ខេត្តព្រៃវែង៖ មកដល់ថ្ងៃទី១៨ ខែមេសា ឆ្នាំ២០២១ ខេត្តព្រៃវែង មានអ្នកវិជ្ជមានកូវីដ-១៩ ចំនួន ២៨នាក់ កំពុងសម្រាកព្យាបាលនៅមន្ទីរពេទ្យ និងមនុស្សចំនួន ៨០០នាក់ទៀត កំពុងធ្វើចត្តាឡីស័ក។ នេះបើតាមលោក ចាន់ ថា អភិបាលរងខេត្តព្រៃវែង ទទួលបន្ទុកគណៈកម្មការប្រយុទ្ធប្រឆាំងជំងឺកូវីដ-១៩ ខេត្តព្រៃវែង។
លោក ចាន់ ថា អភិបាលរងខេត្តព្រៃវែង បញ្ជាក់ថា បើគិតចាប់ពីថ្ងៃទី៦ ខែមីនា ឆ្នាំ២០២១ មកដល់ល្ងាចថ្ងៃទី១៨ ខែមេសា ឆ្នាំ២០២១ នេះ សម្រាប់ខេត្តព្រៃវែង បើសរុបអ្នកវិជ្ជមានកូវីដ-១៩ មានចំនួន ៧៥នាក់។ ក្នុងនោះ ព្យាបាលជាសះស្បើយចំនួន ៤៤នាក់ និងស្លាប់ ចំនួន ៣នាក់។ បច្ចុប្បន្ន នៅសល់អ្នកវិជ្ជមានកូវីដ-១៩ ចំនួន ២៨នាក់ កំពុងសម្រាកព្យាបាល ខណៈអ្នកពាក់ព័ន្ធចំនួន ៨០០នាក់ទៀត កំពុងធ្វើចត្តាឡីស័ក នៅតាមមណ្ឌលក្នុងខេត្តផងដែរ។
លោក ចាន់ ថា បញ្ជាក់បន្តទៀតថា ក្នុងចំណោមអ្នកវិជ្ជមានកូវីដ-១៩ ដែលកំពុងសម្រាកព្យាបាលទាំង ២៨នាក់នោះ គឺមានអ្នកវិជ្ជមានកូវីដ-១៩ ចំនួន ៩នាក់ ដែលមកពីរាជធានីភ្នំពេញ បានលួចមកលេងស្រុកកំណើត នៅតាមបណ្តាភូមិ ឃុំ ស្រុកនានា រួមមាន៖
១.ឈ្មោះ ឆាំ រីនឌី ភេទប្រុស អាយុ ២៤ឆ្នាំ រស់នៅភូមិចាក់ខ្លាញ់ ឃុំពាមរក៍ ស្រុកពាមរក៍ បានយកសំណាកទៅពិនិត្យ នៅថ្ងៃទី១៣ ខែមេសា (យកលើកទី១) មកពីភ្នំពេញ។
២.ឈ្មោះ យៀវ លន ភេទស្រី អាយុ ៤៦ឆ្នាំ រស់នៅភូមិស្វាយចេក ឃុំឬស្សីស្រុក ស្រុកពាមជរ បានយកសំណាកទៅពិនិត្យ នៅថ្ងៃទី១៣ ខែមេសា (យកលើកទី១) គាត់មកពីរាជធានីភ្នំពេញ។
៣.ឈ្មោះ ឆែម ភា ភេទប្រុស អាយុ ៤៣ឆ្នាំ រស់នៅភូមិកូនពោធិ៍ ឃុំពានរោង ស្រុកស្វាយអន្ទរ យកសំណាកទៅពិនិត្យ នៅថ្ងៃទី១៤ ខែមេសា (យកលើកទី១) គាត់មកពីភ្នំពេញ។
៤.ឈ្មោះ ហ៊ាង ភី ភេទប្រុស អាយុ ២៧ឆ្នាំ រស់នៅភូមិព្រៃស្រមោច ឃុំអង្គររាជ្យ ស្រុកព្រះស្តេច យកសំណាក់ទៅពិនិត្យនៅថ្ងៃទី១៤ ខែមេសា (យកលើកទី១) គាត់មកពីរាជធានីភ្នំពេញ។ ថ្ងៃទី១៨ ខែមេសា ឆ្នាំ២០២១ ពិនិត្យសំណាកម្តងទៀត នៅខេត្តព្រៃវែង ទទួលបានលទ្ធផល។
៥.ឈ្មោះ យ៉ន ឡាំងហួយ ភេទស្រី អាយុ ១៨ឆ្នាំ រស់នៅភូមិឬស្សីសាញ់ ឃុំឬស្សីសាញ់ ស្រុកស៊ីធរកណ្តាល គាត់មកពីភ្នំពេញ ថ្ងៃទី៨ ខែមេសា ឆ្នាំ២០២១។ ធ្វើចត្តាឡីស័ក នៅសាលាបឋមសិក្សាឬស្សីសាញ់ យកសំណាកទៅពិនិត្យ ថ្ងៃទី១៥ ខែមេសា ឆ្នាំ២០២១ (យកលើកទី១) លទ្ធផលវិជ្ជមានកូវីដ-១៩។
៦.ឈ្មោះ ខោល នីន ភេទស្រី អាយុ ៤៤ឆ្នាំ នៅភូមិចុង ឃុំពោធិ៍ទី ស្រុកស៊ីធរកណ្តាល ធ្វើចត្តាឡីស័កនៅសាលាបឋមសិក្សាពោធិ៍ទី មកពីភ្នំពេញ ដល់ថ្ងៃទី១២ ខែមេសា ឆ្នាំ២០២១ យកសំណាកទៅពិនិត្យ ថ្ងៃទី១៥ ខែមេសា ឆ្នាំ២០២១ (យកលើកទី១) លទ្ធផលវិជ្ជមានកូវីដ-១៩។
៧.ឈ្មោះ ណែម ណុប ភេទប្រុស អាយុ ១២ឆ្នាំ នៅភូមិស្វាយសាក់ ឃុំពោធិ៍ទី ស្រុកស៊ីធរកណ្តាល ធ្វើចត្តាឡីស័ក នៅសាលាបឋមសិក្សាពោធិ៍ទី មកពីភ្នំពេញ ដល់ថ្ងៃទី១២ ខែមេសា ឆ្នាំ២០២១យកសំណាកទៅពិនិត្យថ្ងៃទី១៥ ខែមេសា ឆ្នាំ២០២១ (យកលើកទី១) លទ្ធផលវិជ្ជមានកូវីដ-១៩។
៨.ឈ្មោះ ធា ណែត ភេទប្រុស អាយុ ៣៤ឆ្នាំ នៅភូមិពោធិ៍ទី ឃុំពោធិ៍ទី ស្រុកស៊ីធរកណ្តាល ធ្វើចត្តាឡីស័ក នៅសាលាបឋមសិក្សាពោធិ៍ទី មកពីភ្នំពេញ ដល់ថ្ងៃទី១២ ខែមេសា ឆ្នាំ២០២១ យកសំណាកទៅពិនិត្យ នៅថ្ងៃទី១៥ ខែមេសា ឆ្នាំ២០២១ (យកលើកទី១) លទ្ធផលវិជ្ជមានកូវីដ-១៩។
៩.ឈ្មោះ ឡាត់ ចាន់ណក់ ភេទស្រី អាយុ ៣២ឆ្នាំ នៅភូមិពោធិ៍ទី ឃុំពោធិ៍ទី ស្រុកស៊ីធរកណ្តាល ធ្វើចត្តាឡីស័ក នៅសាលាបឋមសិក្សាពោធិ៍ទី មកពីភ្នំពេញ ដល់ថ្ងៃទី១២ ខែមេសា ឆ្នាំ២០២១ យកសំណាកទៅពិនិត្យថ្ងៃទី១៥ ខែមេសា ឆ្នាំ២០២១ (យកលើកទី១) លទ្ធផលវិជ្ជមានកូវីដ-១៩៕
ចែករំលែកព័តមាននេះ