សុដន់ជាអវយវៈមួយផ្នែកដ៏លេចធ្លោស្រស់ស្អាតជាងគេបំផុតនៅលើរាងកាយស្ត្រី ។ វាគឺជាទីតាំងលំដាប់ទី១ដែលបណ្តាបុរសៗចោលភ្នែកមើលដំបូងគេ ។ ស្ត្រីតែងតែសង្កេតមើលសុដន់របស់ខ្លួន ប៉ុន្តែប្រហែលជាពួកគេបានដឹងតិចតួចបំផុតអំពីវា ។ ក្រៅតែពីធ្វើឱ្យមានចំណង់ផ្លូវភេទ សុដន់ក៏ជានិមិត្តរូបសម្រស់សម្រាប់ស្ត្រីភេទផងដែរ ។
យើងសូមបង្ហាញជូននូវលក្ខណៈ៧ចំណុចដែលគេគួរតែដឹងជាពិសេសគឺស្ត្រីខ្លួនឯងដើម្បីកុំឱ្យមានការភ្ញាក់ផ្អើល ឬអំពល់ចិត្ត ៖
១-សុដន់ស្ត្រីខាងឆ្វេងរមែងធំជាងខាងស្តាំ៖ ចំណុចនេះពិតជាពិបាកសង្កេតបន្តិច ប៉ុន្តែជាធម្មតាខាងឆ្វេងពិតជាធំជាងខាងស្តាំ ។ ជាការពិតសុដន់មួយគូនេះមិនមានទំហំប៉ុនគ្នានោះទេ ។ ចំណែកឯក្បាលវាវិញក៏ផ្លាស់ប្តូរទំហំផងដែរនិងមានអ្នកខ្លះវៀចទៅម្ខាង ដូច្នេះជួបបញ្ហានេះស្ត្រីមិនគួរភ្ញាក់ផ្អើលទេ ។
២-គ្រប់ស្ត្រីតែងមានដុះរោមនៅលើបរិវេណជុំវិញក្បាលសុដន់ (Areola) ៖ រោមនៅទីនេះ សម្រាប់បុរសគឺមិនចូលចិត្តទេ ប៉ុន្តែយ៉ាងណានេះគឺជាកត្តាធម្មជាតិ។ ដោយឡែកពណ៌រោមនេះអាស្រ័យទៅតាមសម្បុររបស់ស្បែក និងសក់របស់ស្ត្រីផងដែរ ។ ប្រសិនជាគេមានសក់ខ្មៅ និងសម្បុរខ្មៅ រោមនៅជុំវិញក្បាលសុដន់នោះក៏ខ្មៅដែរ។ មួយវិញទៀត សុដន់ស្ត្រីក៏អាចកើតមុន និងអាចម៍រុយដែរ ។ ដូច្នេះសូមថែរក្សាសុដន់របស់អ្នកប្រកបដោយអនាម័យស្អាតជានិច្ច ។
៣-ជាមធ្យមសុដន់មានទម្ងន់ប្រហែល០,៥គីឡូក្រាម ៖ ទម្ងន់ជាមធ្យមរបស់សុដន់គឺប្រហែលជា ០,៥គីឡូក្រាម ។ ប៉ុន្តែទម្ងន់អាចនឹងប្រែប្រួល(ធ្ងន់ជាងមុន)នៅពេលស្ត្រីមានវ័យចាស់បន្តិច ។ ត្រូវចងចាំដែរថា ស្ត្រីជក់បារីមានសុដន់យារធ្លាក់ជាងស្ត្រីមិនចេះជក់ ។
៤-ស្ត្រីជាង២លាននាក់លើលោកវះកាត់កែសុដន់ ៖ យោងតាមតួលេខនេះបញ្ជាក់ថា ស្ត្រីភាគច្រើនគិតពីសុដន់របស់ខ្លួនដ្បិតមិនមែនស្ត្រីគ្រប់រូបដែលវះកាត់រួចសុទ្ធតែទទួលបានលទ្ធផលពេញចិត្តនោះឡើយ ។ ទោះយ៉ាងណា ស្ត្រីចូលចិត្តធ្វើបែបនេះភាគច្រើនមានអាយុចាប់ពី៣៤ឆ្នាំឡើងទៅ ។
៥-សុដន់រីកធំឡើងនៅពេលដែលមានអារម្មណ៍រីករាយផ្នែកសិច ៖ សុដន់ឡើងតឹងនៅពេលស្ត្រីមានអារម្មណ៍រីករាយផ្លូវភេទ ។
៦-សុដន់មិនត្រូវការបោកយោលទៅមកទេ ៖ ការរត់ ការដើរ និងការហាត់ប្រាណអាចធ្វើឱ្យសុដន់យោលបោកទៅមក ។ ចូរពាក់អាវទ្រនាប់ពិសេសណាមួយដើម្បីកាត់បន្ថយការយោលបោកឱ្យបានតិចជាទីបំផុត ។ ធ្វើបែបនេះអាចជួយឱ្យស្ត្រីកាត់បន្ថយបានការឈឺចាប់ ។ ត្រូវចងចាំថា មុខងារសំខាន់របស់អាវទ្រនាប់គឺជួយការពារសុដន់របស់អ្នកឱ្យមានសុខភាពល្អ ។
៧-សុដន់អាចប្តូររូបរាង ៖ វាស្តាប់ទៅហាក់ដូចជាចម្លែក ប៉ុន្តែការដេកផ្កាប់មុខជួនកាលអាចធ្វើឱ្យខូចរូបរាងសុដន់ ។ ស្ត្រីគួរយកចិត្តបន្ថែមទៀតលើឥរិយាបថដេកទើបអាចរក្សាបានភាពរឹងក្បំ និងទ្រង់ទ្រាយទំហំសុដន់របស់ខ្លួនមូលល្អដដែល ។ ឥរិយាបថដេកល្អជាងគេគឺដេកផ្អៀង និងយកខ្នើយកល់ពីក្រោមការពារសុដន់ធ្លាក់សំយុងចុះ៕
ចែករំលែកព័តមាននេះ