចូលរូមធ្វើយ៉ាងច្រើន ។ អ្វីដែលគួរឱ្យកត់សម្គាល់ជាងនេះទៅទៀតនោះគឺ ស្ត្រីកំពុងចាប់ផ្តើមអាជីវកម្មដោយខ្លួនឯង ។ ការកើនឡើងនៃស្ត្រីធ្វើអាជីវកម្មនេះ សេដ្ឋកិច្ចជាតិពិតជាមិនអាចប្រកែកបាននោះទេ» ។ ដូចនេះតើមានកត្តាខ្លះៗ ដែលធ្វើឱ្យអាជីវកម្មដែលគ្រប់គ្រងដោយស្ត្រីមានភាពរីកចម្រើនលឿន ខាងក្រោមនេះនឹងបង្ហាញលោកអ្នក ៖
ឧស្សាហកម្ម ឬសហគ្រាស ដែលគ្រប់គ្រងដោយស្ត្រី មានការលូតលាស់ខ្លាំង ៖ នៅពេលក្រឡេកមើលឱ្យបានទូលំទូលាយនៃអាជីវកម្ម ដែលគ្រប់គ្រងដោយស្ត្រី អ្នកស្រាវជ្រាវបានរកឃើញថា កិច្ចខិតខំប្រឹងប្រែងរបស់ពួកគេ ត្រូវបានផ្តោតជាសំខាន់នៅក្នុងឧស្សាហកម្មធំៗ ចំនួនបី ។ មានប្រមាណ ២,៨ លានអាជីវកម្ម ឬ ២២ ភាគរយនៃអាជីវកម្មដែលកាន់កាប់ដោយស្ត្រី ត្រូវបានរកឃើញនៅក្នុង «សេវាកម្មផ្សេងៗ ដូចជា ធ្វើសក់ និងក្រចក និងសេវាកម្មថែរក្សាសត្វចិញ្ចឹម» ។ ប្រមាណ ១៥ ភាគរយ នៃសហគ្រាស ដែលជាកម្មសិទ្ធរបស់ស្ត្រី រួមមានប្រមាណជាជាង ១,៩ លាន អាជីវកម្ម ស្ថិតនៅក្នុងឧស្សាហកម្មថែទាំសុខភាព ដែលភាគច្រើនរួមមានសេវាថែទាំសុខភាពកុមារ និងថែទាំសុខភាពតាមផ្ទះ ។ មួយផ្នែកទៀត គឺសេវាកម្មប្រឹក្សារផ្នែកជំនួយសង្គម សេវាកម្មវិជ្ជាជីវៈវិទ្យាសាស្ត្រ និងបច្ចេកទេស ដូចជាក្រុមហ៊ុននីតិកម្មគណនេយ្យ និងទំនាក់ទំនងសាធារណៈ ដែលប្រមាណជា ១៥ ភាគរយ នៃសហគ្រាសទាំងអស់គ្រប់គ្រងដោយស្ត្រី និងស្មើនឹងមានអាជីវកម្មប្រមាណ ១,៦ លាន ។ អ្នកស្រាវជ្រាវបានរកឃើញថា ខណៈដែលពួកគេបង្កើតបានអាជីវកម្មខ្នាតតូចភាគច្រើន ដែលគ្រប់គ្រងដោយស្ត្រីឧស្សាហកម្មទាំងបីនេះ មិនអាចរកលុយបានច្រើនទេ បើប្រៀបនិងសេវាកម្មពាណិជ្ជកម្មលក់ដុំ គឺបាន ១៧ ភាគរយ ពាណិជ្ជកម្មលក់រាយបាន ១៤ ភាគរយ និងសេវាកម្មវិជ្ជាជីវៈវិទ្យាសាស្ត្រ និងបច្ចេកទេសបានត្រឹមតែ ១០ ភាគរយនោះទេ ។
ស្ត្រីតែងតែមានទឹកចិត្ត ដើម្បីជំរុញការងារ ឬអាជីវកម្មឱ្យដំណើរការទៅមុខជានិច្ច ៖ ដោយសារប្រភពចំណូលរបស់ពួកគេទាប (ស្ត្រី) និងចង់ទទួលបានប្រាក់ចំណូលខ្ពស់ដើម្បីជាផ្នែកមួយនៃសេដ្ឋកិច្ចគ្រួសារ ទើបធ្វើឱ្យសហគ្រិន ឬស្ត្រីដែលធ្វើអាជីវកម្មខ្នាតតូច តែងតែខិតខំពង្រឹងខ្លួន និងពង្រីកអាជីវកម្មរបស់ខ្លួនឱ្យបានកាន់តែប្រសើរឡើងៗ នេះជាហេតុផលមួយដែលស្ត្រីមានភាពរហ័ស និងរីកចម្រើនលឿនជាងបុរស ។ ក្រុមអ្នកស្រាវជ្រាវបានរកឃើញថា ក្នុងរយៈពេល ៥ ឆ្នាំចុងក្រោយនេះ ភាពរឹងមាំនៃសហគ្រិនស្ត្រី កំពុងតែកើនឡើង ហើយអត្រាកំណើននេះល្បឿនជិតទ្វេដង បើប្រៀបធៀបទៅនឹងកំណើនសេដ្ឋកិច្ចទាំងមូល ។ យោងតាមរបាយការណ៍ភាពរីកចម្រើននៃសហគ្រិនបានឱ្យដឹងថា ក្រុមស្ត្រីធំបំផុតដែលជំរុញកំណើនសេដ្ឋកិច្ចនោះគឺក្រុមជនជាតិភាគតិច ដែលបានរកឃើញថា កំណើនសេដ្ឋកិច្ចរបស់ពួកគេគឺ ៦៥ ភាគរយ អាចនិយាយបានថាផ្ទុះឡើងទ្វេដង ខ្ពស់ជាងអាជីវកម្មផ្សេងៗទាំងអស់ ជាង ៣២ភាគរយ ។ ខាងក្រោមនេះជាភាគរយនៃស្ត្រីធ្វើអាជីវកម្មនៅសហរដ្ឋអាមេរិក ៖
សម្រាប់ស្ត្រីជនជាតិអាមេរិកាំង ដើមកំណើតអាហ្វ្រិក មាន ៩៩ ភាគរយ ។
សម្រាប់ស្ត្រីដើមកំណើតកោះហាវ៉ៃ និងប៉ាស៊ីហ្វិក មាន ៧០ ភាគរយ ។
សម្រាប់ស្ត្រីអាមេរិកាំងអាស៊ី មាន ៦៣ ភាគរយ ។
សម្រាប់ស្ត្រីឡាទីន និងអេស្ប៉ាញ មាន ៤៦ ភាគរយ ។
សម្រាប់ស្ត្រីជនជាតិដើមអាមេរិក និងអាឡាស្កា មាន ៣៦ ភាគរយ ។
អាជីវកម្មគ្រប់គ្រងដោយស្ត្រីមានឥទ្ធិពលមកលើសេដ្ឋកិច្ចក្នុងរដ្ឋនីមួយៗ និងតាមតំបន់ ៖ នៅពេលដែលអាជីវកម្មដែលគ្រប់គ្រងដោយស្ត្រីមានផលប៉ះពាល់ នោះវានឹងមានឥទ្ធិពលមកលើសេដ្ឋកិច្ចសហរដ្ឋអាមេរិកផងដែរ ។ ដូចនេះហើយបានជាតាមរដ្ឋនីមួយៗ ធ្វើយ៉ាងណាមិនឱ្យអាជីវកម្មទាំងនោះមានបញ្ហាអ្វីឡើយ ព្រោះក្រុមអ្នកស្រាវជ្រាវក៏បានពិនិត្យឃើញថា អាជីវកម្មដែលគ្រប់គ្រងដោយស្ត្រីនៅក្នុងរដ្ឋនីមួយៗ មានភាពស៊ីវិល័យនិងជឿនលឿននៃសេដ្ឋកិច្ចបានដោយសារអាជីវកម្មរបស់ស្ត្រី ។ ម្យ៉ាងវិញទៀតកំណើននេះ ភាគច្រើនមកពីក្រុមហ៊ុន កំណើនការងារ និងប្រាក់ចំណូល ហើយរដ្ឋដែលមានកំណើនសេដ្ឋកិច្ចខ្ពស់ជាងគេគឺ Georgia ៕ ប្រភព ៖ businessnewsdaily
ចែករំលែកព័តមាននេះ