វិធីសាស្ត្រថែរក្សាភ្នែកទារកទើបសម្រាលរួច
ភ្នែកជាអវយវៈមួយផ្នែកយា៉ងសំខាន់ដែលមិនអាចខ្វះបាន ។ ភ្នែកនោះសោតទៀតមិនមែនគ្រាន់តែមាន ហើយមើលមិនឃើញនោះក៏វាគ្មានន័យ ។ ដូច្នេះដើម្បីសុខភាពភ្នែកឲ្យបានល្អ ស្រស់ថ្លា មើលឃើញច្បាស់
ភ្នែកជាអវយវៈមួយផ្នែកយា៉ងសំខាន់ដែលមិនអាចខ្វះបាន ។ ភ្នែកនោះសោតទៀតមិនមែនគ្រាន់តែមាន ហើយមើលមិនឃើញនោះក៏វាគ្មានន័យ ។ ដូច្នេះដើម្បីសុខភាពភ្នែកឲ្យបានល្អ ស្រស់ថ្លា មើលឃើញច្បាស់ ទាល់តែលោកអ្នកចេះពីរបៀបថែរក្សា ពិសេសត្រូវចេះពីការថែរក្សាភ្នែកកូនតូចតាំងពីគេកើតមក។ ខាងក្រោមនេះជាវិធីសាស្ត្រថែរក្សាភ្នែកទារក ៖
១-សំអាតភ្នែកទារកដែលទើបនឹងកើតមកភ្លាមឲ្យបានស្អាត ។
២-ផ្តល់គ្រាប់ថ្នាំជីវជាតិអា (VitaminA) ឲ្យបានគ្រប់គ្រាន់ដល់ស្ត្រីជាម្តាយ ដែលទើបសម្រាលកូនរួច ។
៣-ជុំវិញការចិញ្ចឹមកូនដោយទឹកដោះ តម្រូវឲ្យស្ត្រីជាម្តាយត្រូវតែបរិភោគអាហារដែលសម្បូរជីវជាតិគ្រប់គ្រាន់ ។
៤-ចាក់ថ្នាំបង្ការជំងឺកញ្ជ្រឹលដល់កុមារនៅពេលមានអាយុ៩ខែ ។
៥-ផ្តល់ថ្នាំជីវជាតិអា (VitaminA) ដល់កុមារចាប់ពីអាយុ៦ខែឡើងទៅ ។
៦-សំអាតមុខទារក ឬកុមារឲ្យបានស្អាតជានិច្ច ។
៧-កុមារទាំងឡាយណាដែលមើលមិនច្បាស់ ត្រូវបញ្ជូនទៅកាន់មន្ទីរពេទ្យភ្នែកឲ្យបានឆាប់បំផុត តាមដែលអាចធ្វើទៅបាន ។
៨-ទារកឬកុមារទាំងឡាយណា ដែលមានកូនក្រមុំ(ប្រសីភ្នែក)ពណ៌ស ឬមានភាពមិនប្រក្រតីផ្សេងទៀត ត្រូវបញ្ជូនទៅកាន់មន្ទីរពេទ្យភ្នែកឲ្យបានឆាប់បំផុត តាមដែលអាចធ្វើទៅបាន ។
៩-ក្មេងទាំងឡាយដែលមានរបួសភ្នែកធ្ងន់ធ្ងរ ឬមានភ្នែកក្រហមត្រូវបញ្ជូនទៅកាន់មន្ទីរពេទ្យជាបន្ទាន់ ។
១០-មិនត្រូវប្រើថ្នាំបុរាណ ដែលអាចបង្កឲ្យមានគ្រោះថ្នាក់ដល់ភ្នែកឡើយ ។
១១-មិនត្រូវប្រើថ្នាំដោយគ្មានវេជ្ជបញ្ជានោះទេ ។
អ្វីដែលល្អបំផុតនៅពេលដែលទារកកើតមកភ្លាម ត្រូវតែអង្កេតតាមដានមើលភ្នែកកូនរបស់លោកអ្នកបើឃើញថា ភ្នែកមានបញ្ហាដែលគួរឲ្យសង្ស័យ ប្រញាប់នាំគេទៅជួបគ្រូពេទ្យភ្នែកជាបន្ទាន់ ៕
ចែករំលែកព័តមាននេះ