ខេត្តឧត្តរមានជ័យ ៖ លំនៅឋានប្រជាពលរដ្ឋមួយខ្នងដែលមានទំហំ៤ម៉ែត្រគុណនឹង៥ម៉ែត្រ ជញ្ចាំងក្តារ ក្រាលក្តារដំបូលប្រក់ស្បូវត្រូវអគ្គីភ័យឆាបឆេះអស់ទាំងស្រុងកាលពីវេលាម៉ោង៨ព្រឹកថ្ងៃទី៩ ឧសភា ឆ្នាំ២០២១ នៅក្នុងភូមិរំចេកលិច ឃុំអន្លង់វែង ស្រុកអន្លង់វែង…
ខេត្តឧត្តរមានជ័យ ៖ លំនៅឋានប្រជាពលរដ្ឋមួយខ្នងដែលមានទំហំ៤ម៉ែត្រគុណនឹង៥ម៉ែត្រ ជញ្ចាំងក្តារ ក្រាលក្តារដំបូលប្រក់ស្បូវត្រូវអគ្គីភ័យឆាបឆេះអស់ទាំងស្រុងកាលពីវេលាម៉ោង៨ព្រឹកថ្ងៃទី៩ ឧសភា ឆ្នាំ២០២១ នៅក្នុងភូមិរំចេកលិច ឃុំអន្លង់វែង ស្រុកអន្លង់វែង ខេត្តឧត្តរមានជ័យ។
តាមប្រភពពីអាវុធហត្ថស្រុកអន្លង់វែងបានឱ្យដឹងថា ម្ចាស់រងគ្រោះខាងលើឈ្មោះម៉ុន បញ្ញា ភេទប្រុស អាយុ៣៥ឆ្នាំ និងប្រពន្ធឈ្មោះអ៊ុន សុភស់ អាយុ២៩ឆ្នាំ រស់នៅក្នុងភូមិឃុំកើតហេតុខាងលើ ។
តាមប្រភពដដែលបានបញ្ជាក់ថា មុនពេលកើតហេតុ ឪពុកម្តាយបាននាំគ្នាចេញទៅធ្វើចំការស្រែបាត់អស់ ដោយនៅសល់តែកូនៗ ស្រាប់តែកូនស្រីអាយុ៧ឆ្នាំម្នាក់ បានយកភ្លើងដុតស្រមោច បណ្តាលឱ្យឆេះរាលដាលដល់ផ្ទះទាំងមូលតែម្តង។
តាមប្រភពដដែលបានបន្តទៀតថា បន្ទាប់មក អ្នកភូមិបានរាយការណ៍មកសមត្ថកិច្ចថា មានករណីអគ្គីភ័យឆាបឆេះលំនៅឋានភ្លាមៗនោះកងកំលាំងអាវុធហត្ថបានចុះទៅដល់កន្លែងកើតហេតុដើម្បីជួយអន្តរាគមន៍ពន្លត់ដែរ ប៉ុន្តែហួសពេលទៅហើយ ដោយសារតែដំបូលប្រក់ស្បូវ ត្រូវភ្លើងឆាបឆេះលឿនពេកពុំអាចជួយពន្លត់ទាន់ឡើយ ។
ក្នុងហេតុការណ៍ខាងលើ បណ្តាលឱ្យផ្ទះមួយខ្នងត្រូវអគ្គិភ័យឆាបឆេះអស់ទាំងស្រុង និងខូចខាតទ្រព្យសម្បត្តិរួមមាន ប្រាក់ចំនួន១លានរៀល វិទ្យុទាក់ទង១គ្រឿង អាគុយសូឡា១ផ្ទាំង ព្រមទាំងសម្ភារៈប្រើប្រាស់មួយចំនួនទៀត៕
ចែករំលែកព័តមាននេះ