ខេត្តត្បូងឃ្មុំ ៖ គ្រោះធម្មជាតិបានកើតឡើងចេញពីភ្លៀងបានបង្អុរធ្លាក់លាយឡំដោយខ្យល់កន្ត្រាក់ ដែលបានកើតឡើងកាលពីយប់ថ្ងៃទី៥ ឧសភា ២០២១ មកលើភូមិសាស្ត្រ ក្នុងនោះរួមមាន ស្រុកអូររាំងឪ ក្រុងសួងស្រុកត្បូងឃ្មុំ…
ខេត្តត្បូងឃ្មុំ ៖ គ្រោះធម្មជាតិបានកើតឡើងចេញពីភ្លៀងបានបង្អុរធ្លាក់លាយឡំដោយខ្យល់កន្ត្រាក់ ដែលបានកើតឡើងកាលពីយប់ថ្ងៃទី៥ ឧសភា ២០២១ មកលើភូមិសាស្ត្រ ក្នុងនោះរួមមាន ស្រុកអូររាំងឪ ក្រុងសួងស្រុកត្បូងឃ្មុំ ពញាក្រែក និងស្រុកមេមត់ ជាហេតុបណ្ដាលឲ្យលំនៅដ្ឋានប្រជាពលរដ្ឋចំនួន៥១ខ្នង ត្រូវបានរងការខូចខាតរបើកដំបូល ក្នុងនោះ មានរលំមួយខ្នងបណ្ដាលឱ្យរបួសមនុស្សចំនួន៥នាក់ មានបាក់ភ្លៅទាំងសង្ខាងម្នាក់ របួសធ្ងន់ជាងគេ ត្រូវបានបញ្ជូនមកសង្គ្រោះនៅមន្ទីរពេទ្យខេត្តកំពង់ចាម ។
សមត្ថកិច្ចមូលដ្ឋានបានឲ្យដឹងថា ចំពោះហេតុការណ៍ដែលបានកើតឡើងនៅក្នុងស្រុកមេមត់ គឺរលំផ្ទះ០១ខ្នង របើកដំបូលផ្ទះ០៥ខ្នង -របួសមនុស្ស៥នាក់ស្រី៣នាក់ ស្ថិតនៅភូមិកោះថ្ម ឃុំទន្លូង1 ផ្ទះធ្វើអំពីឈើប្រក់សង្ក័សីជញ្ជាំងក្តារទំហំ ៤ម×៥ម បានដួលរលំដល់ដីធ្វើឲ្យរបួសមនុស្សនៅក្នុងផ្ទះ ១-ឈ្មោះ ញ៉ែម ម៉ង់ ប/២១ប្តី របួសស្រាល ២-ឈ្មោះ គោ ខ្ញេប ស/១៩ ប្រពន្ឋរបួស ស្រាល ៣-ឈ្មោះគួយ មួយ ប/១៤.កូនរបួសស្រាល ៤-ឈ្មោះសាំង សារិន ស/៦០ ម្តាយរបួសចំក្បាលធ្ងន់បញ្ជួនទៅពេទ្យបង្អែស្រុកមេមត់ និង៥-ឈ្មោះស្វិត ហឿន ស/៥៧ ម្តាយ របួសបាក់ភ្លៅទាំង២ បញ្ជួនទៅពេទ្យខេត្តកំពង់ចាម ។
លោកឧត្តមសេនីយ៍ត្រីម៉ុន មាគ៌ា ស្នងការនគរបាលខេត្តត្បូងឃ្មុំ មានប្រសាសន៍ឲ្យដឹងតាមទូរស័ព្ទដែរថា ក្រោយពីមានគ្រោះធម្មជាតិខ្យល់កន្ត្រាក់នេះ កើតឡើងរូបលោកបានបញ្ជាឱ្យលោកអធិការនៅតាមបណ្ដាលស្រុកក្រុងក្នុងខេត្តត្បូងឃ្មុំ ត្រូវទៅចាត់ឲ្យកម្លាំងនគរបាល តាមបណ្ដាប៉ុស្ដិ៍ត្រូវសហការជាមួយនឹងអាជ្ញាធរមូលដ្ឋាន ។
ធ្វើយ៉ាងណា ជួយដល់ប្រជាពលរដ្ឋដែលមានជីវភាពខ្វះខាតដោយត្រូវចំណាយកម្លាំងជួយរួសរើលំនៅឋានឬ ក៏ជួយជួសជុលផ្ទះដល់ពួកគាត់ដែលរងគ្រោះដោយខ្យល់កន្ត្រាក់។សូមបញ្ជាក់ថា នៅក្នុងហេតុការណ៍ដែលបានកើតឡើងនេះមិនមានប្រជាពលរដ្ឋណាម្នាក់រងគ្រោះថ្នាក់ដល់បាត់បង់ជីវិតនោះទេ៕ ដោយ៖ ចាន់ថេត
ចែករំលែកព័តមាននេះ