រាជធានីភ្នំពេញ ៖ នគរបាលខណ្ឌទួលគោកមានការភ័.យខ្លាច នាំគ្នាប្រុងប្រយ័ត្នបាញ់អាល់កុលគ្រប់ៗគ្នា ខណៈពេលដែលចាប់ខ្លួន ជនសង្ស័យឆក់ទូរស័ព្ទម្នាក់បញ្ចូនទៅកាន់អធិការដ្ឋាន ហើយជននោះប្រាប់ថា មិនស្រួលខ្លួនអស់រយៈពេល៤ថ្ងៃកន្លងមកហើយ និងធ្វើកាវាស់កម្តៅឡើងដល់៣៧,៥០អង្សា រហូតម៉ាស៊ីនរោទិ៍អោយសញ្ញាទៀតផង។…
រាជធានីភ្នំពេញ ៖ នគរបាលខណ្ឌទួលគោកមានការភ័.យខ្លាច នាំគ្នាប្រុងប្រយ័ត្នបាញ់អាល់កុលគ្រប់ៗគ្នា ខណៈពេលដែលចាប់ខ្លួន ជនសង្ស័យឆក់ទូរស័ព្ទម្នាក់បញ្ចូនទៅកាន់អធិការដ្ឋាន ហើយជននោះប្រាប់ថា មិនស្រួលខ្លួនអស់រយៈពេល៤ថ្ងៃកន្លងមកហើយ និងធ្វើកាវាស់កម្តៅឡើងដល់៣៧,៥០អង្សា រហូតម៉ាស៊ីនរោទិ៍អោយសញ្ញាទៀតផង។
ហេតុការណ៍បង្ក្រាបចាប់បានជនសង្ស័យឆក់ម្នាក់ខាងលើនេះបានបង្កអោយមានការភ្ញាក់ផ្អើលកាលពីវេលាម៉ោងប្រមាណ១១ព្រឹកថ្ងៃទី២៣ ខែមេសា ឆ្នាំ២០២១ នៅចំណុចផ្លូវលេខ១៩២Z សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ។
ជនសង្ស័យរូបនោះត្រូវបាននគរបាលអោយដឹងថា ឈ្មោះទូច ធី អាយុ៣២ឆ្នាំ មានលំនៅម្តុំគល់ស្ពានស្ទឹងមានជ័យ ក្នុងភូមិទី៥ សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ ។ ចំណែកនារីជាម្ចាស់ទូរស័ព្ទឈ្មោះវ៉ន សុខណា ភេទស្រី អាយុ៣៦ឆ្នាំ មុខរបរលក់បាយ មានលំនៅតាមផ្លូវលេខ២០២ ក្បែរកន្លែងកើតហេតុខាងលើ ។
តាមប្រភពព័ត៌មានអោយដឹងទៀត នៅមុនពេលកើតហេតុ នារីរងគ្រោះបានអង្គុយកាន់ទូរស័ព្ទនិយាយនៅចំណុចតាមផ្លូវឌឿងហែមលេខ ១៩២Z ក្រោយផ្ទះ ស្រាប់តែជនសង្ស័យមានគ្នា២នាក់ជិះម៉ូតូមួយគ្រឿងម៉ាកហុងដា ពាក់ស្លាកលេខ ភ្នំពេញ១BQ.៦៦១២ មកក្បែរ ហើយជនម្នាក់ដែលជាអ្នកឌុបបានទះកំភ្លៀងនារីរងគ្រោះ១ដៃ ហើយម្នាក់ដែលជិះក្រោយ(ជនសង្ស័យចាប់ខ្លួនបាន) ក៍បានស្ទុះមកឆក់ទូរស័ព្ទបានសម្រេចតែម្តង ។
តាមប្រភពពីនារីម្ចាស់ទូរស័ព្ទបានអោយដឹងទៀតថា នៅពេលជនសង្ស័យ២នាក់ធ្វើសកម្មភាពឆក់ទូរស័ព្ទពីនាង ខណៈនោះនាងបានស្រែកចោរៗ ហើយស្ទុះទៅចាប់ប្រតាយប្រតប់ ភ្លាមៗប្រជាពលរដ្ឋនៅក្បែរនោះក៏បានស្ទុះចេញមកជួយស្ទាក់ចាប់បានជនសង្ស័យម្នាក់ ។ ចំណែកម្នាក់ទៀតបានផ្តួលម៉ូតូរត់គេចខ្លួនបាត់ស្រមោល ។ ដោយឡែកជនសង្ស័យម្នាក់នោះត្រូវបានកម្លាំងនគរបាលប៉ុស្តិ៍ និងកម្លាំងនគរបាលខណ្ឌ ចុះទៅនាំខ្លួនបញ្ចូនមកកាន់អធិការដ្ឋានខណ្ឌទួលគោក ។
តាមព័ត៌មានអោយដឹងទៀតថា នៅពេលនាំខ្លួនទៅដល់អធិការដ្ឋាននគរបាលក៍បានចេញមកទទួល និងថតរូប ស្រាប់តែជនសង្ស័យប្រាប់ថា មិនស្រួលខ្លួន (ផ្តាសាយធំ) រយះពេល៤ថ្ងៃកន្លងមកហើយ ពេលនោះនគរបាលក៍បាននាំចូលទៅខាងក្នុងវាស់កម្តៅឡើងដល់៣៧,៥០អង្សា ហើយម៉ាស៊ីនវាស់កំដៅរោទិ៍ជាសញ្ញា រួចក៍បាននាំចេញមកក្រៅវិញ ។ ទន្ទឹមនឹងនោះ សមត្ថកិច្ចម្នាក់ៗមានការភ័.យខ្លាច និងប្រុងប្រយ័ត្ន ហើយនាំគ្នាបាញ់អាល់កុលគ្រប់គ្នា ។ លុះក្រោយមក ក៍បានវាស់កម្តៅចំនួន២ដងទៀត ទើបកម្តៅចុះមកនៅត្រឹម៣៦អង្សាវិញ ។
ទោះបីជាយ៉ាងណា គេពុំដឹងថា ជនសង្ស័យមានវិជ្ជមានកូវីដ១៩ឬយ៉ាងណានោះទេ ។ បើសិនជនសង្ស័យមានវិជ្ជមានកូវីដ អាចប្រឈមការឆ្លងទៅប្រជាពលរដ្ឋនិងសមត្ថកិច្ចដែលចាប់នោះ ៕
ចែករំលែកព័តមាននេះ