សុខភាពមាត់ធ្មេញល្អមិនមែនមានន័យត្រឹម តែបំបាត់ការឈឺចាប់ ធ្មេញមិនមានប្រហោងដោយសារដង្កូវចោះ ក្លិនមាត់ល្អប៉ុណ្ណោះទេ វាអាចឆ្លុះបញ្ចាំងពីសុខភាពទូទៅរបស់មនុស្សគ្រប់រូបផងដែរ ជាពិសេសសម្រាប់ស្ត្រីក្នុងកំឡុងពេលមានផ្ទៃពោះគប្បីឈ្វេងយល់ពីបញ្ហាសុខភាពមាត់ធ្មេញនេះឲ្យមែនទែន ហើយចាំបាច់ដុសសំអាតថែរក្សាឲ្យបានស្អាតជានិច្ច ។ មានចំណុចខ្លះដែលស្ត្រីមានផ្ទៃពោះគួរអនុវត្ត ៖
១-បំប៉នសុខភាព ដោយត្រូវបរិភោគចំណីអាហារដែលមានជីវជាតិគ្រប់គ្រាន់ ដូចជា ត្រី សាច់ ស៊ុត បន្លែស្រស់ ផ្លែឈឺស្រស់ ជាពិសេសអាហារដែលសម្បូរជាតិកាល់ស្យូម និងវិតាមីនសេ ។
២-គប្បីដុសសំអាតធ្មេញយ៉ាងតិចមួយថ្ងៃឲ្យបានពីរដងជាមួយថ្នាំដុសធ្មេញដែលមានគុណភាពពិសេស គួរដុសមុនពេលចូលដំណេក ។
៣-ត្រូវជួបជាមួយពេទ្យធ្មេញ ដើម្បីលាងសំអាត និងព្យាបាលធ្មេញដែលមានបញ្ហា ព្រមទាំងអាចទទួលបានការណែនាំស្តីពីការថែទាំសុខភាពមាត់ធ្មេញផងដែរ ។
៤-ថ្នាំដុសធ្មេញប្រភេទខ្លះដែលស្ត្រីមានផ្ទៃពោះ ស្ត្រីកំពុងបំបៅដោះកូន និងកុមារមានអាយុក្រោម១០ឆ្នាំ មិនត្រូវជាវយកមកប្រើប្រាស់ទេ ជាហេតុនាំឲ្យប៉ះពាល់សុខភាពបើជាការចាំបាច់គួរទៅពិភាក្សាជាមួយជំនាញ ។
ទាំងអស់នេះគឺជាការថែរក្សាសុខភាពមាត់ធ្មេញរបស់ស្ត្រីមានផ្ទៃពោះ ដែលស្ត្រីគ្រប់គប្បីអនុវត្តឲ្យបានទៀងទាត់ដើម្បីបញ្ចៀសពីជំងឺធ្មេញ ។
ពិតណាស់បើកាលណាលោកអ្នកមានសុខភាពធ្មេញល្អ អាចជួយឲ្យយើង បរិភោគអាហារមានរស់ជាតិឆ្ងាញ់, បង្កើនសម្រស់មុខមាត់ឲ្យកាន់តែស្អាត, និយាយច្បាស់ល្អ និងមិនមានក្លិនមាត់ជះទៅដៃគូសន្ទនា ៕
ចែករំលែកព័តមាននេះ