ខេត្តក្រចេះ ៖ កាលពីវេលាម៉ោង០៨និង៣០នាទីព្រឹកថ្ងៃទី២២ មេសា រថយន្តសង្គ្រោះស្រុកសំបូរបានបញ្ជូនប្រជាពលរដ្ឋចំនួន៣នាក់ ទៅកាន់មន្ទីរពេទ្យបង្អែក ខេត្តក្រចេះ បន្ទាប់ពីមានការសង្ស័យពីវិជ្ជជមានកូវីត19 ក្រោយពាក់ព័ន្ធជាមួយសាច់ញាតិអ្នកកើតកូវីដមកពីខេត្តកំពង់ធំ ។…
ខេត្តក្រចេះ ៖ កាលពីវេលាម៉ោង០៨និង៣០នាទីព្រឹកថ្ងៃទី២២ មេសា រថយន្តសង្គ្រោះស្រុកសំបូរបានបញ្ជូនប្រជាពលរដ្ឋចំនួន៣នាក់ ទៅកាន់មន្ទីរពេទ្យបង្អែក ខេត្តក្រចេះ បន្ទាប់ពីមានការសង្ស័យពីវិជ្ជជមានកូវីត19 ក្រោយពាក់ព័ន្ធជាមួយសាច់ញាតិអ្នកកើតកូវីដមកពីខេត្តកំពង់
ធំ ។
អាជ្ញាធរខេត្តក្រចេះបានអោយដឹងថា អ្នកសង្ស័យមានកូវីដទាំង៣នាក់ខាងលើ ១-ឈ្មោះឌឹម សុខឃីម ភេទប្រុស អាយុ៤២ឆ្នាំ លក់អីវ៉ាន់នៅដំបូកស ជាមេការក្រុមហ៊ុន សុីងបាយអូថេច (ឪពុក), ២-ឈ្មោះ ខុន ឌីនុត ភេទស្រី អាយុ១៧ ឆ្នាំ (ត្រូវជាកូន) និង៣-ឈ្មោះ មាស ខុន ភេទប្រុសអាយុ៦៥ឆ្នាំ ពួកគេស្នាក់នៅបណ្តោះអាសន្ននៅចំណុចដំបូកស ភូមិសំរ៉ែ ឃុំបឹងចារ ស្រុកសំបូរ ខេត្តក្រចេះ ។
របាយការណ៌របស់អាជ្ញាធរបន្តអោយដឹងថា អ្នកទាំង៣នាក់ គឺមានជាប់ពាក់ព័ន្ធជាមួយឈ្មោះ ផៃ វណ្ណដា ភេទប្រុស អាយុ៣១ឆ្នាំ រស់នៅភូមិព្រែកក្រោល ឃុំត្នោតជុំ ស្រុកបារាយណ៍ខេត្តកំពង់ធំ ដែលមានវិជ្ជមានកូវីដ19 កាលពីថ្ងៃទី១៦ មេសា ។ ឈ្មោះ ផៃ វណ្ណដា ជិះម៉ូតូពីកំពង់ធំ មកតាមភ្នំជី មកដេកនៅខ្ទមចំការក្នុងតំបន់ក្រុមហ៊ុនស៊ីបាយអូថេច (ដំបូកស)ស្នាក់នៅ១យប់ ។ លុះដល់ព្រឹកថ្ងៃទី១៧ មេសា គាត់បានចូលទិញសម្ភារសែននៅផ្ទះឈ្មោះ ឌឹម សុខឃីម ដើម្បីយកទៅសែននៅកន្លែងដែលឪពុកខ្លួនគ្រោះថ្នាក់បាក់ឈើសង្កត់លើ រួចក៏វិលត្រឡប់ទៅខេត្តកំពង់ធំវិញ ហើយបច្ចុប្បន្នឈ្មោះផៃ វណ្ណដា បានធ្វើចត្តាឡីស័កនៅវិទ្យាល័យ ជាស៊ីម កំពង់ថ្ម ខេត្តកំពង់ធំ។
បច្ចុប្បន្នអ្នកទាំង៣ខាងលើ បានកំពុងធ្វើចត្តាឡីស័កនៅមន្ទីរពេទ្យបង្អែកខេត្តក្រចេះ ហើយចំពោះអ្នកពាក់ព័ន្ធផ្សេងទៀត ក្រុមការងារបានណែនាំឲ្យពួកគាត់ធ្វើចត្តាឡីស័កនៅផ្ទះដោយខ្លួនឯង និង រស់នៅដាច់ដោយឡែក ដើម្បីការពារទប់ស្កាត់ការរីករាលដាលនៃជំងឺកូវីដ19 ។
គួរបញ្ជាក់ថា រហូតមកដល់ថ្ងៃទី២២ មេសា នេះ ករណីអ្នកកើតកូវីដនៅខេត្តក្រចេះ មានចំនួន3នាក់ ជាស្បើយ១នាក់ ឈ្មោះ ជុំ ចន្ទី នៅស្រុកស្នួល និងអ្នកពាក់ព័ន្ធ នឹងប្រយោលជាង770នាក់ កំពុងធ្វើចត្តាឡីស័ក។ ដោយ៖ ប៊ុន លីនណា
ចែករំលែកព័តមាននេះ