រកឃើញអ្នកឆ្លងកូវីដចំនួន១០នាក់បន្ថែមទៀតនៅស្រុកព្រៃកប្បាស
- តាកែវ
ខេត្តតាកែវ ៖ លោក នុត ស៊ីណាត ប្រធានមន្ទីរសុខាភិបាលខេត្តតាកែវបានអោយដឹងកាលពីព្រឹកថ្ងៃទី២៥ មេសា ឆ្នាំ២០២១ កន្លងទៅនេះថា កាលពីល្ងាចថ្ងៃទី២៤…
ខេត្តតាកែវ ៖ លោក នុត ស៊ីណាត ប្រធានមន្ទីរសុខាភិបាលខេត្តតាកែវបានអោយដឹងកាលពីព្រឹកថ្ងៃទី២៥ មេសា ឆ្នាំ២០២១ កន្លងទៅនេះថា កាលពីល្ងាចថ្ងៃទី២៤ ខែមេសា ឆ្នាំ២០២១ មន្ត្រីសុខាភិបាលបានធ្វើតេស្តរកឃើញអ្នកផ្ទុកជំងឺកូវីដ១៩ចំនួន១០នាក់បន្តទៀតនៅក្នុងស្រុកព្រៃកប្បាស ហើយអ្នកវិជ្ជមានជំងឺកូវីដ១៩ទាំង១០នាក់ ក្នុងនោះគឺត្រូវបានរកឃើញនៅក្នុងឃុំស្នោចំនូន៧នាក់ និងឃុំព្រៃកប្បាស់ចំនួន៣នាក់។ បច្ចប្បន្នអ្នកជំងឺកូវីដទាំង១០នាក់ត្រូវបានដាក់អោយសម្រាកព្យាបាលនៅមន្ទីរពេទ្យបង្អែកស្រុកព្រៃកប្បាស់ ដោយឡែកអ្នកពាក់ព័ន្ធត្រូវបានយកសំណាកទៅធ្វើតេស្តរកជំងឺកូវីដនិងបានណែនាំអោយធ្វើចត្តាឡីស័កអោយបានត្រឹមត្រូវ។
កន្លងមកអាជ្ញាធខេត្តតាកែវបានធ្វើការបិទភូមិស្នោ ឃុំស្នោ ស្រុកព្រែកប្បាសជាងមួយសប្ដាហ៍កន្លងមកហើយ បន្ទាប់ពីរកឃើញអ្នកឆ្លងជំងឺកូវីដ១៩នៅក្នុងភូមិនេះជិត៣០នាក។
លោកនុត ស៊ីណាត ប្រធានមន្ទីរសុខាភិបាលបានធ្វើការអំពាវនាវយ៉ាងទទូចដល់បងប្អូនប្រជាពលរដ្ឋទាំងអស់ត្រូវតែមានការប្រុងប្រយ័ត្នអោយបានខ្ពស់ក្នុងការបង្ការ និងទប់ស្កាត់ការឆ្លងរីករាលដាលជំងឺកូវីដ១៩ ពិសេសត្រូវអនុត្តអោយបាននូវការណែនាំរបស់ក្រសួងសុខាភិបាល ៕
ចែករំលែកព័តមាននេះ