ខេត្តបាត់ដំបង៖ «ខ្ញុំខ្មាស់គេណាស់ ប្រពន្ធផិតក្បត់ ខ្ញុំសុំលាសិនហើយ សូមជួយរកយុត្តិធម៌ឲ្យខ្ញុំផង »។ នេះជាពាក្យពេចន៍ដែលបន្សល់ទុកនៅលើក្ដារខៀន ដែលសមត្ថកិច្ចបានធ្វើការសន្និដ្ឋានជាបឋមថា ជាបណ្ដាំចុងក្រោយ របស់លោកសាស្ត្រាចាម្នាក់…
ខេត្តបាត់ដំបង៖ «ខ្ញុំខ្មាស់គេណាស់ ប្រពន្ធផិតក្បត់ ខ្ញុំសុំលាសិនហើយ សូមជួយរកយុត្តិធម៌ឲ្យខ្ញុំផង »។ នេះជាពាក្យពេចន៍ដែលបន្សល់ទុកនៅលើក្ដារខៀន ដែលសមត្ថកិច្ចបានធ្វើការសន្និដ្ឋានជាបឋមថា ជាបណ្ដាំចុងក្រោយ របស់លោកសាស្ត្រាចាម្នាក់ ដែលបានសរសេរមុនពេលគាត់សម្រេចធ្វើ(ចង.ក) ខ្លួនឯងនៅក្នុងផ្ទះ នៅវេលារំលងអធ្រាត្រ ឈានចូលថ្ងៃទី០៥ ឧសភា នៅភូមិអណ្ដូងចេញ សង្កាត់អូរចា ក្រុងបាត់ដំបង ដែលគេសង្ស័យថា ផ្ដើមចេញពីភ្លើងប្រចណ្ឌ។
សមត្ថកិច្ចបានឲ្យដឹងថា ជនរងគ្រោះរូបនេះ ឈ្មោះ ទិត្យ រដ្ឋា អាយុ៥៣ឆ្នាំ ជាសាស្ត្រាចារ្យបង្រៀននៅសាកលវិទ្យល័យឯកជនមួយកន្លែងនៅក្នុងក្រុងបាត់ដំបង ដែលមានភរិយាជាគ្រូបង្រៀនដូចគ្នា។ គាត់ត្រូវបានបងប្អូនប្រទះឃើញចង.កសម្លាប់ខ្លួននៅក្នុងផ្ទះ ដែលស្ថិតនៅចំណុចកើតហេតុខាងលើ។ សមត្ថកិច្ចបានបញ្ជាក់ថា លោកសាស្ត្រាចារ្យ បានយកខ្សែកាបចង.កភ្ជាប់នឹងធ្នឹមផ្ទះ ក្រោយមានផ្ទុះជម្លោះជាមួយភរិយា ហើយភរិយាគាត់បានគេចទៅដេកជាមួយកូននៅផ្ទះជួលនាយប់នោះ។
សមត្ថកិច្ចបានចុះទៅពិនិត្យសាកសព និងកន្លែងកើតហេតុក្រោយពីទទូលដំណឹងដ៏អកុសលនេះ។ ជាមួយនឹងការធ្វើអត្ត.ឃាតរបស់លោកគ្រូបង្រៀនរូបនេះ នៅក្នុងផ្ទះរបស់គាត់គេឃើញមានសំណេរពណ៌ក្រហមប៉ុន្មានឃ្លានៅលើក្ដារខៀនក្នុងផ្ទះរបស់គាត់ ដែលគេសន្និដ្ឋានថា អាចជាសំណេររបស់លោកសស្ត្រាចារ្យ ដែលគាត់បានសរសេរជាបណ្ដាំចុងក្រោយមុនពេលធ្វើអត្តឃាត។
សំណេរនោះមានខ្លឹមសារយ៉ាងដូច្នេះថា « ខ្ញុំខ្មាស់គេណាស់ ប្រពន្ធផិតក្បត់ ខ្ញុំសុំលាសិនហើយ សូមជួយរកយុត្តិធម៌ឲ្យខ្ញុំផង »។ បើយោងលើខ្លិមសារនៃបណ្ដាំនេះ គេមិនទាន់ដឹងថា តើមានជាប់ពាក់ព័ន្ធកំរិតណា ទៅនឹងភរិយារបស់គាត់នោះទេ ? ប៉ុន្តែស្របពេលជាមួយគ្នានេះ មានប្រភពព័ត៏មានពីសាច់ញាតិថា ក្នុងរយៈពេលប៉ុន្មានខែចុងក្រោយនេះ ប្ដីប្រពន្ធ ដែលមានមុខរបរធ្វើគ្រូបង្រៀនដូចគ្នានេះ តែងផ្ទុះជម្លោះជាញឹកញាប់ រហូតពេលខ្លះឈានដល់ប្រើហិង្សាទៀតផង ដែលគេសង្ស័យផ្ដើមចេញពីភ្លើងប្រចណ្ឌ។
ប្រភពដដែលបានបញ្ជាក់ថា នៅយប់កើតហេតុ ប្ដីប្រពន្ធនេះ ក៏បានឈ្លោះប្រកែកគ្នាដែរ ហើយពេលនោះប្រពន្ធរបស់គាត់ បានគេចចេញពីផ្ទះ ទៅដេកជាមួយកូននៅផ្ទះជួល ក្នុងភូមិជ្រៃកោង សង្កាត់ស្លាកែត។ ក្រោយពីប្រពន្ធរត់គេចទៅដេកជាមួយកូនខាងលើ លោក ទិត្យ រដ្ឋា ក៏ជិះម៉ូតូទៅតាមរករឿងប្រពន្ធដល់ទីនោះទៀត។ ប៉ុន្តែដោយសារខឹងប្រពន្ធនិងកូនបិទទ្វារជិតមកឲ្យជួប ព្រោះខ្លាចបង្កហិង្សាធ្ងន់ធ្ងរ ទើបលោកសាស្ត្រាចារ្យរូបនេះ ត្រឡប់មកផ្ទះវិញទាំងចិត្តក្ដៅដូចភ្លើង។
ប្រភពដោយឡែកពីសាច់ញាតិដែរ បាននិយាយថា ក្រោយពីលោក ទិត្យ រដ្ឋា ត្រឡប់ទៅដល់ផ្ទះ នៅវេលារំលងអធ្រាត្រទៅហើយ ដែលទំនងមុនពេលគាត់ធ្វើអត្ត.ឃាតបន្តិច គាត់បានទូរស័ព្ទទៅប្រាប់ម្ដាយរបស់គាត់ ដោយពោលពាក្យថា « ខ្ញុំមិនចង់រស់នៅទៀតទេ ចាំជាតិក្រោយ ចាំជួបគ្នា » និយាយបានត្រឹមប៉ុណ្ណឹង គាត់ក៏បិទទូរស័ព្ទទៅ។
ប្រភពបានបញ្ជាក់ថា ដោយសារតែពាក្យបណ្ដាំរបស់កូនតាមទូរស័ព្ទ ធ្វើឲ្យគាត់មិនអស់ចិត្ត ទើបនៅព្រឹកថ្ងៃទី០៥ ឧសភា ម្ដាយដែលនៅឆ្ងាយ បានប្រាប់ឲ្យបងប្អូនទៅមើល ស្រាប់តែឃើញលោក ទិត្យ រដ្ឋា បានចង.កសម្លា.ប់ខ្លួននៅក្នុងផ្ទះបាត់ទៅហើយ ទើបមានការភ្ញាក់ផ្អើលតែម្ដង។
យ៉ាងណាក្ដី ពាក់ព័ន្ធក្នុងសំណុំរឿងនេះ កោះសន្តិភាពមិនអាចសុំការបំភ្លឺបន្ថែមបានភ្លាមៗពីកូនចៅ ឬ ភរិយា ជនរងគ្រោះបានភ្លាមៗទេ ជុំវិញនឹងខ្លិមសារយ៉ាងធ្ងន់ធ្ងរ នៃសំណេររបស់លោកគ្រូ ទិត្យ រដ្ឋា ដែលបន្សល់ទុកនៅលើក្ដារខៀននោះ។
ដោយឡែក សមត្ថកិច្ចមួយចំនួន ដែលបានចុះទៅពិនិត្យសាកសព និង កន្លែងកើហេតុ បានផ្ដល់ព័ត៌មាននេះ តែសុំមិនប្រាប់អត្តសញ្ញាណ។ ប៉ុន្តែបើតាមមន្ត្រីដទៃទៀត ដែលបានសួរនាំក្រុមគ្រួសារជនរងគ្រោះ បានបង្ហើបឲ្យដឹងថា ការបញ្ចប់ជីវិតខ្លួនឯងរបស់លោកសាស្ត្រាចារ្យ ទិត្យ រដ្ឋា ដោយវិធីចង.កនេះ អាចផ្ដើមចេញពីហេតុផលចំនួន០២ គឺ ផ្ដើមចេញពី «ភ្លើងប្រចណ្ឌ និង វិបត្តិសេដ្ឋកិច្ចនៅក្នុងគ្រួសារ»។ ប៉ុន្តែអាចធ្ងន់ធ្ងរជាងគេគឺភ្លើងប្រចណ្ឌតែម្ដង៕ ដោយ៖ ឆោម ពិសម័យ
ចែករំលែកព័តមាននេះ